Morgunblaðið - 25.06.2021, Blaðsíða 29

MENNING 29
MORGUNBLAÐIÐ FÖSTUDAGUR 25. JÚNÍ 2021
Hólmfríður María Ragnhildardóttir
hmr@mbl.is
„Þráðurinn í sýningunni er skynjun
og vísar hún í þennan fund sem
maður á þegar gengið er inn í sýn-
ingarsal og maður mætir verki,“
segir Sunna Ástþórsdóttir, sýn-
ingastjóri á Nýlistasafninu, um
samsýninguna Efnisgerð augnablik
sem unnin er af myndlistarfólkinu
Baldri Geir Bragasyni, Ingu Þórey
Jóhannsdóttur, Ingunni Fjólu Ing-
þórsdóttur og Ívari Valgarðssyni.
Skynjun gesta og meðvitund er í
forgrunni á sýningunni og meðal
annars lögð áhersla á hvernig mál-
verk geta virkjað rýmið, bæði rým-
ið í verkinu og líka rými áhorfenda.
Leitast listafólkið eftir því að vekja
upp hugmyndafræðilegar vanga-
veltur og fá gesti til að hugsa um
hvernig þeir upplifa, í staðinn fyrir
hvað.
„Fólk á að upplifa verkin á eigin
forsendum. Þetta snýst líka um
þann tíma sem maður eyðir með
listaverkinu. Þegar maður færir sig
um og skoðar verkin frá mismun-
andi sjónarhornum, mismunandi
krókum og kimum, uppgötvar mað-
ur alltaf eitthvað nýtt. Við erum að
reyna að leyfa því augnabliki að
flæða fram,“ segir Sunna.
Innblástur frá málverkinu
Verkin snerta öll á þungri sögu
málverksins, tilurð þess og arfleifð,
en líka tilviljunum hversdagsins.
Nota fjórmenningarnir bæði hefð-
bundna miðla við sköpun verkanna
sem og fundin efni en nálganir
þeirra eru ólíkar og hver og einn er
með sína sérstöðu.
„Við höfum öll verið að velta mál-
verkinu fyrir okkur, verið að teygja
það og toga, og gera tilraunir með
það sem efnivið. Verkin okkar eru
því sjálfstæð en tengjast líka öll
innbyrðis,“ segir Ingunn Fjóla, ein
listamannanna úr hópnum.
Listaverkin dvelja í bilinu milli
málverka og skúlptúra og eru þau
ýmist í tvívídd eða þrívídd. Segir
Ingunn verkin eiga það sameig-
inlegt að hægt sé að njóta þeirra
einungis sem fallegra málverka en í
þeim leynast einnig dýpri merking-
ar og jafnvel pólitískar skírskot-
anir. Segir hún bæði alvarleika og
húmorískan léttleika einkenna sýn-
inguna. Meðal þeirra listaverka
sem fjórmenningarnir sýna er litrík
innsetning sem knúin er áfram af
mótorum, ljósmyndasería sem vek-
ur upp spurningar um landamæra-
eftirlit, herðatrésskúlptúrar sem
liggja á mörkum listhlutar og
nytjahlutar, og ljósmyndasería af
rýminu sem skapast milli lista-
verka.
Langur aðdragandi
Að sögn Ingunnar Fjólu, var það
í gegnum samtal við fyrrum sýn-
ingarstjórann Aldísi Arnardóttur
sem hlutirnir fóru fyrst að gerast
en hugmyndin að sýningunni var
búin að vera lengi í gerjun. Þegar
fjórmenningarnir höfðu fyrst sam-
band við Nýlistasafnið var sýningin
því vel á veg komin og í kjölfarið
bauð stjórn safnsins hópnum að
fylgja hugmyndinni eftir. Lista-
mennirnir hafa ekki sýnt saman
sem hópur áður þótt leiðir þeirra
flestra hafi legið saman.
Fjöldi gesta kíkti á safnið opn-
unarhelgina og hlakkar Sunna til
að taka á móti gestum yfir sum-
artímann en sýningin mun standa
yfir til 8. ágúst og verður opið milli
kl. 12 og 18, frá miðvikudegi fram á
sunnudag.
Skynjun gesta í forgrunni
- Áhersla er lögð á hvernig málverk geta virkjað rýmið, bæði rýmið í verkinu
og líka rými áhorfenda, á sýningunni Efnisgerð augnablik í Nýlistasafninu
Morgunblaðið/Eggert
Sýningastjóri Sunna Ástþórsdóttir innan um nokkur verkanna á sýningunni í Nýlistasafninu sem nú stendur yfir.
Saga Verkin snerta öll á þungri sögu málverksins, tilurð þess og arfleifð, en
líka tilviljunum hversdagsins, segir um sýninguna Endurgerð augnablik.
Nýjustu kvikmyndir leikstjóranna
Kenneths Branagh og Edgars
Wright verða meðal þeirra sem
fumsýndar verða á kvikmyndahá-
tíðinni í Toronto sem haldin verður
í september. Þykir hátíðin jafnan
vísbending um hvaða kvikmyndir
verði tilnefndar til Óskars-
verðlauna en í fyrra fór hátíðin að
mestu fram á netinu vegna Co-
vid-19.
Kvikmynd Branaghs nefnist Bel-
fast og er hann bæði handritshöf-
undur og leikstjóri hennar. Mun
hún vera að hluta byggð á ævi Bra-
naghs og segja af verkamanna-
fjölskyldu á sjöunda áratug síðustu
aldar. Meðal aðalleikara eru Jamie
Dornan og Judi Dench. Kvikmynd
Wrights heitir Last Night in Soho
og er spennumynd. Segir í henni af
ungri konu sem finnur einhvers
konar gátt inn í aðra vídd og endar
hún í London á sjöunda áratugnum.
Meðal aðalleikara eru Anya Taylor-
Joy, Thomasin McKenzie og Diana
heitin Rigg.
AFP
Leikkona Anya Taylor-Joy leikur í vænt-
anlegri kvikmynd Edgars Wright.
Branagh og Wright
sýna í Toronto
Callie Khouri,
handritshöfund-
ur kvikmyndar-
innar Thelma &
Louise frá árinu
1991, greinir frá
því í samtali við
Hollywood Re-
porter að hún sé
að skrifa söng-
leik upp úr hinni
rómuðu kvikmynd. Mun söngleik-
urinn skammt á veg kominn vegna
Covid-19 en þó búið að semja lög og
einhvern texta.
Söngleikur um
Thelmu og Louise
Callie Khouri