Strandapósturinn - 01.06.2000, Síða 114

miklar ráðstafanir til að búa sig undir hann. En þarna er nú tví-
býli því Guðjón og þau hjón flytja ekki fyrr en næsta vor.
Það sagði Sigríður síðar, að þessi vetur hafi reynst þeim erfið-
ur og verstur hefði kuldinn verið, með reifabarnið. Oft hefðu
bleyjurnar frosið í baðstofunni, svo áhyggjur hennar hafa verið
ærnar. Að halda hita á barninu, svo kuldinn ynni því ekki skaða.
En þessi vetur leið eins og aðrir og aftur kom vor.
Ekki er annað að sjá en að tíðarfar hafi verið með skaplegum
hætti árið 1923. Þó byijar árið með stórviðri 15. janúar sem veld-
ur miklum sköðum einkanlega sunnanlands. 7. maí gerir svo aft-
ur aftakaveður og þá stranda 4 skip í Hornvík, en aðeins einn
maður drukknar. Svo virðist að sjóslys hafi verið óvenjulega fá
þetta árið. Islendingar fikra sig áfram í áttinna til framfara og
menningar. Þá kemur strandferðaskipið Esja til landsins. Verka-
menn láta til sín taka og krefjast síns hlutar úr auðnum sem þeir
skapa. Og utan úr heimi berast fréttir af því að Jóhannes Jósefs-
son hafi talað í eitthvert radió-apparat sem sé þeim ósköpum
gætt að það sem í það sé sagt heyrist um víða veröld. Menning-
in og tæknin er farin að minna á sig. Margur hristir höfuðið og
biður guð að hjálpa sér. Þær bylgjur nýjunga og tækniundra er
nýi tíminn bar með sér hafa vafalaust að mestu brotnað annars
staðar heldur en á Ströndum norður. Þó er víst að menn fylgd-
ust vel með því sem var að gerast og veltu því fýrir hvað nýr tími
boðaði.
Fyrir fólkið í Skjaldabjarnarvík var það lífsbaráttan sem gekk
fýiir öllu. A fardögum 1923 fluttu Guðjón Kristjánsson og kona
hans Anna Jónasdóttir frá Skjaldabjarnarvík norður í Þaraláturs-
fjörð. Frá þeim hjónum eru kominn stór ættbogi og fjölmargt
gáfu- og myndarfólk sem sumt varð þjóðkunnugt og setti svip á
samtímann, svo ekki hefur Skjaldabjarnarvík dregið úr þeim
orku eða kraft.
Það mun hafa verið þetta vor sem Þorbergur Samúelsson og
Svanfríður Daníelsdóttir koma í húsmennsku til Péturs og Sig-
ríðar í Skjaldabjarnarvík frá Reykjarfirði. Þorbergur, alltaf kall-
aður Bergur, var fæddur 18. júlí 1882 í Skjaldabjarnarvík, sonur
Samúels Hallgrímssonar er þar bjó. Þetta var mislingavorið, eitt
mesta harðindaár er yfir Island hefur dunið. Ofan á eindæma
112