Strandapósturinn - 01.10.2007, Qupperneq 104

sviði. Þessa kenningu er erfitt að sanna, en líkur má færa fyrir að
hún geti staðist. Líklegt tel ég, þó að rökin séu kannski ekki mjög
sannfærandi, að erfitt verði að afsanna þessa kenningu með við-
hlítandi rökum. Þegar upp er staðið má telja „sterkar“ líkur á því
að þarna séu komin trúverðug tengsl milli víngerðar Leifs Eiríks-
sonar/Tyrkis suðurmanns á Vínlandi hinu góða og vínræktar og
víngerðar minnar á vínekrunni við Balaton, sem við höfum leyft
okkur að gefa nafnið Vínland.
Hvar var Vínland og hvar byggðu Vínlandsfarar
bústaði sína í Norður Ameríku ?
Ahugavert væri að leita hins eiginlega og sanna Vínlands Leifs
heppna á þeim stöðum sem fræðimenn og grúskarar telja hugs-
anlegt að Vínland hafi verið. Hugsanlega mætti finna rústir bygg-
inga sem Leifur hefur vafalítið reist þar sem hann bjó sér tíma-
bundinn dvalarstað, eða einhver ummerki um dvöl hans á
Vínlandi sem vafalítið skipti nokkrum, þó kannski aðeins fáum
mánuðum. Þetta er ekki auðvelt verkefni en með markvissum
aðgerðum og nýjustu tækni væri hugsanlega ekki útilokað, að
komast nærri hinu sanna í þeim efnum. Má jafnvel segja að ekki
sé vansalaust að Islendingar, sem að hluta til eru afkomendur
fyrstu Evrópubúa sem settust að í Ameríku, hafi í raun lítið eða
ekkert sinnt þessu verkefni síðan höfundar Vínlandssagna skráðu
þær einu heimildir sem til eru um þessa merku sögu og afrek sem
tvímælalaust má jafna við merkustu landkönnunarferðir verald-
arsögunnar. Omaksins væri a.m.k vert að kanna möguleika á að
leita menja eftir veru Leifs Eiríkssonar og annarra Vínlandsfara í
Vesturheimi fyrir þúsund árum, þó fyrirfram verði að telja að
mikils árangurs yrði vart að vænta.
Þorfinnur karlsefni og kona hans Guðríður Þorbjarnardóttir
hin víðförla lífsreynda mektar kona og förunautar þeirra dvöldu
mun lengur á Vínlandi, en aðrir Vínlandsfarar og hafa því ekki
síður skilið þar eftir sig búsetumenjar. Þarna eru því einhversstað-
ar norrænar húsarústir sem að hluta til voru tvímælalaust úr var-
anlegum efnum þ.e. grjóti og því staðið af sér veðrun vatns og
vinda. Oskuhaugur Guðríðar er einnig þarna einhvers staðar og í
102