Heilsuvernd - 01.03.1951, Síða 38
30
HEILSUVERND
Af innflutningi á ómöluðu korni leiddi líka það, að óhætt væri að
flytja inn mikið í einu, þar eð ómalað korn geymist svo að segja
óendanlega, eins og fyrr segir, ef geymslustaður er góður og öruggur.
Þá flyzt vinnan við mölunina líka inn í landið.
Loks væri það þá ekki lítilsvirði — þar á meðal fjárhagslega —, eí
slík ráðabreyting yrði, eins og margir hafa trú á, til að bæta heilsufar
þjóðarinnar. — Þá kæmu teknamegin aukin afköst vinnandi manna,
minni fjarvistir frá störfum, minni sjúkrahúskostnaður, minni lyfja-
kaup og á ýmsan annan hátt spöruð útgjöld og minni gjaldeyrisþörf.
Þessi sjónarmið hafa líka að meira eða minna leyti verið viður-
kennd með áætlun um kornmylnu í sambandi við ráðstafanir Mar-
shallfjár. Að þessu ber að stefna, og ber forráðamönnum þjóðarinnar
tvímælalaust skylda til að greiða fyrir framkvæmdum i þá átt.
En meðan þetta stórmál kemst ekki í kring, er sjálfsagt og enda
nauðsynlegt, að koma til móts við þá menn, sem leggja kapp á að
nota einungis óskemmdan kornmat til neyzlu og vinna að því sem
hugsjón að fræða aðra og hvetja til þess sama. Verður slíkt að vorum
dómi að teljast til þjóðnytjastarfa, sem styrkja ber og efla.
I þeim tilgangi er tillaga þessi fram borin, og viljum vér, flutnings-
menn hennar, vænta þess, að Alþingi' verði við þeim sanngjörnu ósk-
um, sem hún fer fram á til fyrirgreiðslu og aðstoðar þeim ágætu
mönnum, sem heldur kjósa að velja sér til neyzlu holla fæðu en
skemmda.
HVÍTLAUKUR
er væntanlegur á næstunni. Áskrifendur og félagsmenn mega senda
skrifstofu NLFÍ pantanir.
MERKILEG INDlÁNAÞJÓÐ.
í Heilsuvernd og ritum NLFl hefir oft verið sagt frá hinni fámennu
Húnzaþjóð, sem býr við frumstæðar lífsvenjur í fjalllendi Norður-
Indlands, lifir aðallega á einfaldri og ósoðinni jurtafæðu, er að mestu
laus við kvilla menningarþjóðanna og nýtur svo að segja fullkom-
innar heilbrigði. 1 nýútkominni bók NLFÍ, „Mataræði og heilsufar",
segir heimsfrægur vísindamaður og læknir, Sir Robert McCarrison,
frá dýratilraunum, sem sanna, að dýr, sem lifa á svipuðu fæði og
þessi fjallaþjóð nærist á, verða aldrei veik og lifa í fullkominni
heilbrigði til hárrar elli, meðan önnur dýr af sama stofni veikjast, ef
þau eru fóðruð á fæði menningarþjóðanna. Húnzabúar eiga því
hreysti sína og heilbrigði bersýnilega að þakka hinu holla viðurværi
sínu. Undir þetta renna fleiri stoðir, þótt erfitt sé nú á tímum að
finna þjóðir, sem lífsvenjur menningarþjóðanna hafa ekki haldið
innreið sína til. 1 Indlandi eru nokkrir fleiri þjóðflokkar, sem lifa á
svipuðu fæði og Húnzamenn og eru álíka heilsuhraustir. Og nýlega