Strandapósturinn - 01.06.1985, Blaðsíða 37

þeirra hafa verið vatnsheld, né nógu skjólgóð, til að mæta þvílíku
veðri.
Svo var þá af Maríu dregið, að ekki mátti hún ganga og lítið
mæla. Helgi gat þó komið móður sinni þannig fyrir, að hann gat
borið hana, en leiddi bróður sinn. Heimförin mun hafa verið erfið
og sóst seint.
Helgi var óharðnaður unglingur, tæpra sextán ára, sem fyrr er
sagt og þreyttur áður, eftir margra klukkustunda göngu í óveðri,
en nú móti vamselg og stormi að sækja. Þegar þau komu í túnfót-
inn, var Helgi svo að þrotum kominn, að hann setti móður sína
þar niður í hlé við húsvegg, en þá var hún örend. Ekki er kunnugt
hvað olli því að María fylgdi kvíánum þennan morgun og það
með barn með sér. En trúlegt væri að henni hafi verið sárt um, að
ærnar stæðu inni svona rétt eftir fráfærurnar, sem auðvitað þýddi
minni mjólk fyrir marga og svanga munna. Hitt er víst, að eftir að
veðrið skall á, átti hún þess engan kost að snúa aftur, móti stór-
viðri og slyddubyl.
Kári hélt áffam búskap í Goðdal eftir lát konu sinnar og tók þá
Karólína dóttir þeirra við húsmóðurstörfum, en hún var elst syst-
kina sinna, þeirra sem lifðu, þá tæpra átján ára.
I byrjun febrúar, á öðrum vetri eftir dauðsfall móður hennar,
veiktist hún hastarlega ásamt tveimur bræðrum sínum, Eyjólfi og
Sigurði og dóu þau öll þrjú með nokkurra daga millibili. Hvað olli
þeirri sótt vissi enginn. Sex mánuðum eftir lát barna sinna, veiktist
Kári bóndi og dó rúmlega fimmtugur að aldri.
Af jtessari fjölskyldu, sem tveimur árum áður var níu manns,
voru þá aðeins eftir fjögur á lífi.
Hér hefur verið lauslega sagt frá þeim nornadómi, er beið þess-
arar fjölskyldu norður í heiðadalnum.
Nú er þessi dalur í eyði á vetrum, en Reykvíkingur hefur keypt
jörðina og er þar langdvölum á sumrum. Þar sem Goðdalsá flæddi
áður yfir eyrar, eru nú laxaeldistjarnir.
En snjóskiiður falla enn úr brúnum dalsins á vetrum, sem tor-
tíma öllu lifandi, er á leið þeirra verður.
35