Strandapósturinn - 01.10.2007, Blaðsíða 42

Það var vani þegar fallegir eða eitthvað óvenjulegir steinar
komu í ljós að safna þeim í hornið undir þakskegginu á baðstof-
unni. Gömul lestaborð og flatar hellur voru í fyrstu notað sem
göngustígar kringum húsin meðan raskið var að gróa upp. Einn
af þessum steinum, hinn umræddi blótsteinn, mun hafa fundist á
þessum árum og þá í grunni eða kringum núverandi byggingar
frá 1960-1962. Lenti þessi steinn ásamt öðrum steinum seinna
undir palli sem var smíðaður 1983 og gleymdist. Við endurbygg-
ingu pallsins árið 2002 fannst hann aftur og var haldið til haga.
Vegna galdravakningar Standamanna og stofnunar Galdra-
safnsins á Ströndum kom til orða við Jón Jónsson þjóðfræðing og
bónda á Kirkjubóli, hvort þetta gæti verið eitthvað merkilegur
steinn því okkur datt í hug að þetta væri hlautbolli úr heiðnum
sið þar sem bollinn var dökkur í botninn og örlítið gljáandi. Jón
tók að sér að athuga þetta við Ragnar fornleifafræðing safnsins og
að höfðu samráði við Olaf á Svanshóli, sem einnig er í stjórn safn-
sins, var steinninn sendur til rannsóknar á tæknideild Rannsókn-
arlögreglunnar í Reykjavík. Þar tóku við steininum réttarmeina-
fræðingurinn Þóra Steffensen og Omar Pálmason
rannsóknarlögreglumaður sem vinna að rannsóknum með nýrri
tækni til að kanna leyfar af blóði á vettvangi og hversu lengi megi
rekja ummerki. Niðurstöður rannsóknar Þóru og Omars liggja
nú fyrir og munu þær benda til að hér sé um hlautbolla að ræða
með leyfum af dýrablóði. Einnig má merkja sót á utanverðum
steininum.
Kristján Sæmundsson jarðfræðingur telur að bergtegund boll-
ans sé sú sama og er að fínna í nálægu umhverfi, slípaður til af
mannavöldum.
40