Strandapósturinn - 01.10.2007, Qupperneq 69

hún í gang. Vélin virtist nú skyndilega vera í lagi. Ég læt vita af því
að vélin sé komin í lag.
Næsta morgun fæ ég mannskapinn í Skjaldabjarnarvík til að
hjálpa okkur að setja bátinn á sjóinn. Menn höfðu nokkrar áhyggj-
ur af að vélin gæti stoppað aftur og tekið upp fyrri hegðun. Undir
hádegi lögðum við af stað heim á leið. Þar sem enn var töluvert
vestan rok, við ókunnugir og það eru sker og klappir út um allan
sjó þarna, bað ég Héðinn að sigla með okkur leiðina að Skaufa-
seli, því hann var kunnugur á þessu svæði, sem hann gerði. Ég
lenti í Skaufaseli og setti Héðinn í land. Hann fór þaðan fótgang-
andi til baka heim í Skjaldabjarnarvík. Við héldum áfram og kom-
um við á Dröngum þar sem Eiríkur tók vel á móti okkur. Frá
Dröngum héldum við síðan sem leið liggur fyrir Drangaskörð.
Við reyndum að fylgja landinu eins nálægt og hægt var ef eitt-
hvað skildi bregða út af aftur með vélina. Þegar við komum fyrir
Skerjasundin sjáum við bát nálægt Flataskeri. Bátur þessi sigldi
með seglum. Ég tek stefnu frá landinu í átt að honum. Þetta
reyndust vera Pétur Guðmundsson frá Ofeigsfirði og Guðmund-
ur sonur hans. Þeir höfðu verið sendir af stað til að leita okkar.
Nokkru eftir að þeir lögðu af stað hafði vélin í bátnum hjá þeim
stöðvast. Þeir sigldu því áfram á seglum. Við tókum þá í slef og
drógum heim í Ófeigs^örð.
Þegar við komum til baka inn á Eyri kom í ljós að fólkið þar var
búið að hafa miklar áhyggjur af okkur. Það var skiljanlegt þar sem
við vorum að koma til baka úr þessari ferð seint á þriðja degi, en
reiknað hafði verið með að við kæmum samdægurs til baka. Fólk-
ið furðaði sig einkum á hversu lengi við vorum búnir að vera, þar
sem veðrið var búið að vera stillt og gott á Ingólfsfirði, allan tím-
ann frá því að við lögðum af stað. Eftir þessa ferð treyst ég Kelvin
vélinni, sem var í Birnu, ekki lengur. Henni var skipt út vorið eftir
og sett í staðinn niður 10 hestafla Redwing vél.
Guðjón Ingólfsson skráði
67