Morgunblaðið - 25.06.2021, Blaðsíða 27

ÍÞRÓTTIR 27
MORGUNBLAÐIÐ FÖSTUDAGUR 25. JÚNÍ 2021
Birkir Bjarnason, landsliðsmaður í
knattspyrnu, hefur gert sam-
komulag við Adana Demirspor í
Tyrklandi. Birkir mun gera tveggja
ára samning við félagið.
Adana Demirspor vann B-
deildina á síðustu leiktíð og leikur
því í efstu deild Tyrklands á kom-
andi tímabili. Tyrkneska útgáfa Go-
al.com greinir frá að Birkir hafi
samþykkt samningstilboð félagsins
og aðeins eigi eftir að skrifa undir.
Birkir er 33 ára og lék með
Brescia í ítölsku B-deildinni á síð-
ustu leiktíð. johanningi@mbl.is
Birkir sagður á
leið til Tyrklands
Morgunblaðið/Eggert
Tyrkland Birkir Bjarnason gæti
verið að yfirgefa Ítalíu.
Trae Young átti þvílíkan stórleik í
liði Atlanta Hawks þegar Atlanta
vann fyrsta leikinn gegn Milwau-
kee Bucks í úrslitum Austurdeild-
arinnar í NBA-körfuboltanum í
Bandaríkjunum aðfaranótt fimmtu-
dagsins en liðin áttust við á heima-
velli Milwaukee.
Young skoraði 48 stig sem eru
sjaldséðar tölur þegar svo langt er
komið inn í úrslitakeppnina. Hann
gaf auk þess 11 stoðsendingar og
tók sjö fráköst. Young tryggði Atl-
anta sigurinn á vítalínunni á loka-
sekúndunum. sport@mbl.is
Skoraði 48 stig
fyrir Atlanta
AFP
48 stig Trae Young var í ham.
Það var hér um bil ómögulegt
að samgleðjast ekki Dönum þeg-
ar þeir tryggðu sér sæti í 16-liða
úrslitum Evrópumótsins í knatt-
spyrnu karla með frábærum 4:1-
sigri gegn Rússlandi í loka-
umferð B-riðils keppninnar á
mánudaginn.
Mótlætið sem danska liðið
hefur lent í hefur verið með
nokkrum ólíkindum. Mótið byrj-
aði á því að Christian Eriksen fór
í hjartastopp í leik gegn Finn-
landi og óttuðust samherjar
hans réttilega um líf hans. Betur
fór en á horfðist hjá Eriksen en
Dönum voru settir þeir stór-
furðulegu afarkostir á leikdag að
halda annaðhvort leiknum áfram
síðar þann dag eða í hádeginu
daginn eftir.
Af tvennu illu völdu þeir að
halda áfram leiknum nokkrum
klukkutímum síðar og töpuðu
honum, eðlilega ekki upp á sitt
besta. Danir töpuðu svo naum-
lega gegn ógnarsterku liði Belga
í annarri umferð en svo kom sig-
urinn á mánudag. Með hjálp
Belga, sem unnu Finna, komust
Danirnir áfram með aðeins þrjú
stig.
En af hverju ætti að vera
svona erfitt að samgleðjast Dön-
um? Nú leyfi ég mér að alhæfa,
en danski hrokinn á það til að
ganga fram af manni, og er þá
sama hvar fæti er drepið niður.
Danir eru einfaldlega bestir í
öllu, að minnsta kosti að eigin
mati.
Ég hef kosið að líta fram hjá
hrokanum á mótinu enda end-
urspeglaði þessi leikur gegn
Rússum allt það sem ég, og ef-
laust flestir aðrir, kunna að meta
við knattspyrnu. Hugarfar og
samheldni Dana eftir allt mót-
lætið, falleg mörk, stress, óvissa
og hrein og tær gleði leikmanna,
stuðningsmanna og starfsliðsins
þegar ljóst var að þeir væru
komnir áfram.
BAKVÖRÐUR
Gunnar Egill
Daníelsson
gunnaregill@mbl.is
Fjögur úrvalsdeildarlið úr Reykjavík,
Valur, KR, Víkingur og Fylkir, kom-
ust áfram í 16-liða úrslit Mjólkurbik-
ars karla í knattspyrnu en fjórir leikir
voru spilaðir í 32 liða úrslitum keppn-
innar í gær. Áður höfðu Keflavík, KA,
FH, ÍA, HK, Vestri, ÍR, Fjölnir,
KFS, Þór frá Akureyri, Völsungur og
Haukar tryggt sér sæti í 16 liða úrslit-
um.
Á Hliðarenda mættust tvö úrvals-
deildarlið en þar hafði Valur betur
gegn Leikni úr Breiðholti 2:0. Guð-
mundur Andri Tryggvason og Sverrir
Hjaltested skoruðu fyrir Val á 8. og
75. mínútu.
KR lét nægja 2:1 sigur gegn Kára á
Akranesi. Kári var raunar 1:0 yfir
lengi vel á móti KR en Skagaliðið er í
12. og neðsta sæti í 2. deild eða þriðju
efstu deild Íslandsmótsins. Marinó
Hilmar Ásgeirsson skoraði fyrsta
markið á 40. mínútu en KR-ingum
tókst að snúa taflinu sér í hag með
mörkum á 71. og 75. mínútu. Þar voru
á ferðinni Óskar Örn Hauksson og
Ægir Jarl Jónasson.
Fylkir burstaði Úlfana 7:0 í Árbæn-
um en Úlfarnir leika í neðstu deild Ís-
landsmótsins. Þeir gátu þó teflt fram
reyndum markverði en Ingvar Þór
Kale varði mark liðsins. Ísfirðing-
urinn Þórður Gunnar Hafþórsson
sem Fylkir fékk frá Vestra fyrir síð-
asta tímabil skoraði fjórum sinnum
fyrir Fylki. Djair Parfitt-Williams
skoraði tvö og Birkir Eyþórsson eitt.
Víkingur sigraði Sindra frá Horna-
firði 3:0 og hafði 2:0 forystu að lokn-
um fyrri hálfleik en Sindri í 3. deild
eða fjórðu efstu deild.
Adam Ægir Pálsson og Kwame
Quee skoruðu í fyrri hálfleik og Vikt-
or Örlygur Andrason bætti þriðja
markinu við snemma í síðari hálfleik.
Morgunblaðið/Kristinn Magnússon
Úrvalsdeildarlið bættust við
- Valur, KR, Víkingur og Fylkir komust áfram í 16-liða úrslit Mjólkurbikarsins
Á Hlíðarenda Valsarinn
Arnór Smárason með bolt-
ann í leiknum í gær en tveir
Leiknismenn eru nærri.
Knattspyrnusamband Evrópu til-
kynnti í gær að reglan um útivall-
armörk í keppnum sambandsins
yrði afnumin. Breytingin tekur
gildi strax á komandi leiktíð.
Reglubreytingin nær yfir Meist-
aradeild Evrópu, Evrópudeildina
og nýju Sambandsdeildina. Í stað
reglunnar verða leikir framlengdir
þegar á þarf að halda og víta-
spyrnukeppni sker úr um úrslit ef
enn er jafnt eftir framlengingu.
Horfið frá
reglunni um
útivallarmörk
KÖRFUKNATTLEIKUR
Fjórði úrslitaleikur karla:
Þorlákshöfn: Þór Þ. – Keflavík ............20:15
KNATTSPYRNA
Mjólkurbikar kvenna, 8-liða úrslit:
Selfoss: Selfoss – Þróttur R. ................19:15
Kópavogsv.: Breiðablik – Afturelding.19:15
Árbær: Fylkir – FH ..............................19:15
Lengjudeild karla:
Leiknisv.: Kórdrengir – Grindavík......19:15
2. deild karla:
KR-völlur: KV – Reynir S ....................19:15
Í KVÖLD!
57+36!)49,
Úrslitakeppni NBA
Úrslit Austurdeildar:
Atlanta Hawks – Milwaukee Bucks 116:113
_ Staðan er 1:0 fyrir Atlanta
Landsliðsmiðherjinn Elín Metta
Jensen var í sviðsljósinu þegar ÍBV
og Valur áttust við í 8-liða úrslitum
Mjólkurbikars kvenna í knattspyrnu
á Hásteinsvelli í Vestmannaeyjum í
gær.
Valur sigraði 1:0 og er því kominn
í undanúrslit keppninnar en ÍBV er
úr leik. Elín Metta skoraði sig-
urmarkið með skalla eftir skyndi-
sókn á 62. mínútu leiksins.
Hún átti eftir að koma meira við
sögu því Elín var rekin af velli í upp-
bótartímanum. Fékk hún tvívegis
gula spjaldið og í báðum tilfellum í
uppbótartímanum.
Síðustu mínúturnar reyndust því
kostnaðarsamar fyrir Val í þeim
skilningi að helsti markaskorari liðs-
ins er á leið í leikbann.
Hið sigursæla lið Vals hefur þrett-
án sinnum orðið bikarmeistari en þó
ekki á síðustu árum. Valur varð síð-
ast bikarmeistari kvenna í knatt-
spyrnu árið 2011 eða fyrir áratug.
kris@mbl.is
Elín Metta í sviðsljósinu
þegar Valur sló ÍBV út
Ljósmynd/Sigfús
Í Eyjum Leikmenn Vals fagna sigrinum á Hásteinsvelli í gær.
Ómar Ingi Magnússon var marka-
hæstur þegar Magdeburg tryggði
sér þriðja sætið í þýsku bundeslig-
unni í handknattleik í gær.
Magdeburg gerði jafntefli 27:27
gegn Wetzlar á heimavelli og er
þremur stigum á undan Füchse
Berlín þegar lokaumferðin er eftir.
Ómar skoraði 8 mörk og gaf eina
stoðsendingu fyrir Magdeburg.
Kiel er í efsta sæti með 67 stig
eftir sigur gegn Lemgo 33:23.
Bjarki Már Elísson var markahæst-
ur hjá Lemgo með 7 mörk. Kiel er
stigi á undan Flensburg sem Alex-
ander Petersson leikur með og
Rhein Neckar Löwen er í 5. sæti.
Magdeburg
tryggði 3. sætið
Morgunblaðið/Eggert
Þýskaland Ómar Ingi Magnússon
var markahæstur með 8 mörk.
Körfuknattleiksdeild Stjörnunnar
hefur gengið frá ráðningu Auðar
Írisar Ólafsdóttur og verður hún
næsti þjálfari kvennaliðs félagsins.
Stjarnan leikur í 1. deild og tekur
Auður við af Pálínu Gunnlaugs-
dóttur en Pálína hafði tekið við af
Margréti Sturlaugsdóttur á miðju
síðasta tímabili. Stjarnan hafnaði í
sjötta sæti 1. deildarinnar á síðustu
leiktíð og tapaði fyrir Grindavík í 1.
umferð úrslitakeppninnar.
Í gær var einnig tilkynnt að Dag-
ur Kár Jónsson hefði skrifað undir
nýjan samning við Grindavík og
leikur áfram með félaginu í körf-
unni á næstu leiktíð. sport@mbl.is
Auður Íris tekur
við Stjörnunni
Morgunblaðið/Eggert
Garðabær Auður Íris Ólafsdóttir
með boltann í leik með Stjörnunni.