Morgunblaðið - 01.07.2021, Side 6

6 FRÉTTIRInnlent
MORGUNBLAÐIÐ FIMMTUDAGUR 1. JÚLÍ 2021
Traust
Fagmennska
Árangur
YFIR 30 ÁRA
REYNSLA
Bæjarlind 4 / 201 Kópavogur / www.FASTLIND.is
ELÍAS
HARALDSSON
Löggiltur fasteignasali
S: 777 5454
elias@fastlind.is
Miðbæjarfélagið í Reykjavík hóf í gær að færa
rekstraraðilum við Laugaveg og Skólavörðustíg alls
100 strákústa en það var athafnamaðurinn Bolli Krist-
insson sem styrkti félagið til að kaupa kústana. Með
þessu vilja liðsmenn félagsins hvetja borgaryfirvöld til
að sinna betur hreinsunarstarfi í miðbænum, borgin sé
að þeirra mati illa sópuð. Eins er markmið félagsins að
fá rekstraraðila til að leggja sitt af mörkum til þess að
hafa miðbæinn fallegan. Með bættri umhirðu megi
stuðla að aukinni verslun og þjónustu í miðbænum.
Morgunblaðið/Kristinn Magnússon
Vilja að miðborg Reykjavíkur sé hreinni
Steinar Ingi Kolbeins
steinar@mbl.is
Skilagjald á drykkjarumbúðum úr
plasti, gleri og áli hækkar í dag úr
16 krónum í 18 krónur. Skilagjald
hefur fengist fyrir einnota
drykkjarumbúðir frá stofnun skila-
kerfisins árið 1989 og er skilagjald-
ið sjálft bundið við vísitölu neyslu-
verðs. Helgi Lárusson, forstjóri
Endurvinnslunnar, segir þessa
hækkun fylgja reglunni um að
skilagjaldið sé bundið vísitölu
neysluverðs. „Frá 1989 hefur það
verið þannig að skilagjaldið helst í
hendur við vísitölu og við erum
bara að fylgja því,“ segir Helgi.
Helgi bendir einnig á að þetta fyr-
irkomulag sé bara einskonar sam-
komulag um að flöskurnar haldi
verðgildi sínu.
Alþingi samþykkti hækkunina nú
í vor en einnig að hækka verð á
gleri og segir Helgi þetta hluta af
undirbúnings-
vinnu fyrir næsta
ár. „Við erum að
undirbúa það að
endurvinna gler
á næsta ári, þ.e.
að allt gler verði
flutt út og brætt
í nýtt gler. Einu
áhrifin fyrir
neytendur eru að
gler hækkar í
verði og að skilagjaldið hækkar hjá
okkur.“
Ísland var fyrst í heiminum til að
koma á skilagjaldskerfi á landsvísu
fyrir allar einnota drykkjarvöru-
umbúðir. Frá upphafi hefur árang-
ur söfnunar verið með besta móti
og eru skil í kerfinu nú um 92%.
Fram kemur í fréttatilkynningu frá
Endurvinnslunni að umhverfis-
ávinningurinn sé ígildi kolefnislos-
unar sem nemur um 61 milljón kíló-
metra akstri meðalbifreiðar á ári.
Morgunblaðið/Eggert
Meira fyrir flöskuna Nú er skilagjaldið 18 krónur á hverja flösku.
Skilagjald hækk-
að í 18 krónur
- Gjaldið er bundið vísitölu neysluverðs
Helgi
Lárusson
Seljendur og kaupendur takast hart
á um verð á minkaskinnum á júní-
uppboði í uppboðshúsinu Kopen-
hagen Fur í Kaupmannahöfn. Upp-
boðshúsið dregur frekar skinn til
baka heldur en að taka verðlækkun
og kaupendurnir kaupa eins lítið og
þeir komast af með.
Uppboðum á minkaskinnum er að
ljúka á uppboðinu í Kaupmannahöfn
en í gær var ekki komið endanlegt
verð eða hversu hátt hlutfall fram-
boðinna skinna hefur selst.
Íslenskir minkabændur selja
skinn sín hjá Kopenhagen Fur. Ein-
ar Eðvald Einarsson, formaður
Sambands íslenskra loðdýrabænda,
telur að sú stefna hjá uppboðshúsinu
að halda verðinu uppi sé rétt í núver-
andi stöðu.
Verðið hækkaði mikið á fyrstu
uppboðum ársins eftir langvarandi
öldudal. Einar segir gott ef það tekst
að halda verðinu svipuðu og fékkst í
apríl. Þá hækkaði verðið um 20% og
á tveimur fyrstu uppboðum ársins
tvöfaldaðist verðið. Það var talið
standa undir framleiðslukostnaði í
fyrsta sinn í mörg ár en þegar verst
lét stóð heimsmarkaðsverðið aðeins
undir um helmingi framleiðslukostn-
aðar. Mikill taprekstur var á búun-
um og margir loðdýrabændur hættu.
Einar telur augljóst að það vanti
skinn á markaðinn og framboðið
verði enn minna á næstu árum.
Nefna má niðurskurð alls minka-
stofnsins í Danmörku. Því sé staða
til að halda verðinu uppi.
helgi@mbl.is
Morgunblaðið/Helgi Bjarnason
Uppboð Íslenskir minkabændur og starfsmaður Kopenhagen Fur skoða
skinn í uppboðshúsinu fyrir uppboð. Bændur eru ánægðir með stöðuna.
Tekist á um verð á
skinnum á uppboði
- Reynt að halda sama verði og í apríl