Þjóðmál - 01.06.2019, Qupperneq 31

ÞJÓÐMÁL Sumar 2019 29
mótun í gegnum finnska þingið. Það var því
alltaf ákveðin sátt um grunnviðmið. Þess
vegna er mikilvægt að fara þessa leið. Við
þurfum að vera sammála um að fjárfesting í
menntun sé ein arðbærasta fjárfesting sem
við förum í. Við þurfum með sambærilegum
hætti að ná samstöðu um þennan málaflokk
og því mun ég leggja menntastefnuna fram
á Alþingi.“
Lilja víkur því næst að námslánakerfinu, sem
mun taka miklum breytingum á næstunni.
Hún segir að það sé einnig liður í því að efla
menntakerfið.
„Þær tillögur sem lagðar eru fram í frumvarpi
um stuðningssjóð fyrir námsmenn eru
róttækar,“ segir Lilja.
„Við höfum í gegnum tíðina verið að niður-
greiða námslánin en nú stendur til að það
verði 30% niðurfelling á námsláninu og við
erum að gera styrkinn gagnsærri. Við erum
einnig að setja inn hvata til að klára námið
á ákveðnum tíma. Áður var það þannig að
þeir sem fóru seint í nám og voru lengi í
námi fengu mesta afsláttinn af námsláninu.
Nú erum við að gera þetta framhlaðnara
og meira í takt við það sem er að gerast í
hinum Norðurlandaríkjunum. Við erum líka
að einblína á barnafólk og þannig að takast
á við lýðfræðilegar breytingar á samfélaginu,
þ.e. að fæðingartíðni er í sögulegu lágmarki
og fólk hefur verið að eignast börn á síðar á
æviskeiðinu. Loks er mikilvægt að huga að
þessum málum til að koma í veg fyrir speki-
leka. Íslenskir námsmenn í framhaldsnámi
á Norðurlöndunum taka gjarnan lán hjá
norrænum lánasjóðum, sem verður til þess
að þeir setjast þar að á meðan þeir hafa kost
á því að vinna og greiða það lán til baka í
þeirri mynt sem það er tekið. Við erum þá
búin að fjárfesta í menntun einstaklings á
öllum skólastigum en missum viðkomandi á
síðustu stigum í framhaldsnám erlendis.“