Fréttablaðið - 19.03.2022, Blaðsíða 24

n Í vikulokin
Við mælum með
Hvað veit
maður um
það sem
gerist á bak
við luktar
dyr?
BJORK@FRETTABLADID.IS
Ólafur
Arnarson
Nesja-
mennska
má ekki
ráða för í
hagsmuna-
mati fyrir
Ísland.
Drag plóg þinn yfir bein hinna
dauðu eftir Olgu Tokarczuk
Best a bók in á
markaði nú um
stundir er eftir
pólska Nóbels-
verðlaunahafann
Olgu Tokarczuk.
H i n n ö f l u g i
þáttarstjórnandi
Kiljunnar, Egill
Helgason, segir
Olgu vera besta
Nóbelsverðlaunahafa seinni ára –
og ekki lýgur hann.
Aðalpersónan í Drag plóg þinn
yfir bein hinna dauðu er eldri kona,
Janina, sem er ástríðufullur dýra-
vinur. Janina unir sér við að lesa
stjörnuspeki og þýða ljóð Williams
Blake. Þegar nágranni hennar deyr
skyndilega, og fleiri dauðsföll fylgja
í kjölfarið, kemst rót á líf Janinu.
Hér er á ferð bókmenntaleg
glæpasaga með ógleymanlegri aðal-
persónu.
Kirkjuferðum
Í heimi þar sem ekki er allt eins og
best verður á kosið, eins og nú er
þegar stríðsógnin blasir við okkur,
þá er þörf á hugarró. Hana er hægt
að öðlast á ýmsan hátt, til dæmis
með því að fara í kirkju. Í kirkjum
landsins ríkir friður og ró og þar er
spiluð fögur tónlist. Þess vegna er
margt vitlausara en að bregða sér í
sunnudagsmessu nú um helgina. n
Í tæp 30 ár höfum við Íslendingar
verið 80 prósent aðilar að ESB í
gegnum EES og við innleiðum
bróðurpart regluverks ESB.
Flestar tilskipanir frá Brüssel
hafa verið í frelsisátt fyrir einstakl-
inga og atvinnulíf. Einhverjar hafa
verið íþyngjandi. Allar eiga þær það
sammerkt að við höfum ekkert um
innihald þeirra að segja vegna þess
að við erum ekki ESB-aðildarþjóð.
Aðildin að EES hefur fært Íslend-
ingum rétt til að búa og starfa í
öllum aðildarríkjum ESB. Þá hefur
aðildin lækkað vöruverð hér á landi
og opnað evrópska markaði fyrir
íslenskum fyrirtækjum.
Aðild að ESB er kjörin fyrir smá-
ríki. Lúxemborg var stofnaðili að
Kola- og stálbandalaginu sem síðar
varð að ESB. Kýpur og Malta, sem
bæði eru smáríki, gengu inn síðar
og una hag sínum vel.
Stórveldin í ESB sýna smáríkj-
unum og hagsmunum þeirra virð-
ingu og hafa ítrekað falið fulltrúum
smærri ríkja valdamikil ábyrgðar-
störf innan ESB.
ESB er friðarbandalag evrópskra
lýðræðisþjóða. Atburðarás undan-
farinna vikna sýnir svo um munar
að bandalagið stendur fullkomlega
undir þeirri ábyrgð.
Sífellt glymur þó rámur og falskur
söngur íslenskra einangrunarsinna
um að Íslandi stafi sérstök hætta
af aðild að ESB vegna þess að stóru
ríkin muni nánast leggja Ísland
undir sig sem nýlendu og svipta
okkur auðlindum göngum við í ESB.
Hvers vegna ættu stórveldin, sem
virða og styðja önnur smáríki innan
Gapuxaskapur einangrunarsinna
ESB, að grípa til grimmdar og kúg-
unar gagnvart Íslandi? Þýskaland
og Frakkland hafa ávallt sýnt Íslandi
vinarþel á alþjóðavettvangi, ekki
síst á ögurstundu. Þetta er meira en
hægt er að segja um Bretland sem
telur sig ekki lengur eiga samleið
með lýðræðisþjóðum í Evrópu.
Skollaleikur og hræðsluáróður
einangrunarsinna verður að taka
enda. Nesjamennska má ekki ráða
för í hagsmunamati fyrir Ísland.
Hvað er það sem einangrunar-
sinnar óttast? n
Ég segi stundum að flestir komi mér
rækilega á óvart. Auðvitað er það
stundum á skemmtilegan hátt en oftar
er það þó leiðinlega, því miður. Kannski
er ástæðan sú að ég einfaldlega trúi því
besta upp á fólk, frekar en að fólk sé almennt
svona gallað. Hvað sem því líður þá er ágæt regla
að fullyrða sem minnst um karaktereinkenni
fólks. Frábær vinur sem er traustur á trúnó og
hrókur alls fagnaðar getur nefnilega verið algjör
slugsi í vinnu eða ömurlegur í sambúð.
Í þessu tölublaði segir Erla Gunnarsdóttir frá
bréfi sem Frosti Logason lagði fram hjá sýslu-
manni í umgengnismáli hennar og barnsföður
hennar. Þar skrifaði Frosti orðrétt: „xxx er ekki
ofbeldismaður og hefur aldrei verið.“ Á þeim
tíma hafði Erla þó lagt fram kæru á hendur
barnsföður sínum vegna ofbeldis auk þess sem
tvær aðrar konur höfðu kært hann fyrir sömu
sakir. Frosti segist mögulega hafa tekið of djúpt
í árinni með fullyrðingu sinni. Í besta falli sýndi
hann dómgreindarbrest. Enda varla nokkur leið
að fullyrða slíkt um nokkurn mann. Hvað veit
maður um það sem gerist á bak við luktar dyr?
Ekkert. Og því borgar sig að fullyrða sem
minnst um slíkt. n
Hvenær þekkir maður mann?
Í dag, laugardag, er frumsýnt
glænýtt íslenskt barnaleikrit,
Umskiptingur, eftir Sigrúnu
Eldjárn. Verkið fjallar um
systkinin Sævar og Bellu og
ævintýri þeirra en það er
Katla Líf Drífu-Louisdóttir
sem stígur sín fyrstu skref í
atvinnuleikhúsi í hlutverki
Bellu.
bjork@frettabladid.is 
Í verkinu leikur Sigrún Eld-
járn sér á frumlegan hátt með
minnið um umskiptinga úr
gömlu þjóðsögum okkar með
fulltingi frumsaminnar tón-
listar Ragnhildar Gísladóttur.
Verkið sem valið var úr 150 verk-
um sem bárust Þjóðleikhúsinu þegar
kallað var eftir verkum fyrir börn,
fjallar um systkinin Sævar og Bellu
sem eru í berjamó. Einu sinni sem
oftar þarf Sævar að gæta litlu systur
sinnar en þegar tröllskessa með
óslökkvandi fegurðarþrá sér hana
ákveður hún að skipta á henni og
hinum stórgerða og uppátækjasama
syni sínum, tröllastráknum Steina.
Katla Líf Dr íf u-Louisdóttir,
tólf ára fer með hlutverk Bellu en
Katla er á þriðja ári í Borgarleik-
hússkólanum. „Ég tók mér frí í
vetur þangað til á næsta ári, út af
Umskiptingnum. Svo hef èg verið í
Söngleikjadeild í Dansskóla Birnu
Björns í nokkur ár og líka alls konar
öðrum námskeiðum,“ segir hún.
Ég er að bilast
Það kemur varla á óvart að leiklist,
söngur og dans eru helstu áhuga-
mál Kötlu sem segist þó einnig hafa
mikinn áhuga á ljósmyndun.
„Konan sem kennir mér í söng-
leikjadeild, hún Hreindís, bauð
okkur krökkunum í prufur og svo
voru líka aðrir krakkar, annars
staðar frá, í prufunum,“ segir Katla
aðspurð um hvernig hún hafi feng-
ið hlutverkið.
„Æfingaferlið hefur verið ótrú-
lega skemmtilegt,“ segir Katla með
áherslu. „En líka krefjandi. Þetta
er náttúrulega mikil reynsla og
algert ævintýri. Það er svo gaman
að vinna með svona jákvæðu, hæfi-
leikaríku og skemmtilegu fólki.“
Katla er augljóslega gríðarlega
spennt fyrir frumsýningunni í dag:
„Ég er að bilast! En er samt leið að
það verða ekki f leiri æfingar, á eftir
að sakna þeirra.“
„Ég verð að viðurkenna að ég er
alveg pínu stressuð, en ég veit að ég
er ekki ein í stressinu og við hjálp-
umst öll að með það.“
Gaman að vera í öðrum heimi
Katla segir skemmtilegt að leika í
leikhúsinu og heyra hlátur og sjá
fólk glatt og hamingjusamt. „Það
er það besta við að leika í leikhúsi,
að gleðja fólk,“ segir hún og bætir
við: „Og svo líka að hitta alla þessa
reynslubolta og að kynnast fullt af
fólki. Og fá að vera í öðrum heimi
sem er allt öðruvísi en mitt líf. Og ég
gæti haldið áfram í allan dag,“ segir
hún spennt.
Þegar hún er spurð hvað sé erf-
iðast við verkefnið viðurkennir
hún að það taki á að þurfa að læra
allan textann. „Það tekur mikla
þolinmæði.“ n
Mun sakna æfinganna
Katla Líf Drífu- Louisdóttir fer með hlutverk Bellu í verkinu Umskiptingur sem verður frumsýnt í dag. MYND/AÐSEND
Í verkinu leikur SIgrún sér með minnið um umskiptinga úr þjóðsögunum.
Ég verð að viðurkenna
að ég er alveg pínu
stressuð, en ég veit að
ég er ekki ein í stress-
inu og við hjálpumst
öll að með það.
24 Helgin 19. mars 2022 LAUGARDAGURFRÉTTABLAÐIÐHELGIN FRÉTTABLAÐIÐ 19. mars 2022 LAUGARDAGUR