Strandapósturinn - 01.06.2000, Blaðsíða 154

sem danslög, til dæmis „Dansinn höfum við danskinum frá,
danskurinn gaf okkur stjórnarskrá“, eldgamalt lag. Svo var um
íleiri.
Hafði fólk einhver tœkifœri til að dansa og skemmta sér á þessum
árum, var ekki dauðadofi yfir öllu, eymd og basl?
Oðru nær, ekkert fásinni var hér í sveitinni. Við höfðum góð
tækifæri hér í Norðurfirði og „kringum Fjall“. Margt ungt fólk
var hér á þessu svæði sem kom saman og skemmti sér. Ef lýsa á
húsinu sem við dönsuðum í hér í Norðurfirði var það eitt af
þessum gömlu burstabyggðu með tveimur burstum. 1 öðru var
íbúðin og baðstofan en í hinu var geymt dót. Það voru breiðar
bæjardyr sem nú mundu vera kallaðar forstofa. Hægt var að fá
þar 6 álna breitt svæði og um 10 álnir á lengd. Við hagnýttum
bæjardyrnar til að taka sporið og gerðum það vel og oft. Einnig
fórum við í leiki sem svo voru nefndir. Fólk kunni marga þjóð-
leiki. I mörgum leikjunum var dansað líka og hétu þeir ýmsum
nöfnum, eins og Vefaraleikur - Munkurinn gekk í engi - Meyj-
anna mesta yndi o.fl. Nú hef ég tínt þessu öllu niður. Eftir að
byggt var upp á Felli hér í sveitinni var oft farið þangað til að
dansa, þar var stór stofa.
Hér var fullorðin stúlka Jónína Jónsdóttir, (síðar húsfreyja í
Norðurfirði og á Krossnesi) hún kunni alla þessa gömlu dansa
en margur var tregur og feiminn fyrst. Eg ætlaði ekki að fást í
það, en hún var ákveðin. Svo kom þetta fljótlega og við fórum
að kenna hvert öðru. Mars var mikið dansaður og brotið útaf
með leikívafi og þrautum sem hétu Trú, von og kærleikur -
Hnútapolki - Spegillinn - Klúturinn og blórnin, fólk undi sér
við þetta.
I Norðurfirði var hvað mest skemmtanalíf en ég held að glatt
hafi verið á hjalla víðar, alstaðar var létt yfir fólki. Arið 1916 var
ég við róðra hjá Finnboga Guðmundssyni á Finnbogastöðum,
ekki var alltaf róið og tókum við okkur til að dansa í bæjardyr-
unum á Kjörvogi en þaðan var róið. Þar spilaði Guðmundur
Guðjónsson á Gjögri. Eg var þá búinn að spila belginn úr minni
sem var frá því ég var 13 ára.
Hvenær var farið að halda almennar skemmtanir hér í sveitinni 1
Lestrar- og kvenfélagið voru frumkvöðlar í almennu skemmt-
152