Strandapósturinn - 01.06.2000, Side 18

unnar en þar skyldu tónleikarnir haldnir. Fólk streymdi að og
fyllti kirkjuna, sem átti sinn þátt í því að tónleikarnir tókust með
ágætum.
Að loknum tónleikum var haldið norður í Bjarnarfjörð þar
sem stærsti hluti hópsins gisti á Laugarhóli. Nokkrir kórfélagar
héldu þó alla leið í Arneshrepp en það voru helst þeir sem eiga
enn fjölskyldumeðlimi búandi þar. Að loknum góðum morgun-
verði daginn eftir var haldið sem leið liggur norður í Trékyllis-
vík, sem var næsti áfangastaður kórsins. A leiðinni var lítið um
útsýni þar sem komin var svarta þoka. Ekki tjáði þó að gráta það
og kom reyndar ekki svo mikið að sök þar sem Guðbrandur og
Ragnar Torfasynir gerðu leiðina ljóslifandi með góðum lands-
lagslýsingum. Ferðalangarnir notuðu síðan ímyndunaraflið til
að myndgera lýsingarnar í eigin huga. I Trékyllisvík var komið
um kl. f3:00 og tók hreppsnefndin 'þar rausnarlega á móti
hópnum með veglegu kaffihlaðborði í félagsheimilinu, þar sem
svangir ferðalangar gerðu veitingunum góð skil. Tónleikarnir
hófust síðan í nýju kirkjunni kl. 16:00, aftur tókst vel til og fylltu
heimamenn kirkjuna. Það skiptir alltaf miklu máli fyrir kóra eins
og þennan að tónleikar séu vel sóttir og eiga tónleikagestir sinn
dijúga þátt í því að vel tekst til - fyrir það er seint hægt að full-
þakka. Um kvöldið var sameiginlegur kvöldverður í félagsheim-
ilinu þar sem vetrarstarfið var tekið út á léttum nótum. Eftir þá
úttekt var slegið upp dansleik með þátttöku heimamanna, þar
sem kórfélagar og aðrir mætir menn spiluðu fyrir dansi og
skemmtu á annan hátt með söng og ýmsum uppákomum langt
fram á nótt.
Um hádegi daginn eftir var lagt af stað suður og ákveðið að
taka smávegis krók á leiðinni og fara út fýrir Bjarnarfjarðarháls
og aka um hlaðið á Drangsnesi. í hópnum voru nokkrir sem
þekktu þá leið vel og voru fúsir að miðla þekkingu og góðum
sögum til ferðafélaganna. Eins og gengur var komið við í
nokkrum vegasjoppum á leiðinni, þannig að ekki var komið til
baka að Digranesskóla fyrr en að áliðnu kvöldi. Þar tvístraðist
hópurinn og hver hélt til síns heima eftir mjög góða og vel-
heppnaða ferð. Þar með lauk enn einni ánægjulegri ferð Kórs
átthagafélags Strandamanna á heimaslóðir.
16