Rit Landbúnaðardeildar : A-flokkur - 01.10.1955, Page 87

85
fram að jólum og fádæma vatnsflóð um miðjan mánuðinn, þau mestu í
hálfa öld. Að morgni hins 12. var meginhluti af nesinu hér undir vatni.
Hinn 16. og 17. des. gerði mjög snörp suðvestan- og vestan veður. T. d.
tókst þá upp með rótum gömul tvístofna reyniviðarhrísla á Valþjófsstað.
Jarðvegur var orðinn jafnvel ennþá blautari en rigningasumarið 1950.
Var allt bókstaflega víða á floti. Sauðfé gekk víða úti og var alls staðar
lítið gefið.
Árferðið var í heild sinni talið ágætt árið 1953.
b. Veðrið 1954.
Janúar og febrúar voru með mildri veðráttu, oft hlákur og aldrei
skörp frost. Snjólaust var lengst af. Nokkur snjór kom eftir miðjan janúar
og aftur í lok febrúar. Rigningar voru aftur á móti allmiklar, t. d. stór-
úrfelli 21. jan. og 16. febr. í síðara skiptið urðu miklar skemmdir á þjóð-
veginum í Fljótsdal. Jörð var nær klakalaus. Oft voru blíðuveður og fén-
aði mikið beitt, en hagar léttir.
Marz var góður. Hinn 5. mokaði niður geysimiklum lognsnjó, um
50 cm djúpum. Var þetta eini eiginlegi vetrarkaflinn, sem kom. Hinn 12.
marz hlánaði, og voru ágæt veður úr því flesta daga mánaðarins, sól á
daginn en frostkali um nætur og hæg veður. Mikil hlýindi og rigning
var síðustu 4 dagana og snjór að verða horfinn úr byggð í lok mánaðarins.
Apríl var einhver sá allra bezti sem hugsazt getur. Nokkuð rigninga-
samt var fyrri hlutann. Frá 20.—28 var einstök veðurblíða, enda var loft-
vogarstaða einhver sti hæsta, sem kemur. Hiti fór margra daga í 13—14° C,
og tók jörð mjög að gróa. Tvo síðustu dagana skipti um til norðanáttar
með nokkru frosti og kuldanæðingi.
Maí. Kuldakafli hélzt fram til 10. maí, en þá hlýnaði, og úr því var
ágætis veðrátta í maí, með óvenju jöfnum og miklum hita. Dálítið rigndi
síðustu viku mánaðarins, og jók það mjög gróður, en hann var orðinn
fágætlega mikill í maílok. Birki tók að laufgast um 20. og var allaufgað
viku síðar, enda nægur sauðgróður kominn á sauðburði, sem hófst úr 20.
maí. Verður á engan hátt kosin ágætari sauðburðartíð, og hélzt hún fram
eftir júní til loka sauðburðar, og þá ennþá þurrari og helzt til þurrt fyrir
allan gróður.
Júni. í byrjun mánaðarins mátti Fljótsdalsheiði heita snjólaus og var
gróður kominn um hana alla, sem mun vera nær einsdæmi. Sláttur hófst
víða um 20. júní, en óþurrkakafli var frá 18. og fram undir lok mánað-
arins, sem dró nokkuð úr mönnum að slá. Fyrstu tilraunareitirnir voru
slegnir hér 2. júní, en aðallega frá 11.—16. júní. Fyrri hluti júní var mjög
góður, en síðari hlutinn kaldari og ekki í meðallagi.