Þjóðmál - 01.03.2016, Page 8

Ljóst er af lestri hinna ítarlegu greinargerða
sem fylgja hverri tillögu fyrir sig að lögð
hefur verið áhersla á að færa tillögurnar í sem
bestan lögfræðilegan búning og svara fræði-
legum spurningum sem vakna við lestur
ákvæðanna sjálfra.
Nefndin sendi frá sér drög að þremur frum-
vörpum. í tilkynningu hennar segir að í henni
hafi verið rætt hvort flytja ætti eitt frum-
varp um málið en nefndin hafi ákveðið að
halda frumvörpunum aðskildum til þess að
kjósendur í þjóðaratkvæðagreiðslu um nýju
ákvæðin hefðu meira val.Tillaga nefndar-
innar um málsmeðferð ber með sér að
framtíð einnar greinar ræðst ekki af örlögum
hinna. Komi til þjóðaratkvæðagreiðslu um
þessar tillögur er unnt að styðja eina þeirra
en vera á móti annarri.
Hér skal engu spáð um örlög þessara tillagna.
Miðvikudaginn 23. febrúar kom Sigmundur
Davíð Gunnlaugsson forsætisráðherra á
óvart með því að lýsa sig ósammála tillögu
nefndarinnar um þjóðaratkvæðagreiðslu -
hann hefði viljað sjá heimild fyrir ákveðinn
Ijölda fólks til að óska eftir þjóðaratkvæða-
greiðslu um ákveðið mál, of þröngt væri að
aðeins mætti óska eftir þjóðaratkvæði um ný
afgreidd lög.
II.
Stjórnarskrármál hafa verið á döfinni allt frá
því að lýðveldisstjórnarskráin tók gildi 17.
júní 1944. Harðasta og undarlegasta gagn-
rýni á stjórnarskrána frá 1944 einkenndi
forsætisráðherratíð Jóhönnu Sigurðardóttur.
í mars 2009 flutti hún ásamt fulltrúum allra
þingflokka á alþingi nema Sjálfstæðisflokks-
ins tillögu um breytingar á stjórnarskránni.
Efnislega snerist tillagan um þau þrjú mál
sem nú hafa verið formgerð, að vísu á annan
hátt en þá var. Fyrir Jóhönnu skipti tvennt
mestu á þessum tíma: (1) að einangra Sjálf-
stæðisflokkinn í stjórnarskrármálinu, (2) að
gjörbylta stjórnarskránni á sérstöku stjórn-
Tvennt skipti Jóhönnu Sigurðardóttur mestu; að einangra
Sjálfstæðisflokkinn og gjörbylta stjórnarsrkánni á sérstöku
stjórnlagaþingi.
Mynd: Magnus Fröderberg.
6 ÞJÓÐMÁL