Morgunblaðið - 01.07.2021, Side 8

8 FRÉTTIRInnlent
MORGUNBLAÐIÐ FIMMTUDAGUR 1. JÚLÍ 2021
Björn Bjarnason skrifar á heima-síðu sína um samþykkt danska
þingsins á dögunum um „lagabreyt-
ingu að tillögu jafnaðarmanna um
heimild til að senda
þá sem leita hælis í
Danmörku til dvalar
í Afríku á meðan
dönsk yfirvöld
leggja mat á umsókn
þeirra um hæli“.
Hann rekur að innan
norska Verka-
mannaflokksins sé vilji til að fara
svipaða leið, sem og í Bretlandi og
jafnvel í Svíþjóð.
- - -
Björn bætir við: „Hér á landiverða oft deilur vegna dvalar
hælisleitenda við afgreiðslu um-
sókna þeirra. Hún getur dregist á
langinn, t.d. vegna skorts á sam-
starfsvilja umsækjandans. Síðan er
þeim rökum beitt gegn ákvörðun yf-
irvalda að viðkomandi hafi dvalist
svo lengi í landinu að ómannúðlegt
sé að rjúfa ræturnar sem skapast
hafi. Þá varð hér nýlega ágrein-
ingur milli Útlendingastofnunar og
kærunefndar útlendingamála um
réttarstöðu þeirra sem neita að
virða sóttvarnareglur hér og annars
staðar og lengja á þann hátt dvöl
sína í landinu.
- - -
Talsmenn dönsku reglnanna teljaað skipulögð ásókn farand- og
flóttafólks minnki með framkvæmd
þeirra. Bresku ríkisstjórninni er til
dæmis mikið í mun að binda enda á
hættulegar ferðir þéttsetinna smá-
báta með ólögmæta innflytjendur til
Bretlands hvort heldur yfir Ermar-
sund eða frá smyglaraskipum sem
flytja fólkið í átt að ströndum Bret-
lands.
- - -
Hér er óhjákvæmilegt að fylgjastnáið með frumkvæði Dana.
Fari nágrannaþjóðir að fordæmi
þeirra fjölgar þeim sem sækja um
hæli í löndum þar sem sambærilegar
reglur gilda ekki. Stjórnendur ólög-
mætu mannflutninganna eru með
fingurinn á púlsinum.“
Björn Bjarnason
Frumkvæði Dana
STAKSTEINAR
„Við fögnum þessum viðbrögðum
loksins frá Póst- og fjarskiptastofn-
un. Það er gott að hún er sama sinnis
og við um að það þurfi að binda endi
á þann samkeppnislega skaða sem
þessi verðskrá hefur valdið,“ segir
Ólafur Stephensen, framkvæmda-
stjóri Félags atvinnurekenda.
Tilefnið er ákvörðun PFS þar sem
skorað er á Póstinn að breyta
verðskrá sinni í kjölfar þess að lög-
um um póstþjónustu var breytt í
þinglok. Með
lagabreytingunni
var tekið út
ákvæði um að
sama verð skuli
vera fyrir pakka-
sendingar um
land allt, að 10 kg,
en sú gjaldskrá
hefur verið við
lýði frá ársbyrjun
2020.
Í ákvörðun PFS er skorað á Póst-
inn að fullnýta ekki tímafrest til að
breyta verðskránni.
„Með hliðsjón af orðalagi 13. gr.
laga nr. 76/2021 og að teknu tilliti til
3. mgr. 17. gr. laga um póstþjónustu
og þeirra áhrifa sem nefndin [um-
hverfis- og samgöngunefnd] vísar
m.a. til að fyrri lagasetning Alþingis
hafi haft beinir PFS því til ÍSP að fé-
lagið endurskoði gjaldskrá félagsins
fyrir pakka innan alþjónustu svo
fljótt sem verða má og bíði ekki til 1.
nóvember 2021, eins og heimilt er. Í
því samhengi er einnig horft til þess
að þann 1. júlí 2021 tekur gildi breytt
gjaldskrá fyrir pakka yfir 10 kg. Í
því ljósi væri það óeðlilegt, að mati
PFS, ef félagið myndi ákveða að
nýta sér allan þann frest sem Alþingi
kvað á um,“ segir í ákvörðuninni.
En FA hefur fullyrt að umrædd
gjaldskrá hafi falið í sér ólögmætar
niðurgreiðslur. baldura@mbl.is
Íslandspóstur breyti verðskránni
- Póst- og fjarskiptastofnun þrýstir á Póstinn - FA fagnar stefnubreytingunni
Ólafur
Stephensen
Hitaveita Seltjarnarness þarf að
endurbora eina af holum veitunnar
vegna dælubilunar. Hitaveitan sæk-
ir vatn í fjórar holur. Bilunin varð í
holu 4 við Bygggarða í mars, að sögn
Ágerðar Halldórsdóttur, bæjar-
stjóra Seltjarnarness.
Hún sagði að þegar verið var að
hífa dæluna upp úr holunni hafi
dælurörið brotnað og féll sjö tonna
þungur dælubúnaðurinn niður á
1.024 metra dýpi. Ákveðið hefur ver-
ið að bora nýja holu við hliðina á
þeirri gömlu. Verkið hefst eftir
verslunarmannahelgi og verður not-
aður jarðbor. Áætlaður verktími er
um það bil tveir mánuðir. Þessu mun
fylgja rask fyrir þau fyrirtæki sem
starfa við Bygggarða og er nú verið
að upplýsa þau um það, að sögn Ás-
gerðar.
Hola 4 var upphaflega boruð árið
1972 og náði hún niður á 2.025 metra
dýpi. Í seinni tíð hefur hún fyrst og
fremst verið nýtt sem varahola fyrir
hitaveituna. gudni@mbl.is
Endurbora holu
á Seltjarnarnesi
Morgunblaðið/Golli
Seltjarnarnes Seltirningar reka sína eigin hitaveitu sem sækir vatn í jörðu
undir nesinu. Bilun varð í einni holunni og reynist þörf á að bora nýja holu.
- Dælubúnaður féll niður á eins kílómetra dýpi
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Eldhúsinnréttingar
Fríform ehf.
Askalind 3,
201 Kópavogur.
562–1500
Friform.is.
Sumaropnun:
Mán. – Föst. 10–17
Laugardaga LOKAÐ
2
0
0
0
—
2
0
2
0