Strandapósturinn - 01.10.2007, Side 154

esar Thorsteinsson og málaflutningsmanns Gísla ísleifssonar
kr. 10 til hvors.
Undir þennan dóm skrifa: L.E. Sveinbjörnsson, Kristján Jóns-
son, Jón Jensson.
Refsing
16. september 1896 er Ingveldi birtur dómurinn. En hún tók
út refsingu á Isafirði vorið 1897 og er vottorð um það eftirfar-
andi:
Það vottast að hin dæmda Ingveldur Sigurðardóttir hefur sam-
kvæmt ofanskráðum dómi sætt fangelsishegningu við vatn og
brauð í fimm daga í fangelsinu á Isafirði frá 25. júní þ.á. kom
kl. 10 f.h. til 30. júní þ.á. kl. 10 f.h.
Bæjarfógetinn á Isafirði 9-7-1987
H. Hafstein.
Það fór ekki hjá því að við allan þennan málarekstur safnaðist
upp dtjúgur kostnaður. Þar má nefna máls- og ferðakostnað sýslu-
manns, kostnað við veru hinnar seku í fangahúsinu á Isafirði, 12
kr., kostnað við flutning Ingveldar til Isaíjarðar. Má þar nefna
meðal annars fæði og húsnæði í Reykjarfirði í 4 daga meðan beð-
ið var eftir flutningi með skipinu Vestu. Sá kostnaður var 4 kr.
Fæði handa Jens Olasyni sem fenginn var til að fylgja hinni seku
til Isafjarðar 2 kr. Fyrir mat í skipinu kr. 1,50. Fargjald Ingveldar
kr. 3. Fargjald Jens kr. 3, til baka kr. 3. Kaup handa Jens Ólasyni í
6 daga kr. 18. Samtals nam kostnaður vegna þessara málaferla
kr. 116,39, og var hinni dæmdu konu gert að greiða hann. Ekki
hafði Ingveldur neina getu eða burði til að greiða þennan kostn-
að enda fátæk og eignalaus vinnukona. En yfirvöld náðu þó því
litla sem hún átti. 15. júní 1897 fer fram uppboð á þeim eignum
sem þar var að hafa. Fer hér á eftir skrá yfir muni í eigu Ingveldar
sem boðnir voru upp og seldir.
152