Þjóðmál - 01.03.2016, Síða 82

DÆMISAGA
Saga af tíu vinum
Dr. David R. Kamerschen, prófessor
í hagfræði við Háskólann í Georgíu,
setti saman dæmisögu sem varpar
með einföldum hætti Ijósi á alvarlega
galla stighækkandi tekjuskatts. Hér er
dæmisagan staðfærð og breytt lítillega
en hún gefur okkur ágæta innsýn í
íslenska skattkerfið eftir að því var
kollvarpað á síðasta kjörtímabili með
stighækkandi skattprósentum. Um leið
skýrir sagan ágætlega hvers vegna það
er erfitt pólitískt að lækka skatta undir
kerfi stighækkandi skattheimtu, jafnvel
þótt öll hagræn rök mæli með lækkun.
Tíu félagar hittast vikulega og fá sér bjór.
Reikningurinn er upp á 10 þúsund krónur.
Þeir skipta reikningnum á milli sín með sama
hætti og þeir greiða skatta og styðjast þá við
tekjutengt skattkerfi. Því hærri tekjur, þeim
mun meira er greitt. Því lægri tekjur, þeim
mun lægri er greiðslan og jafnvel er ekkert
greitt.
Niðurstaðan:
• Fyrstu fjórir félagarnir greiða ekkert.
• Fimmti félaginn greiðir 100 krónur.
• Sá sjötti greiðir 300.
• Sá sjöundi greiðir 700.
• Sá áttundi greiðir 1.200.
• Sá níundi greiðir 1.800.
• Tíundi félaginn (sá ríkasti) greiðir 5.900, eða
59% af heildarfjárhæðinni.
80 ÞJÓÐMÁL