Strandapósturinn - 01.06.1985, Blaðsíða 111

ir þetta. Halldór hafði jafnan búskap með á Valdasteinsstöðum en
þar hafði hann allmargt f]ár. Ekki þótti Halldór mikill búmaður en
auðsæll var hann talinn og sagt að fé hans stæði föstum fótum í
húseignum í Reykjavík.
Margir munu minnast Halldórs með hlýhug því þótt hrjúfur
væri ytra átti hann viðkvæmt hjarta og gerði sér ekki mannamun í
embættisstarfi sínu. Frægur varð Halldór af starfi sínu sem rann-
sóknardómari í Hnífsdalsmálinu svokallaða 1927 —’28.
Halldór fluttist til Reykjavíkur ásamt Láru Helgadóttur síðari
konu sinni og börnum þeirra mörgum. Þau bjuggu í litlu timbur-
húsi við Sogaveg er þau nefndu Melbæ.
Kaupfélagsstjórar voru tveir á æskuárum mínum á Borðeyri. Sá
fyrri var Kristmundur Jónsson, ættaður úr héraðinu og kvæntur
Sigríði Olafsdóttur frá Kolbeinsá en þau áttu margt barna, en sá
síðari Pétur Sigfússon, þingeyingur að ætt og uppruna, glímumað-
ur landsþekktur um tíma, keppti meðal annars í London á Olymp-
íuleikunum 1908 og víðar í Evrópu en kona hans var Birna Bjarna-
dóttir og áttu þau nokkur börn og ólu auk þess upp einn fóstur-
son.
Kristmundur Jónsson var maður hægur í framgöngu og frekar
fáskiptinn. Traustur í starfi og vinsæll og þótti skaði er hann flutt-
ist suður árið 1935 og hóf störf í stjórnarráðinu, fyrst sem ritari og
síðar sem fulltrúi.
Pétur Sigfússon átti ekki eins rólega daga fyrstu ár sín á Borð-
eyri. Val hans hafði verið af stjórnmálalegum toga spunnið, því að
móti honum sótti um stöðuna vinsæll innansveitarmaður, Jónas
Benónísson frá Laxárdal, sem hafði próf frá Samvinnuskólanum
í Reykjavík. Jónas varð síðar lengi kaupfélagsstjóri í Búðardal.
Fyrstu ár Péturs á Borðeyri voru honum því nokkuð erfið en
svo kyrrðust málin því að Pétur lét engan mann gjalda fyrri af-
stöðu og þótti auk þess góður heim að sækja og glaður í viðmóti.
Jukust því Pétri vinsældir með hverju árinu en hann fluttist burt til
Borgarness 1940 og síðar um tíma til Ameríku á vegum dóttur
sinnar.
Guðmundur Þórðarson var lengi á Borðeyri, smiður af eigin-
hægleik og snjall hagyrðingur. Voru vísur hans yfirleitt ortar um
109