Morgunblaðið - 25.06.2021, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 25. JÚNÍ 2021
Ljósmyndir Rutar og Silju
Skipholti 31 | 105 Reykjavík | Sími 568 0150 | www.rut.is |
Opið alla virka daga kl. 10-17
Passamyndir
Tímapantanir
í síma 568 0150
eða á rut@rut.is
Tryggjum
tveggja metra fjarlægð
og gætum ítrustu
ráðstafana
Þóra Birna Ingvarsdóttir
thorab@mbl.is
Flugvél flugfélagsins Play tók af stað
í jómfrúarferð sína í gær frá Kefla-
víkurflugvelli. Ferðinni var heitið til
Lundúna og voru í vélinni um 100 far-
þegar. Venjan er að boðsgestir fylli
fyrstu ferð nýs flugfélags en Play fór
aðra leið þar sem aðeins farþegar
sem greitt höfðu fyrir farið voru um
borð og er ástæðan sú að meiri fyr-
irhöfn er að ferðast nú en áður.
Fimm manna sérvalið teymi flug-
liða sá um farþega Play en Jónína
Guðmundsdóttir, framkvæmdastjóri
mannauðssviðs, sagði að erfitt hafi
verið að velja áhöfnina fyrir þetta
fyrsta flug. Í fyrstu lotu, sem tekur
mið af þeim þremur flugvélum sem
Play sér fram á að nota í sumar, var
aðeins ráðið í 55 stöður flugliða. Um-
sóknirnar sem bárust voru aftur á
móti 1.500 talsins. Jónína sagði að
Play myndi svo ráða fleiri í haust.
Á sama tíma og verið var að klippa
á borða vegna jómfrúarferðar Play,
hófst hlutafjárútboð á félaginu en því
lýkur klukkan fjögur í dag. Bréfum
verður svo úthlutað eftir helgi. Með
hlutafjárútboðinu hefur stefnan verið
sett á að safna fjórum milljörðum
króna. Birgir Jónsson, forstjóri Play,
sagði að óháð því væri rekstur félags-
ins nú þegar fjármagnaður til ársins
2025.
Fyrr í vikunni bárust fréttir af því
að alþjóðlegi fjárfestingasjóðurinn
Bain Capital hafi gengið frá kaupum
á 8 milljarða króna hlut í Icelandair.
Birgir sagði þessar fréttir sýna
áhuga erlendra fjárfesta á íslenskum
ferðamannaiðnaði. Það séu því ekk-
ert annað en jákvæðar fréttir fyrir
Play.
Sagan hefur ekki verið hliðholl lág-
gjaldaflugfélögum á íslenskum mark-
aði hingað til. Birgir sagði að tveggja
ára vinna lægi að baki stofnun Play
sem sé vel fjármagnað og ætli sér að
gera hlutina skynsamlega. Flug-
félagið mun því leggja upp úr sveigj-
anleika og halda sig við leiðarkerfi
sem gengur aðallega út á að tengja
Bandaríkin og Evrópu. Skráning fé-
lagsins á markað hafi svo þau áhrif að
gerðar eru meiri kröfur til gagnsæis
og skipulags sem hjálpar stjórn-
endum að halda einbeitingu.
Þegar Birgir klippti á borðann
ásamt Guðmundi Daða Rúnarssyni,
framkvæmdastjóra viðskipta- og þró-
unar Isavia, sagði hann það vera til-
finningaríka stund að sjá hlutina
raungerast. Hann sagði þennan dag
vera risastóran og líklega þann gleði-
legasta í sögu félagsins. „Við ætlum
að láta íslenska ferðaþjónustu og
efnahag finna fyrir okkur.“
Morgunblaðið/Unnur Karen
Áhöfnin Að sögn Jónínu Guðmundsdóttur mannauðsstjóra var erfitt að velja áhöfnina fyrir jómfrúarferð félagsins.
Leikar hefjast hjá Play
með fyrstu ferð og útboði
- Ráða fleiri starfsmenn í haust - Hlutafjárútboði lýkur í dag
Borðaklipping Birgir Jónsson ásamt Guðmundi Daða Rúnarssyni.
Helgi Bjarnason
helgi@mbl.is
Hagstæður hiti sjávar við Vest-
mannaeyjar skapar góðar aðstæður
til að ala lax í kerum á landi. Hópur
fjárfesta hefur gert samkomulag
við Vestmannaeyjabæ um að fá út-
hlutaðri lóð í Viðlagafjöru á svoköll-
uðu Nýjahrauni fyrir landeldisstöð.
Hafið er umhverfismatsferli
vegna verkefnisins á vegum félags-
ins Sjálfbært fiskeldi í Eyjum ehf.
Lárus Ásgeirsson stjórnarmaður
segir gert ráð fyrir að framkvæmd-
ir hefjist á næsta ári, ef nauðsynleg
leyfi fáist fyrir þann tíma, og að lax
verði settur í stöðina á árinu 2023.
Stefnt er að því að framleiða 10
þúsund tonn á ári en að fram-
kvæmdin verði áfangaskipt. Fyrst
verði byggt upp til framleiðslu á
fimm þúsund tonnum og annað eins
verði í síðari áfanga.
Lóðin er í efnisnámu
Í Viðlagafjöru er efnisnáma og
segir Lárus að jafna þurfi lóðina
með efnisflutningum innan svæðis.
Hafi framkvæmdir þar því lítil um-
hverfisáhrif. Vestmannaeyjar eru
það sunnarlega að þar er hægt að
ná í hlýjasta sjóinn við landið. Að-
stæður henta því vel til eldis á laxi í
kvíum á landi. Ekki þarf mikinn að-
gang að köldu eða heitu vatni.
Áformað er að fá seiði ofan af landi
en Lárus segir ekki ákveðið hvort
fyrirtækið framleiði þau sjálf eða
kaupi af öðrum. Þá segir Lárus að
Vestmannaeyjar liggi vel við flutn-
ingaleiðum afurða til annarra landa.
Loks nefnir hann að í fjárfesta-
hópnum séu menn sem þekki til
eldis, vinnslu og sölu sjávarafurða.
Hluthafar eru að mestu fyrirtæki
og einstaklingar í Vestmannaeyj-
um.
„Þetta á eftir að gera sig mjög
vel og verður lyftistöng fyrir
byggðarlagið,“ segir Lárus.
Samningur fyrirtækisins og Vest-
mannaeyjabæjar um verkefnið var
undirritaður í gærmorgun. Þar
kemur fram að bærinn hefur hafið
vinnu við skipulag svæðisins. Áætl-
að er að henni verði lokið í lok
þessa árs eða byrjun þess næsta. Á
þeim grundvelli verði lóðinni út-
hlutað. „Ég bind miklar vonir við
þetta verkefni. Það er afar jákvætt.
Það er framtíðin að við ekki aðeins
veiðum fisk heldur ræktum hann
einnig. Landeldi virðist vera það
sem koma skal,“ segir Íris Róberts-
dóttir bæjarstjóri.
Fá lóð til landeldis í Viðlagafjöru
- Fyrirtækið Sjálfbært fiskeldi í Eyjum ehf. hyggst reisa stöð til eldis á 10 þúsund tonnum af
laxi á ári - Aðgangur að hlýjum sjó skapar góðar aðstæður til starfseminnar í Vestmannaeyjum
Morgunblaðið/Óskar Pétur Friðriksson
Samið Hallgrímur Steinsson, Íris Róbertsdóttir og Daði Pálsson.
Tölvuteikning/Sjálfbært fiskeldi í Eyjum ehf.
Landeldi Tölvuteikning af fyrirhugaðri eldisstöð í Viðlagafjöru.
Rútufyrirtækið Allrahanda Gray
Line ehf. hefur gert áætlun til næstu
þriggja ára um endurreisn félagsins
í kjölfar erfiðleika af völdum kórónu-
veirunnar. Hefur félagið óskað eftir
nauðasamningi fyrir héraðsdómi en
greiðsluskjól þess rennur út í dag.
Í tilkynningu frá Gray Line er
rakið með hvaða hætti það hyggist
efna nauðasamninginn á næstu
þremur árum. Byggir félagið á spá
um komu ferðamanna til Íslands á
greiðslufreststímabilinu sem og
sögulegum gögnum um rekstraraf-
komu þess á síðustu mánuðum áður
en faraldurinn skall á.
Atli Björn Þorbjörnsson lögmaður
var skipaður umsjónarmaður með
nauðasamningsumleitunum Grey
Line fyrir héraðsdómi. „Umsjónar-
maðurinn segir í afstöðu sinni til
frumvarpsins að hann telji eðlilega
og ásættanlega mælikvarða styðja
áætlanir félagsins um efndir nauða-
samnings. Hann vísar m.a. til mik-
illar fækkunar stöðugilda og útleigu
á ríflegum hluta höfuðstöðva félags-
ins til fyrirtækis sem mun þjónusta
bifreiðaflota AGL á hagstæðum
kjörum. Hann bendir á yfirgrips-
miklar hagræðingaraðgerðir í
rekstri AGL sem hafa leitt til þess að
fastur rekstrarkostnaður er mjög
lágur en félagið engu að síður vel í
stakk búið til að skapa miklar tekjur
til framtíðar litið,“ segir í tilkynn-
ingu Gray Line.
Áætlun félagsins gerir ráð fyrir að
innan þriggja ára verði gert upp við
alla almenna kröfuhafa að fullu með
samningsvöxtum og jafnframt hefj-
ist afborganir af veðtryggðum skuld-
um.
Í rekstraráætlun fyrir endurreisn
Gray Line er markaðs- og sölustarf-
semi þess færð yfir í félagið GL Ice-
land ehf. (GLI) í eigu sömu aðila og
AGL. Félagið GLI mun annast sölu
og markaðsmál fyrir Gray Line og
kaupa þjónustu af AGL í takt við þau
umsvif sem vænta má þegar ferða-
mönnum fjölgar að nýju. Hluthafar
hyggjast leggja félögunum til fé til
þess að koma rekstrinum af stað.
Óskar eftir
nauðasamningi
- Vilja endurreisa rekstur Gray Line