Morgunblaðið - 25.06.2021, Blaðsíða 12

BAKSVIÐ
Logi Sigurðarson
logis@mbl.is
Lárus M. K. Ólafsson, viðskipta-
stjóri á iðnaðar- og hugverkasviði
hjá Samtökum iðnaðarins, segir að-
ildarfyrirtæki hjá samtökunum
hafa áhyggjur af stöðu raforku-
markaðarins. Hann bendir á að
ástandið á íslenskum markaði sé
ekki nógu gott þar sem orkuskortur
hækki raforkuverð. Lárus segir að
skapa þurfi ákveðið svigrúm fyrir
orkufyrirtækin til þess að geta ráð-
ist í framkvæmdir, hvort sem það er
stækkun eða bygging nýrra virkj-
ana. „Við höfum verulegar áhyggj-
ur af þróun raforkuverðs og auðvit-
að er ekki á bætandi ef það er
einhver óvissa með framleiðslugetu
sem þar af leiðandi hækkar raf-
orkuverð. Þetta er viðvarandi og
við höfum lýst yfir áhyggjum af
þessu alveg óháð því hvort einhver
túrbína bilaði í Reykjanesvirkjun
eða hvort það sé skert lónstaða,“
segir Lárus.
Áhyggjur af flutningsgjaldskrá
Lárus segir að SI hafi einnig
heyrt af áhyggjum aðildarfyrir-
tækja af framboði á rafmagni og
hvort það muni hafa í för með sér
einhverjar skerðingar á afhend-
ingu. „Ég held að fyrirtæki og stór-
notendur hafi áhyggjur af því.“
Lárus segist heyra mikið frá
fyrirtækjum um hækkanir á flutn-
ingsgjaldskrá Landsnets sem
hækkaði í janúar um 5,5% hjá stór-
notendum og 9,9% hjá dreifisveit-
unum.
Svandís Hlín Karlsdóttir, við-
skiptastjóri Landsnets, segir
hækkunina hafa verið nauðsynlega
og bendir á að flutningsgjaldskráin
hafi lækkað frá 2013. Þetta hafi ver-
ið fyrsta hækkunin síðan þá.
Hún bætir við að reynt hafi verið
að koma í veg fyrir hækkunina í
samstarfi við stjórnvöld en það hafi
ekki tekist. Svandís segir eitt af
markmiðum Landsnets að halda
stöðugleika í flutningsgjaldskránni.
„Við vorum í þeirri stöðu að ann-
aðhvort þurftum við að hækka
gjaldskrána eða draga úr fjárfest-
ingum og það er eitthvað sem við
töldum ekki ákjósanlegt að gera.
Við erum sérleyfisfyrirtæki þannig
að okkur eru settar ákveðnar tekjur
sem við megum hafa. Við höfum
ákveðið svigrúm til þess að færa
tekjur á milli ára og við vorum að
vinna með stjórnvöldum í faraldr-
inum til að fá aukið svigrúm, bæði
til þess að geta haldið áfram fjár-
festingum og koma í veg fyrir
hækkunina á gjaldskránni, en það
náðist ekki í tæka tíð,“ segir Svan-
dís.
9,9% hækkun verður 1-1,5%
Hún bætir við að flutningskostn-
aður raforku sé um 10-15% af heild-
ar raforkuverðinu og því sé þessi
9,9% hækkun á flutningsgjaldskrá
dreifiveitanna að skila sér sem 1-
1,5% hækkun á rafmagnsreikningi
heimilanna.
Fyrirtæki lýsa áhyggjum af
stöðu raforkumarkaðarins
Morgunblaðið/Einar Falur
Orka Lárus segir að skapa þurfi ákveðið svigrúm fyrir orkufyrirtækin til þess að geta ráðist í framkvæmdir.
Kostnaður
» Flutningsgjaldskrá Lands-
nets hækkaði í janúar um 5,5%
hjá stórnotendum og 9,9% hjá
dreifisveitunum.
» Eitt af markmiðum Lands-
nets er að halda stöðugleika í
flutningsgjaldskránni.
» Reynt var að fá aukið svig-
rúm í faraldrinum til að geta
haldið áfram fjárfestingum og
koma í veg fyrir hækkunina á
gjaldskránni.
- Hækkun á flutningsgjaldskrá dreifiveitna hækkar kostnað heimilanna
12 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 25. JÚNÍ 2021
25. júní 2021
Gengi Kaup Sala Mið
Dollari 122.51
Sterlingspund 171.4
Kanadadalur 99.84
Dönsk króna 19.688
Norsk króna 14.394
Sænsk króna 14.458
Svissn. franki 133.56
Japanskt jen 1.1059
SDR 175.11
Evra 146.4
Meðalgengi/Viðskiptavog þröng 177.6923
Hrávöruverð
Gull 1782.9 ($/únsa)
Ál 2375.5 ($/tonn) LME
Hráolía 74.75 ($/fatið) Brent
« Úrvalsvísitala
aðallista Kaup-
hallar Íslands
hækkaði um
0,66% í gær. Lang-
mest hækkaði verð
á bréfum flug-
félagsins Ice-
landair, eða um
7,53% í 386 millj-
óna króna við-
skiptum. Eftir
hækkunina kosta bréf félagsins nú 1,57
krónur hver hlutur.
Næstmest hækkun gærdagsins varð
á bréfum í fasteignafélaginu Reitum,
eða 1,85% í 716 milljóna króna við-
skiptum. Gengi félagsins er nú 71,5
krónur hver hlutur. Þriðja mesta hækk-
unin á markaðnum í gær varð á bréfum
Marels, en þau hækkuðu um 0,94% í
49 milljóna króna viðskiptum.
Nokkur félög lækkuðu í verði í gær.
Mest varð lækkunin á bréfum Kviku,
eða um 1,25% í 398 milljóna króna við-
skiptum. Þá lækkuðu bréf Íslandsbanka
um 0,81% í 957 milljóna króna við-
skiptum. Þriðja mesta lækkun gær-
dagsins varð á bréfum sjávarútvegs-
fyrirtækisins Brims, eða um 0,37% í
994 þúsund króna viðskiptum. Við lok-
un markaða í gær stóðu bréf félagsins í
54,3 krónum á hlut.
Icelandair hækkaði
mest í kauphöllinni
Icelandair hækkaði
mikið í verði.
STUTT
GÆÐI – ÞEKKING – ÞJÓNUSTA
Eru sparifötin
hrein?
ÞINN STUÐNINGUR
ER OKKAR
ENDURHÆFING
ljosid.is