Strandapósturinn - 01.10.2007, Qupperneq 31

Gömul þjóðleið liggur suður úr Bakkadal yfir í Dali. Þá er farið
fram með Bakkaá og upp hjá klettinum Völu sem er sunnarlega í
dalnum, vestanhallt við Þrívörður sem eru vestasti hlutinn af
Reyðarvatnshæð, þaðan suður að vesturenda Gullhamarsvatns
svo austan við Hólmavatn yfir Sólheimahæð að Sólheimum efsta
bæ í Laxárdal. Er þetta kallað að fara Hólmavatnsheiði. Enn má
sjá skýrar djúpar götur víða á þessari leið svo að hún hefur ein-
hvern tímann verið nokkuð fjölfarin. Hennar er enda getið sem
alfaraleiðar í sóknarlýsingum Prestsbakkasóknar frá 1844 eftir Sr.
Búa Jónsson. Trúlegt þykir mér að rnargir hafi átt þar leið um
með spunarokka sína á þeim tíma er Lýður Sæmundsson bjó í
Bakkaseli (1899-1930) en hann var annálaður rokkasmiður.
Stundaði mikið smíðar jafnframt búskapnum. En hér um slóðir
var hann kunnastur fýrir rokka sína sem hann renndi af mikilli
list og þóttu afbragðs góðir til síns brúks. Til prýðis á rokkana
renndi Lýður bólur úr beini sem hann festi svo á endana. Til þess
mun hann hafa notað hrossleggi því í þeirn er beinið efnismikið.
Um það skraut gat Hjörtur Guðjónsson á Ljótunnarstöðum ekki
orða bundist og sagði við Lýð. „A öllu græðir þú, meira segja á
hrossleggjum".
Síðustu ábúendur í Bakkadal
Hrafnadalur
Eins og fram er komið hefur Hrafnadalur að öllum líkindum
fýrst verið byggður af þeim bæjum sem í Bakkadal hafa staðið. 1
manntali frá 1818 eru tíu manns skráðir til heimilis í Hrafnadal.
Þegar sá er þetta ritar var að koma til vits og ára bjuggu 4 systkini
í Hrafnadal. Þau voru börn Þorsteins Helgasonar bónda og smiðs
í Hrafnadal og Helgu Sigurðardóttur konu hans sem var hálfsystir
skáldsins Stefáns frá Hvítadal. Um þau hjón orti Stefán minning-
arljóðið „Fornar dyggðir“. Þessi systkini sem stóðu fýrir búi í
Hrafnadal frá 1931 fram yfir 1952 voru öll ógift og áttu ekki af-
komendur. Bræðurnir hétu Sigurður og Magnús og var Sigurður
meira fýrir búinu en Magnús stundaði húsasmíðar víða í nágrenn-
inu. Systur þeirra er með þeim bjuggu hétu Guðbjörg og Ragn-
hildur. Guðbjörgfékkstvið barnakennslu um skeið og þá aðallega
29