Strandapósturinn - 01.06.1990, Page 41

nokkuð vel þekkt. Grynnra miðið er Sigluvíkurnúpur undan
Geirólfsnúp (Núparnir sanran) og Mýrarhnúkur undan Fellsegg-
inni. Dýpra miðið er Sigluvíkurnúpur undan Geirólfsnúp og
Drangaskerin ber í Mölvíkina á Drangahlíð. Reyndar hefi ég heyrt
um fleiri staðsetningar á þessum miðum en norðurmiðið er ávallt
Núparnir saman.
2. Spenadjúp er sagt vera hákarlamið undan Ingólfsfirði, tvær og
hálfa mílu undan landi. Djúpmiðið í það er líklega Speninn við
Kaldbakshornið (Speninn samjaðra) en ekki er vitað um þvermið-
ið. Þarna á að vera 40 faðma dýpi. Þegar komið er fram á Spenann
er farið að halla ofan í Húnaflóadjúp og kemur það heim og
saman við þetta gamla örnefni.
3. Hólar eru sagðir vera hákarlamið undan Ingólfsfirði og einn-
ig tvær og hálfa mílu undan landi og 40 faðma dýpi. Ekki er vitað
hvar þetta mið er nema ef skyldi vera Hlassið eða Hnúurnar á
Munaðarnesfjalli.
4. Auðbrandsbrún er sögð vera hákarlamið undan Ingólfsfirði og
eins og hin, tvær og hálfa mílu undan landi og þar á að vera 40
faðma dýpi. Þær heimildir sem ég hefl er að þvermiðið sé Munað-
arnesfjallið við Seljaneshlíðina (Fjallið samjaðra) og djúpmiðið
Speninn samjaðra. Síðustu þrjú mið virðast vera talin upp frá
norðvestri til suðasturs og öll munu þau vera á sama djúpmiðinu.
5. Grunniklettur er hákarlamið tvær til fjórar mílur út af Norður-
firði og Trékyllisvík og þar á að vera 50-70 faðma dýpi. Ekki er
vitað hvar mið þetta er.
6. Tangi er einnig hákarlamið út af Trékyllisvík og sama dýpi og
á Grunnakletti. Líklegt þykir mér að átt sé við Tangana yst á
Reykjarnesi. Miðið í Tangana er Laugarvíkurtangarnir við Skeið-
ið í Byrgisvík.
7. Stórisöðull er hákarlamið sagt með sömu einkenni og Tangi.
Af nafninu má ráða að söðlarnir séu tveir. Þekkt eru tvö mið
undan Árneshreppi sem heita Söðlar. Aðrir eru á Munaðarnes-
fjalli en hinir á Reykjarnesi. Af stöðu þessa miðs við önnur í texta
bókarinnar má ætla að það sé sunnan Trékyllisvíkur og er því átt
við Söðlana á Reykjarnesi. Söðlarnir þar eru á milli Tanganna og
Reykjarnesbjarga. Þar eru tveir steinar og er sá sem er nær Björg-
39