Rit Landbúnaðardeildar : A-flokkur - 01.10.1955, Page 86

84
spratt með afbrigðum, og túnasláttur byrjaði víða 22.-25. Sauðburður
gekk ágætlega. Úthagi mun hafa litið svipað út í júnílok sem í lok júlí
árið áður. Skógar voru að laufgast í mánaðarbyrjun, en það er gamalla
manna mál, að þá sé sauðgróður nægur í úthaga, er birkið er allaufgað.
Virðist mér þetta mjög ábyggilegur mælikvarði á gróðurgildið.
Ji'dí var mjög góður, hlýr en dálítið skúrasamur en þó svo þurr, að
jörð var að byrja að líða af þurrki hér um 20. júlí, og vatn að þrjóta í
sumum vatnsbólum. En frá 23.-29. júlí voru nokkrar rigningar, súld og
þokur, og bætti það mjög fyrir gróðri, þótt gras væri þá víðast að verða
fullsprottið og grasvöxtur einhver sá mesti, sem komið getur.
Ágúst var hlýr og sólríkur, en nokkuð skúrasamur, einkum um mið-
bik mánaðarins. Eley hröktust þó ekki að ráði, en voru stundum tekin
iinþurr. Voru þau þó ekki þurrkvönd. Tvær síðustu nætur mánaðarins
gætti frosthélu á láglendi, og féll nokkuð kartöflugras í garði hér á bökk-
unum, en sá ekkert á því í halla eða þar sem hærra dró.
Septembermánuður var með þeim beztu, sem nokkum tíma koma.
Var aldrei hvassviðri eða nokkurt illviðri. Hlýindi og góðir þurrkar voru
fyrri hlutann, og urðu því góð heyskaparlok, sem víðast voru um miðjan
mánuðinn. Heyfengur var almennt með langmesta móti að vöxtum og
vel verkaður. Um hinn 20. var rigninga- og þokukafli, er tafði og torveld-
aði nokkuð göngur, er þá stóðu yfir. Kartöflur voru almennt teknar upp
um og upp úr miðjum mánuðinum, og vöxtur var yfirleitt með fádæmum
góður. Má geta þess hér, að í litlum garði og gömlum hér upp við þjóð-
veginn fékkst um 60-föld uppskera (Gullauga og Gular íslenzkar). Útsæði
var að vísu örsmátt, að meðaltali 8 g, og látið eitt ber í stað.
Október var hlýr og góður fram til hins 10. Gerði þá kuldakast með
blindbyl og norðvestan ofsaveðri þann 12., sem stóð þó stutt yfir hér í
dalnum. Talsvert frost var þann 13. og 14., en síðan suðvestan hlýindi
fram yfir hinn 20. Hiti komst í 18° 18. okt. Norðanátt með skörpu frosti
gerði hinn 23., en síðan austan- og suðaustanátt með snjókomu og slyddu.
Þykkt snjóföl kom þann 27., en síðan rigningar til mánaðamóta, og var
jörð að verða mjög blaut. Sáðsléttur stóðu grænar og spruttu fram undir
mánaðarlok, og jarðvinnsla gat farið fram hindrunarlítið allan mánuðinn.
Nóvember var óhagstæður og leiðinlegur. Frost voru þann 5.—14., og
gerði allmikinn snjó um þann 10., er hélzt fram um þann 20. Úrkomur
voru mjög miklar, eins og veðurtaflan sýnir, vegir nær ófærir vegna aur-
bleytu síðast í mánuðinum, og öll jörð orðin svo vatnsmettuð, að vand-
ræði voru. Man ég varla leiðinlegri nóvemberveðráttu.
Desember. Veðráttan var óvenju mild. Frost var fjóra fyrstu dagana
og dálítill snjór, en eftir það þítt allan mánuðinn, nema dag og dag síðast.
Lengst af var auð jörð og leysti mikið af heiðum. Rigningasamt mjög var