Rit Landbúnaðardeildar : A-flokkur - 01.10.1967, Blaðsíða 7

GROÐURKORTIN
Útivinna við gróðurkortalagninguna hefur frá upphafi þessara rannsókna
verið framkvæmd á sama hátt. Notaðar hafa verið loftmyndir af landinu
í mælikvarðanum 1:30000 til 1:35000. Myndirnar eru yfirleitt svo skýrar,
að á þeim sjást glögglega mörk milli gróins og ógróins lands og jafnvel
milli smærri gróðureininga, gróðurhverfanna. Engu að síður er farið
um allt það svæði, sem hver mynd nær yfir, áður en mörk eru dregin.
Á myndunum er greint milli einstakra gróðurhverfa, og ógróið land
er flokkað í mela, grjót, hraun, moldir, sanda, vikra og áreyrar. Við
gróðurgreininguna eru gróðurhverfin ákvörðuð með sjónhendingu, en
ekki með mælingum. Enda þótt slíkt mat sé háð persónulegum annmörk-
um, gefur það viðunandi nákvæmni og samræmi milli einstaklinga með
mikilli æfingu.
Fyrir kemur, að gróðurhverfin eru svo samfléttuð, að ekki er unnt
að greina á milli þeirra, og eru þau þá merkt á kortinu í sömu röð og
stærðarhlutfall þeirra innbyrðis segir til um.
Gróðurkortin eru sett saman eftir loftljósmyndunum á grundvelli
amerískra grunnkorta í mælikvarðanum 1:40000, og eftir þeim er flatar-
mál gróðurlendanna mælt.
Rof eru algeng í íslenzkum gróðurlendum, einkum á þurrlendi, og eru
þau algengari á hálendi en láglendi. Rofin eiga sér margar orsakir: Upp-
blástur, frosthreyfingar, jarðvegsskrið á hallandi landi, vatnsrennsli o. fl.,
og á landi, sem er að gróa upp, þekur gróður ekki allt yfirborðið. Á gróð-
urkortunum er hvert gróðurhverfi merkt með sérstökum bókstaf og
númeri, og táknað er með bókstöfunum X, Z, Þ, hversu þétt gróðurhulan
er. Standi X með merki gróðurhverfisins, táknar það, að allt að % af
yfirborðinu sé ógróið, Z táknar, að %-—-'a sé ógróið, og Þ táknar, að meira
en % yfirborðsins er ógróið. Við útreikninga á flatarmáli af kortunum
er tekið tillit til þessa með tilsvarandi frádrætti.
FLOKKUN GRÓÐURLENDA
Almennt yfirlit
Hvar sem litið er yfir gróið land sést, að tilteknar plöntutegundir vaxa
á tilteknum svæðum. Við nánari athugun verður ljóst, að hvarvetna, þar