Morgunblaðið - 01.07.2021, Síða 50

MORGUNBLAÐIÐ FIMMTUDAGUR 1. JÚLÍ 2021
Fyrir
líkama
og sál
L augarnar í Reykjaví k
w w wsýnumhvert öðru tillitssemi
Dj Dóra Júlía
djdorajulia@gmail.com
Mathilde er frönsk listakona sem
hefur verið búsett á Íslandi undan-
farin fjögur ár. Hún starfar í leik-
munadeild Þjóðleikhússins en í
sumarfríi sínu stefnir hún á að
klára að mála vatnslitamyndir af
hverjum einasta vita á Íslandi.
Verkefnið heitir Viti Project og
deilir Mathilde teikningum sínum á
samfélagsmiðlum og ferðast um
landið í leit að nýjum vitum. Ég
spjallaði aðeins við hana um þetta
skemmtilega verkefni.
Hugmyndin kviknaði út
frá ást hennar á kortum
Mathilde segir að hugmyndin
hafi kviknað út frá ást hennar á
kortum. Þegar hún skoðaði kort af
Íslandi tók hún eftir því hversu
margar rauðar stjörnur voru
merktar með fram sjónum, sem
hún áttaði sig svo á að voru vitar.
„Út frá því ákvað ég að mig
langaði að skoða þá alla og mála
listaverk af hverjum einasta. Þetta
var svolítið sérkennileg hugmynd
en ég ákvað að láta hana verða að
veruleika,“ segir Mathilde.
Hún segir vitana heilla og þá
sérstaklega hvernig þeir eru
byggðir á afskekktum og hættu-
legum stöðum þar sem þeir standa
einir.
„Það dregur mig að þeim, að
upplifa einangrunina á enda al-
heimsins. Verkefnið færir mér þó
mikið meira en einungis vitana.
Allt frá því að ákveða að fara og
svo í alvöru að ná því, það gerist
svo mikið í þessu ferli. Að hitta
fólk, upplifa náttúrulífið og fallegt
landslag Íslands, að ögra mér og
fleira til. Ég er að skapa ein-
hverjar bestu minningar lífs míns!“
segir þessi öfluga ævintýrakona.
Á aðeins 27 vita eftir
Hún hóf þetta spennandi verk-
efni árið 2018 og átti þá eftir að
mála yfir 100 vita. Í dag á hún ein-
ungis 27 eftir og þá vita er ansi
erfitt að nálgast. Síðasti viti sem
hún málaði var Glettinganesviti í
norðaustri.
„Ég þurfti að ganga 12 kíló-
metra til að nálgast hann og eyddi
nóttinni í tjaldi. Um miðja nótt
kom óvænt óveður og ég þurfti að
leita skjóls inni í vitanum það sem
eftir var næturinnar,“ segir Mat-
hilde að lokum. Þetta er ótrúlega
fallegt, spennandi og skemmtilegt
verkefni og ég mæli með því að
fylgjast með Mathilde og vita-
listaverkunum.
Mathilde er frönsk listakona búsett á Íslandi.
Hún nýtir frítíma sinn í að ferðast um Ísland og
málar vatnslitamyndir af hverjum einasta vita.
Mathilde hóf verkefnið árið 2018 en þá átti hún
eftir að mála yfir 100 vita. Í dag á hún aðeins
27 eftir en þá vita er erfitt að nálgast.
Garðskagaviti Myndina málaði Mathilde þann 4. nóvember 2018.
Ferðast um
landið og málar
myndir af vitum
Sandgerðisviti Myndina málaði Mathilde þann 26. júní árið 2019.
Málar vita Mathilde er frönsk
listakona búsett á Íslandi.
Tónlistarmaðurinn Flóni
er að fara að spila með
Sinfóníuhljómsveit Ís-
lands ásamt fleira tónlist-
arfólki þann 19. og 20.
ágúst næstkomandi. Í
viðtali við Síðdegisþátt-
inn sagðist Flóni virki-
lega spenntur fyrir tón-
leikunum og sagði þeim
Loga Bergmann og
Sigga Gunnars nánar frá
samstarfinu.
„Þetta eru tónleikar
Sinfó og Ný-klassíkur.
Þetta er hópur af okkur
svona nýju kynslóðinni.
Það er náttúrulega svona
ákveðið kynslóðarbil í
tónlistarsenunni eins og
við vitum og við fengum það tæki-
færi að Sinfó heyrði í okkur og þau
vildu rosalega mikið gera þessa
tónleika og auðvitað „meikar það
sens“ og ákveðinn heiður að fá að
spila með Sinfóníuhljómsveit ís-
lands,“ útskýrir Flóni.
Flóni segir að hann hefði aldrei
trúað því fyrir þremur árum að
hann myndi einn daginn fara að
taka upp sín eigin lög með Sinfón-
íuhljómsveit Íslands.
„Ég var fyrir þremur árum að
vinna á Búllunni og að dreyma um
að vera tónlistarmaður og ég hafði
aldrei hugsað að einn daginn væri
ég að fara að taka mín eigin lög
með Sinfóníuhljómsveit Íslands,“
segir hann og bætir við: „Harpan er
náttúrulega ákveðið menning-
arsetur hér á Íslandi, styður við
tónlist og tónlsitarsenur og okkar
menningu og að gera þetta þá er
hún að styðja við okkur öll, það er
bara gaman.“
Á tónleikunum koma þau Bríet,
Cell7, Flóni, GDRN, Jóey Christ,
JóiPé og Króli, Logi Pedro og
Reykjavíkurdætur fram ásamt Sin-
fóníuhljómsveitinni.
Ítarlegra viðtal við Flóna má
nálgast í heild sinni á K100.is.
Grunaði aldrei að hann
myndi spila með Sinfó
Tónlistarmaðurinn Flóni Spenntur fyrir því að
spila með Sinfóníuhljómsveit Íslands í ágúst.