Strandapósturinn - 01.10.2007, Side 135

að kann að orka tvímælis, þó að skrifað verði. Hitt veit ég að enn
er nppi fólk, sem tók þátt í þessum leik og gæti borið mínar hug-
renningar saman við eigin reynslu.
Leikur þessi er SLAGBOLTI.
Ekkert veit ég um hvenær leikurinn harst til Hólmavíkur né
hvaðan hann kom. Um tímann getur þó tæplega skakkað nema
10 árum eða svo til eða frá. Hólmavíkurþorp er ekki eldra en frá
1895 og fyrsta hálfan annan áratuginn hefur ekki verið þar
mannafli til að iðka leikinn. Til þess að eitthvert líf sé í tuskunum,
þarf að vera 8-10 manns í hvoru liði, 6 hið alfæsta. Þegar ég kom
til Hólmavíkur 1932, var slagboltinn í fullum gangi og leikinn eft-
ir föstum reglum, sem ekki breyttust þó að óskráðar væru. Oyggj-
andi upplýsingar (Sigurgeir M.) eru um það að 1925 var hann
leikinn eftir sömu reglum. Hólmvíkingar hafa því byrjað að leika
slagbolta einhvern tímann á árabilinu 1910-1925. Þetta tímabil
má skv. því sem Sigurgeir segir, stytta verulega: „hann hafði verið
leikinn í mörg ár“ (S.M. miðar hér við 1925).
Slagboltinn var mjög vinsæll á Hólmavík á fjórða áratugnum og
út þann fimmta a.m.k. Og hann var víðar til en á Hólmavík, því að
ég minnist þess að hafa rekist á leikinn í endurminningum manna
frá fáeinum stöðum. Því miður lagði ég þessar frásagnir ekki á
minnið, en finnst að yfirleitt hafi þær verið frá vestfirskum og
norðlenskum þorpum. Hvergi í þessum endurminningum var
slagboltanum lýst að neinu ráði, en þó nægilega til að gruna mátti
að um sama leikinn væri að ræða. Nafnið var þó ekki alltaf það
sama, á einum stað a.m.k. hét hann kýlibolti. Sjálfsagt hafa ýmis
sérafbrigði leiksins tíðkast eftir stöðum, en það minnir mig vera
sameiginlegt riturum að tala vel um leikinn og telja hann ekki alls
ómerkan. Því áliti er ég sammála.
En hvaðan og hvernig barst leikurinn til Hólmvíkinga? Manni
dettur auðvitað strax í hug að fyrsti barnakennarinn á staðnum,
Kristinn Benediktsson, hafi komið með hann með sér 1910. Nem-
endur hans voru 11 talsins, næg uppistaða í tvö slagboltalið. Nú,
133