Strandapósturinn - 01.10.2007, Page 24

Georgjón Jónsson
Kjörseyri
Bakkadalur
Bakkadalur í Bæjarhreppi er eins og vel geymt leyndarmál í
dag. Hann þekkja ekki aðrir en þeir sem eru hér staðkunnugir.
Dalurinn liggur líka þannig að ekki sést í hann af þjóðveginum og
fáir eiga leið þar um nti orðið. Þarna voru þó nokkrir bæir í byggð
fram yfir miðja síðustu öld og margt fólk átti þar heima, sumir
segja allt að 40 manns þegar flest var. Hér á eftir verður reynt í
stuttu máli að greina frá staðháttum í Bakkadal og frá þeim er þar
bjuggu síðast.
Það er talið að jörðin Prestsbakki í Bæjarhreppi hafi orðið
prestssetur árið 1711 er Guðmundur ríki Þorleifsson á Narfeyri
gaf kirkjunni hálfan staðinn en kirkjan átti hann hálfan fyrir.
Fræðimenn telja að kirkja hafi verið reist á Prestsbakka fyrst um
1100 og þar staðið kirkja allar götur síðan. Guðmundur ríki, er
svo var kallaður var sonur Þorleifs Kortssonar sýslumanns er bjó í
Bæ um skeið og kunnastur varð fyrir dugnað við að draga menn
á bál vegna galdra. Þeir feðgar voru auðugir menn þó ekki sé ljóst
af hveiju þeir urðu svo ríkir. Þegar jarðabók Arna Magnússonar
og Páls Vídalín er samin hér á Ströndum árið 1706-1709 þá á
Guðmundur nokkrar jarðir í Bæjarhreppi en á þeim tíma söfn-
uðu auðmenn ekki peningum heldur jarðeignum.
22
J