Strandapósturinn - 01.06.2003, Blaðsíða 155

héraði. Og þegar stansað var á brún dalsins og litið yfir landið
um leið og við kvöddum Húnvetningana þá fannst mér ferðin
strax hafa borgað sig. Skildum við svo glöð og þakklát við Hún-
vetningana.
A mörkum Húnavatns- og Skagafjarðarsýslna biðu allmargir
Skagfirðingar eftir okkur. Höfðu þeir reist flaggstöng á svoköll-
uðum Arnarstapa og blakti íslenski fáninn þar yfir allmikilli
breiðu af fólki. Þar á meðal voru Sigurður Sigurðsson sýslumað-
ur, Jón Sigurðsson alþingismaður, Sigurður Þorvaldsson kennari
og margir fleiri með frúr sínar eða heimasætur. Jón Sigurðsson
nafngreindi þau fjöll er við okkur blöstu, lýsti byggðarlögum og
rakti helstu örnefni. Síðan biiðu Skagfirðingar til kaffidrykkju í
Varmahtíð. Eftir góðar veitingar og viðeigandi ræðuhöld var
ekið þaðan austur yfir Héraðsvötn og Hólminn. Varð okkur ljóst
að ekki hafði verið ofsögum sagt af náttúrufegurð Skagafjarðar.
Vötnin breið og lygn beggja megin Hólmsins og allt grasi vafið.
Við Héraðsvötn voru mæðiveikivarnir og stóð fatlaður maður,
Þorsteinn Björnsson frændi minn frá Miklabæ, vörð við Eystri
vötnin.
Var nú haldið austur í Hjaltadal og heim að Hólum. Kristján
Karlsson skólastjóri búnaðarskólans tók á móti okkur með ræðu
er hann flutti af tröppum skólahússins. Síðan var sest að snæð-
ingi og etið feitt og fallegt hangikjöt.
U m kvöldið skoðuðum við kirkjuna og sungum þar nokkur
sálmalög. Þá voru okkur einnig sýndir hinir fornu munir Hóla-
kirkju og legstaðir biskupa í kórgólfi. Notuðum við tímann bæði
um kvöldið og morguninn til að skoða þetta fornfræga höfuð-
ból. Túnið var í góðri rækt og mun betur sprottið en önnur tún
sem við höfðum séð til þessa. Klukkan hálf tíu um morguninn
var lagt af stað frá Hólum eftir að Kristinn Guðlaugsson á Núpi
hafði kvatt staðinn og þakkað móttökurnar fýrir okkar hönd
með fallegri ræðu úti á hlaði. Við vorum glöð í huga eftir að
hafa séð með eigin augum þennan söguríka stað sem maður
hafði varla þorað að láta sig dreyma um að sjá nokkurn tíma.
Leiðin lá nú aftur yfir Héraðsvötn og til Sauðárkróks í boð
nokkurra kvenna af Vestfjörðum. Þar var skoðuð kirkjan sem er
falleg og hlýlega skreytt. Sumir skoðuðu einnig höfnina o.fl.
153