Strandapósturinn - 01.10.2007, Blaðsíða 151

hlé á réttarhöldum. En 30. ágúst sama ár er sýslumaður mættur
og nú fer réttarhaldið fram í Reykjarfjarðarkaupstað. Mætti þar
fyrst fyrir réttinn kærandinn í málinu, Pétur Guðmundsson,
Gjögri, sem sérstaklega aðspurður skýrir frá að hann stöku sinn-
um hafi leyft Ingveldi Sigurðardóttur á Gjögri að vera í búð sinni
til að baka brauð og hafí hann þá sjálfur ávallt verið staddur í búð-
inni. Aldrei kvaðst hann vita til þess að íngveldur hafi haft með
sér nokkra plötu til að baka brauðin á. Og aldrei segir hann vitað
til þess að hún skildi nokkra plötu eftir í búðinni sem hún sjálf
átti en hann minnist þess að hann hafi stundum léð henni plötu.
Þá er Ingveldur mætt til yfirheyrslu. Við fyrri framburð sinn gjörir
hún þá athugasemd að hún af einurðarleysi hafí játað upp á sig að
hún hafi farið í búð Péturs í því skyni að stela úr henni en að hún
hafi upphaflega ætlað að sækja þangað plötu sem hún hefði síð-
ast notað við baksturinn á brauðinu og hún kannast ekki við að
hafa nokkru sinni fengið plötu að láni hjá Pétri við bakstur. Til
afsökunar glæp sínum kveðst hún ekki geta verið annað en kjark-
leysi sitt til að standast freistinguna til að drýgja hann.
Réttarvitnin virtu það kaffi sem Ingveldur hnuplaði á 25 aura.
En verð á hinum stolna sykri er á 10-12 aura. Þar með var rétt-
arhöldunum lokið og málið lagt í dóm.
Dómurinn
5. nóvember 1895 er á skrifstofu sýslumanns Strandasýslu kveð-
inn upp dómur í málinu, réttvísin gegn Ingveldi Sigurðardóttur
fyrir þjófnað. I dómnum er málsmeðferðin rakin en síðan segir:
Brot hinnar ákærðu virðist vera að heimfæra undir 231. gr. í
hegningarlögum og virðist þá hegningin hæfilega metin 8
mánaða betrunarhúsvist. Svo ber hinni ákærðu að greiða allan
af málinu löglegan kostnað. Endurgjalds fyrir hina stolnu
muni hefur ekki verið krafist og kemur því ekki til greina.
27. desember 1895 er dómurinn birtur Ingveldi á heimili henn-
ar á Gjögri af stefnuvottum Arneshrepps. Hún lýsir þá því yfir að
hún geti ekki unað við dóminn og óskaði að honum yrði skotið til
149