Strandapósturinn - 01.06.2000, Side 117

inn heldur áfram að vekja á sér athygli því í ágústmánuði um
sumarið kemur fyrsta flugvélin fljúgandi yfir hafið. Atburðurinn
vakti að vonurn mikla athygli. Þjóðinni er að verða það ljóst að
1000 ára einangrun er rofin. A þessu ári er fyrsta íslenska kvik-
rnyndin gerð og Þórbergur og Hagalín kveðja sér hljóðs á
skáldaþingi Islands.
Arið 1925 byrjar eins og önnur ár þarna norður frá. Einangr-
unin er mikil. Það þykja stórtíðindi ef sést til mannaferða. Heim-
ilisfólkið er ekki rnargt, sex til átta manns. Mannlífið fábreytt en
íslenski veturinn lætur til sín taka, því 8. febrúar gerir eitt mesta
fárviðri sem yfir landið hafði gengið, Halaveðrið svo kallaða, þar
sem 68 sjómenn týndu lífinu. Ekki hefur þetta veður farið fram-
hjá litlu býlunum á Ströndum, þó ekki sé getið um mannskaða
þar í þessu veðri.
Arið 1926 virðist hafa verið hagstætt til lands og sjávar. Sá
mikli harðindakafli sem hófst um miðja nítjándu öld er genginn
yfir og tíðarfar hlýrra og hagstæðara. Það ber helst til tíðinda að
konungur Islands og Danmerkur kemur í heimsókn ásamt
drottningunni. Það þóttu mikil tíðindi í fásinninu þótt ekki sé
víst að fréttir hafi borist norður fyrr en konungur var aftur far-
inn til síns heima.
Norður í Skjaldabjarnarvík ber það helst til tíðinda að 22.
ágúst fæðist sveinbarn. Rauðhærður er kauði og grætur hátt
framan í heiminn og ljósu sína Önnu Guðmundsdóttir frá
Dröngum sem alla tíð sýndi þessum dreng einstaka umhyggju
og hlýju. Það þölgaði í heimilinu, ómegðin óx. Þó er ekki ann-
að að sjá en að afkoman hafi batnað á þessum árurn.
Það er svo 25. feb. 1927 að prestinn séra Sveinn Guðmunds-
son í Arnesi ber að garði. Slíkir höfðingjar eru sjaldséðir norður
þar og erindið er að húsvitja og tækifærið notað til að ausa
yngsta barnið vatni. Drengurinn er skírður Matthías, vegna þess
að Pétur hafði dreymt þjóðskáldið Matthías Jochumsson. En
hvers vegna skáldjöfurinn fór að ómaka sig úr hásölum himn-
anna undir lága baðstofusúð í einu afskekktasta býli landsins
kalda til að líta á rauðhærðan drenghnokka? Þeirri spurningu
verður aldrei svarað.
Árin líða. Þann 27. jan. 1929 fæðist enn drengur í Skjalda-
115