Strandapósturinn - 01.10.2007, Side 156

Kristinn Sœmundsson
frá Kambi
Sigling
Minningabrot
Það er snemma vors 1944. Við þurftum að fara í verslunarferð
frá Kambi inn í Djúpuvík. Það vantaði kol, salt, sement og ým-
islegt matarkyns. Við lögðum af stað snemma morguns. Veðrið
var milt, vestan hægviðri og útlit gott. Við rerum norður fyrir
Snasir í rólegheitum. Við vorum þrír bræðurnir, Alfreð, Páll og sá
sem þetta setur á blað. Þegar við komum norður fyrir Snasirnar er
nokkur gjóla út Reykjarfjörðinn svo við settum upp segl og sigld-
um beitivind í átt að Kjörvogi. Þar undan landi var vent og siglt til
baka eins nálægt vindinum og hægt var. Vestanáttin fór vaxandi.
Að sigla þessum báti okkar inn allan Reykjarfjörð var ævintýri sem
ég gleymi ekki. Það var næstum hægt að sigla honum á móti vind-
inum. Inn í Djúpuvík náðum við án þess að setja út ár nema til að
hjálpa seglinu.
Vel gekk að útvega þær vörur sem okkur vanhagaði um og
koma þeim fýrir í bátnum. Þegar við héldum til baka hafði vest-
anáttin færst talsvert í aukana og nú var það lensið út Reykjarfjörð.
Seglið var strax sett upp og vindur tók hressilega í það. Nú var
siglt bullandi lens út hjá Kleifum, Kúvíkum og út með Víkunum.
Vindur færðist frekar í aukana. Þetta var rosaleg sigling. Alfreð sat
við stýrið og hélt um skautið, tilbúinn að slaka á þegar álagið nálg-
aðist hættumörk. Eg held að Alfreð bróður hafi þótt lúmskt gam-
154