Strandapósturinn - 01.10.2007, Page 33

um. Steypuefnið var tekið í fjörunni hjá Prestsbakka og flutt á
klökkum á hestum upp að Hrafnadal því á þeim tínra var enginn
kerruvegur kominn þangað. Hjörtur Guðjónsson á Ljótunn-
arstöðum kallaði þetta hús strýtuna og orti með sínum hætti og af
dulítilli kerskni þessa vísu um húsið og Magnús.
Strýta er þar strýtu við.
Strýta er hans sjónarmið.
Strýta á gafli og strýta á hlið.
Strýta veitir Magnúsi öruggan sálarfrið.
Eftir að Hrafnadalssystkini féllu frá varjörðin seld og eignuðust
Félag pípulagningameistara og Sveinafélag pípulagningarmanna
í Reykjavík hana og hugðust koma þar upp sumardvalarstað fyrir
sína félagsmenn. Ekki varð þó af uppbyggingu orlofsbyggðar eða
neinu í þeim dúr. Mun ekki hafa ríkt full eining unr þessi kaup í
félögunum og hvað gera skyldi á staðnum. Samt var þó nokkuð
unr sumardvöl fólks á staðnum sérstaklega fyrstu árin sem píparar
áttu jörðina. Var íbúðarhúsið nýtt sem sumarhús og komið með
stærðar hjólhýsi á staðinn svo fleiri kæmust fyrir. En svo fór að
pípararnir gáfust upp á að eiga og nýta þessa jörð. Var hún því
seld Bæjarhreppi og er í dag notuð sem sumarbeitiland fyrir nær-
liggjandi bæi.
Bakkasel
Talið er að stofnað hafi verið nýbýli í Bakkaseli laust eftir 1821
af Gíslajónssyni er þangað flutti norðan frá Drangavík í Víkursveit
og bjó í Bakkaseli til 1835.1 sóknarlýsingum Sr. Búajónssonar frá
1844 er talað um hjáleiguna Bakkasel í landi Hrafnadals. En um
1900 kaupir Lýður Sæmundsson Bakkaselið og er kaupbréfið til
enn í dag. Hefur jörðin verið í eigu afkomenda Lýðs síðan. Lýður
bjó í Bakkaseli frá 1899 til 1931, stundaði mikið smíðar samhliða
búskap og eingöngu eftir að honum lauk. A eftir honum bjuggu
þar synir hans. Fyrst Björn Lýðsson 1931-1937 en þá flutti hann
vestur í Fremri-Gufudal. Við búskap í Bakkaseli tók þá Sigurður
Lýðsson og kona hans Guðnýjóhannesdóttir frá Skálholtsvík. En
31