Fréttablaðið - 06.11.2021, Page 30

búinn. Ég er komin á þann stað að
ég hef hreinsað út þau neikvæðu
áhrif sem þetta hafði á mig. Ég upp-
lifi mig hlutlausa í dag gagnvart því
sem gerðist og máttur fyrirgefning-
arinnar er gríðarlega mikill.“
Vinsældirnar verstar
En þú misstir heilsuna.
„Já, en ég var veik fyrir af því að
ég hafði lagt of mikið á mig.“
Hrakaði heilsunni hjá þér strax
eftir þessu miklu átök?
„Það voru átök miklu fyrr, átök
allan tímann. Ég var alltaf að svara
fyrir fólk sem ég þekkti ekki og
það versta sem kom fyrir þennan
f lokk var að verða svona vinsæll,
því þá færðu alls konar fólk inn í
grasrótina sem er ekki í neinum
tengslum við grunninn, hvaðan
við sprettum. Það fara að skapast
alls konar kjaftasögur og svo fer
fólk að setja á mig valdatitil. Ég var
vænd um valdboð sem var aldrei til
staðar.“
Óvild af hálfu elítunnar
Leiddu þessi uppsöfnuðu átök til
veikindanna?
„Ég var bara búin að klára öll
batteríin.“
Hún bætir við: „Ég á fullt af
vinum innan Pírata og reyndi alltaf
að halda eðlilegum samskiptum.
En svo bættist við að ég var beðin
um að koma í trúnaðarráð og leysa
úr erfiðum málum. Þá kom í ljós
hve rosaleg óvild var farin að ríkja í
minn garð hjá elítunni í f lokknum.“
Elítunni?
„Já, fólki með völd gagnvart
óbreyttum. Það hefði verið lang-
heiðarlegast ef Helgi Hrafn hefði
bara hringt í mig og sagt: Við vilj-
um ekki hafa þig með.“
Lokaði sig inni
Eins og áður kom fram hefur Birg-
itta fengið aðstoð hjá VIRK. Hún
einangraði sjálfa sig um tíma. Konan
sem hafði verið daglega í fréttum
um árabil hreinlega hvarf af sjónar-
sviðinu.
„Ég hætti að geta farið út úr húsi.
Ég lokaði mig inni og leið eins og
að allir sæju einhverja of beldis-
manneskju í mér. Ég hef alltaf haft
lítið sjálfsmat, ég hef alltaf átt erfitt
með að taka við hinu jákvæða ef
fólk segir eitthvað gott um mig, ég
hlusta frekar á það neikvæða sem
sagt er um mig og verð hissa ef ein-
hver segir eitthvað fallegt um mig.“
Birgitta rifjar í þessu samhengi
upp áföll fyrri tíma, sjálfsvíg í fjöl-
skyldunni og f leira alvarlegt sem
fæstir þurfa að upplifa.
„Ég hef aldrei fengið áfallahjálp,
ekki fyrr en nú. Ég er ótrúlega þakk-
lát fyrir að Píeta samtökin séu til og
þetta mál með Pírata er í raun ekki
stórt í samhenginu. Ég brann út af
því að ég fór óvarlega með mína
orku, ég vann of mikið, kunni ekki
að segja nei og ég tek fulla ábyrgð á
því.“
Hvað lokaðirðu þig lengi inni?
„Ég veit það ekki alveg. En ég var
bara glöð þegar Covid kom,“ svarar
hún og brosir. „Ég bara vissi ekkert
hvernig ég ætti að vera innan um
annað fólk í dálítinn tíma. Þegar
maður fær svona stimpil á sig, að
vera of beldismanneskja, þá tekur
það á. Þú verður að athuga að Helgi
Hrafn hafði fengið þann titil að vera
vinsælasti þingmaður Íslands og
fólk fékk áfall, að hann skyldi hafa
ráðist svona á mig.“
Verstu álögin að vera þekktur
Heldurðu að það sé erfiðara fyrir svo
opinbera og þjóðþekkta persónu sem
þig að missa heilsuna og leita aðstoð-
ar en lítt þekkta einstaklinga úr hópi
almennings?
„Ég gleymi því alltaf að einhver
viti hver ég er,“ svarar hún, kannski
bæði í gríni og alvöru.
„En ef ég ætti óvin og vildi setja
á hann slæm álög myndi ég óska
honum þess að verða heimsþekkt-
ur,“ bætir hún við.
Krefst meira hugrekkis fyrir hina
þekktu að leita sér hjálpar?
„Nei, ekki finnst mér það, en ég
þori ekki að sækja um vinnu, ég er
svo hrædd við höfnun. Það er líka
svo erfitt þegar það kemur fram
í fjölmiðlum að Birgitta sótti um
vinnu en fékk ekki. Þess vegna bý ég
til mínar eigin hugmyndir og reyni
að framkvæma þær.“
Kona fjölmarga hatta
Ljóðskáldið Birgitta, listamaðurinn
Birgitta, móðirin sem berst fyrir hag
barna sem hafa glímt við áskoranir
og fallið niður um sprungur á kerf-
inu, einn áhrifamesti stjórnmála-
maður síðari tíma sem stofnaði tvo
flokka og kveikti nýja von í hjörtum
margra, allt þetta er Birgitta. Það er
auðvelt að skilja að slíkir samfélags-
brimbrjótar geti kiknað undan álagi.
„Allir fá sinn öldudal og ég er viss
um að við getum öll komist upp úr
þeim dal en við þurfum að gera það
sjálf og þá ekki síst með því að biðja
um aðstoð frá öðrum.“
Er það lykillærdómur?
„Það skiptir mjög miklu máli að
við komust á þann stað að sjá hvað
við getum lært af áföllum. Hvernig
við getum tekið ábyrgð á eigin
líðan.“
Stigin út úr hellinum
Birgitta segist svo heppin að hafa
unnið mikið með fólki erlendis
sem sér hana eins og hún er. „Það
sér hæfileika mína, þekkingu og
reynslu. Ég hef fengið tækifæri til
að vinna með frábæru fólki, miðla
áfram reynslu, þekkingu og styrk í
alls konar málum. Ein ástæða þess
að ég hef verið algjörlega ósýnileg
síðustu ár er að ég hef passað mig
á hverju ég deili vegna þess að ég
hef ekki viljað athygli fjölmiðla um
skeið. En ég er aðgengileg manneskja
þegar ég kem út úr helli mínum.“
Þú ert að stíga fram á ný?
„Já, og það er svo skemmtilegt
að ég átti vinkonu þegar ég var 14
ára, við vorum samlokur. Svo skildi
leiðir. Ég fór á Núp og svo hittumst
við aftur núna og náðum rosalega
vel saman. Við vorum báðar að
vinna úr burnouti, og náðum að
efla styrkleika hvor annarrar. Hún
er mikið náttúrubarn, fer mikið í
sund eins og ég er búin að uppgötva
að hjálpar mér líka og það að vinna
með henni hjálpaði mér rosalega.
Bæði það og sjálfsvinna með öðru
fólki sem er á öðrum stað í lífinu
og nota bene, það kostar ekkert að
taka þátt í svona endurhæfingu. Ég
er aftur komin á þann stað að vita
hvað kveikir í mér.“
Langar að verða þingfréttaritari
Og hvað er það sem kveikir helst í
þér núna?
„Ég fór að hugsa að mér hefur
alltaf þótt vænt um stofnunina
Alþingi, þótt vænt um hugmyndina
um Alþingi eins og mér þykir vænt
um hugmyndina um nýja stjórnar-
skrá. Ég fór að hugsa hvað það væri
skrýtið að það væri bara einn þing-
fréttaritari hér á landi, sem gerir líka
einhverja matreiðsluþætti og hefur
tengsl við embættismannakerfið.
Það var enginn niðri í þinghúsi
nema þegar hálftími hálfvitanna
stóð yfir [umræður um störf þings-
ins] eins og fyrrverandi samflokks-
maður minn kallaði það. Það vantar
óháðan þingfréttaritara þannig að
ég er núna að fara að ganga í alla
f lokkana svo ég fái bréf frá þeim.
Mig langar að vera rosa mikið niðri
í þinghúsi, langar að tala við alla
þessa nýju þingmenn, vera líka
með visst aðhald. Það er ekki bara
það sem gerist innan ráðuneytanna
sem skiptir máli.“
Ertu komin svo langt að sjá fyrir
þér vettvang til að miðla störfum
þingfréttaritara?
„Ég er að byrja að ræða við rit-
stjóra og er að fá lánaða dóm-
greind. Það væri best að gera þetta
í samstarfi við fjölmiðil, ég á ennþá
gamlan blaðamannapassa en veit
ekki hvort hann er gildur ennþá.“
Heimildarmynd í bígerð
Fleira er á döfinni. Heimildarmynd
um Birgittu.
„Það er verið að klára heimildar-
mynd um mig sem hefur verið rosa-
lega lengi í vinnslu. Hún er núna
komin niður í fjóra tíma, og það hafa
alls konar sérfræðingar komið að
henni. Konan sem er að gera þessa
mynd fékk Óskarsverðlaun. Hún
ætti að koma út á næsta ári.“
Verður myndin um allt þitt líf?
„Nei, bara verkin mín. Ég er með
fullt fang af tengingum erlendis frá,
mikla þekkingu, heilan fjársjóð.
Mig langar að gefa þjóðinni þetta en
passa hvergi inn. Ég er sjálfmenntuð
og núna er ég algjörlega sátt við það.
Ég vil vera öðruvísi.“ ■
Birgitta horfir bjartsýn til framtíðar eftir að hafa klárað öll batteríin. Hún segir mikla vinnu að baki. FRÉTTABLAÐIÐ/EYÞÓR
Ég er aftur komin á
þann stað að vita hvað
kveikir í mér.
Fjölgum íbúðum fyrir
tekju- og eignalága
Stofnframlög
Opið fyrir umsóknir um stofnframlög
Auglýst er eftir umsóknum í seinni úthlutun fyrir árið 2021 um stofnframlög ríkisins
til byggingar eða kaupa á almennum íbúðum skv. lögum nr. 52/2016 og reglugerð nr.
183/2020.
Markmið laga um almennar íbúðir er að bæta húsnæðisöryggi þeirra sem eru undir
tekju- og eignamörkum við upphaf leigu. Stofnframlög eru veitt til byggingar og
kaupa á almennum íbúðum.
Umsóknarfrestur lengdur til 22. nóvember 2021
Umsóknum skal skila inn á rafrænu formi á heimasíðu HMS.
Til þess að hægt sé að meta umsókn þurfa öll gögn skv. 14. gr.
reglugerðar nr. 183/2020 að skila sér innan umsóknarfrests.
Nánari upplýsingar er að finna á heimasíðu
Húsnæðis- og mannvirkjastofnunar, www.hms.is.
hms.isBorgartúni 21, 105 Rvk - Ártorgi 1, 550 Sauðárkróki
30 Helgin 6. nóvember 2021 LAUGARDAGURFRÉTTABLAÐIÐ