Fréttablaðið - 23.04.2022, Qupperneq 10

Parket
Gríðarlegt úrval af viðarparketi ásamt vatnsþolnu harðparketi
og vínylparketi má finna í sýningarsal okkar á Dalvegi 10-14.
Komdu við og ræddu við sérfræðinga
Parka og fáðu faglega ráðgjöf
Dalvegi 10-14, 201 Kópavogi • 595 0570
Forkólfar bílasölunnar
Bensin laus.is sitja undir
ásökunum um óheiðarlega
viðskiptahætti, en jafnt við­
skiptavinir og fyrrverandi
starfsmenn bera þá þungum
sökum fyrir samningssvik.
ser@frettabladid.is
viðskipti Sölusamningurinn sem
framkvæmdastjóri Bensinlaus.is
gerði við Jóhannes Þór Jóhannes­
son, ellilífeyrisþega, um kaup á Ford
Mustang bifreið frá Bandaríkjunum
í upphafi ársins var handskrifaður.
Ekkert verksmiðjunúmer á bílnum
kom fram á samningnum, en þar
var hann skráður nýr, með ábyrgð
umboðsaðila á Íslandi, en hvorugt
reyndist rétt.
Forsíðufrétt blaðsins frá því í gær
um ásakanir fyrrverandi starfs­
manna bílasölunnar Bensinlaus.is
um að núverandi forkólfar hennar
seldu notaða raf bíla sem eru ekki
til, hefur vakið athygli, en þar var
rætt við Jóhannes Þór, sem hefur
hvorki séð tangur né tetur af tæp­
lega átta milljóna króna bíl sem
hann greiddi Ívari Mána Garðars­
syni, framkvæmdastjóra sölunnar í
tveimur greiðslum dagana 11. og 15.
janúar í byrjun árs.
Fjórir fyrrverandi starfsmenn
sölunnar gengu nýverið á dyr vegna
óbeitar á vinnubrögðum fram­
kvæmdastjórans, að eigin sögn, en
tveir þeirra hafa lýst því yfir að fram­
kvæmdastjórinn hafi ítrekað veifað
fölskum verksmiðjunúmerum bif­
reiða framan í grunlausa kaupendur
á borð við Jóhannes Þór, sem vita
enn ekki hvort þeir geti rift sölu­
samningnum og fengið greiðsluna
til baka, ellegar fengið bílinn í sínar
hendur. Málið er komið í hendur lög­
reglu.
Jóhannes Þór kveðst hafa selt íbúð
sína erlendis til að láta draum sinn
rætast á gamals aldri um að festa
kaup á draumabílnum. „Ég lifi það
sennilega af að tapa þessum tæp­
lega sjö milljónum króna, en ég vil
vekja athygli á svona sölumennsku
sem hefur ekkert með heiðarleika að
gera,“ segir hann í samtali við blaðið.
Lögmaður hans er með málið í
vinnslu, en síðustu viðbrögð sem
hann fékk frá framkvæmdastjóra
Bensinlaus.is vegna vanefnda
á af hendingu á Ford Mustang
draumabíl Jóhannesar Þórs, bárust
um miðjan febrúar, mánuði eftir
undirritun kaupsamningsins, en
þar stóð orðrétt í stuttum skila­
Seldi íbúð sína fyrir draumabílinn
sem aldrei hefur borist til landsins
„Skrautlegasta plagg“
Alvarlegar athugasemdir voru
gerðar við ársreikning Bensin-
laus.is fyrir árið 2020, af hálfu
löggilts endurskoðanda:
„Þetta er hið skrautlegasta
plagg. Félagið hefur selt bíla
fyrir 15,6 mkr. en keypt þá
fyrir 16.2 mkr., svo þeir eru
seldir undir kostnaðarverði.
Þá eiga þeir útistandandi
32,5 mkr. þó svo að ekki hafi
verið selt meira en þetta,
þ.e. helmingi meira en alla
sölu ársins. Gæti hugsast að
eitthvað af þessu séu í raun
birgðir (ókomnar í hús) með
tilliti til þeirrar fjárhæðar sem
þeir eiga eftir að afhenda
bíla fyrir sbr. hér að neðan.
Innborganir á óafhenta bíla
nema tæpum 39 mkr. 3,9 mkr.
vantar upp á að félagið eigi
fyrir skuldum skv. þessum
ársreikningi. Eigendur skulda
félaginu 575 þkr. sem bendir
til þess að hlutaféð hafi aldrei
verið innborgað.“
FÍB varaði við svikahröppum
Félag íslenskra bifreiðaeigenda hefur sent frá sér tilkynningu vegna
fréttar Fréttablaðsins um meint stórfelld svik bílasölunnar Bensin-
slaus.is og segir þar að ástæða sé til að rifja upp viðvörunarorð FÍB
þegar Alþingi breytti lögum um bílasölu 5. mars 2020.
„Með lagabreytingunni voru skilyrði um leyfisveitingu og starfs-
ábyrgðartryggingu fyrir sölu notaðra bíla felld niður. Fullyrt var að
önnur lög um neytendavernd veittu betri tryggingu. Fullyrt var að
við sölu notaðra bíla væri ekki um verulegar fjárhæðir að ræða.
FÍB og Bílgreinasambandið vöruðu Alþingi sterklega við afnámi
þessara skilyrða. Bent var á að kröfurnar hefðu skapað aðhald að
sölufyrirtækjunum og stuðlað að almennu trausti í viðskiptum
með notuð ökutæki. Þá væru skilyrðin síður en svo íþyngjandi fyrir
bílasölur. Bent var á að árleg velta í viðskiptum með notuð ökutæki
væri á bilinu 60-80 milljarðar króna og því um verulega fjárhagslega
hagsmuni að ræða.
Sérstaklega bentu FÍB og Bílgreinasambandið á að með brottfalli
þessara skilyrða væri opnað upp á gátt fyrir svikahrappa, líkt og
þekktist víða erlendis.“
Innflutningur á notuðum bílum frá Evrópu og Bandaríkjunum hefur aukist mikið á síðustu árum eftir að Alþingi
breytti lögum um bílasölu hér á landi. Fréttablaðið/anton brink
boðum: „Bíllinn er tilbúinn til inn­
flutnings. Því fyrr sem eftirstöðvar
eru greiddar, því fyrr kemst bíllinn
í flutningsferli.“ Rétt er að taka fram
að þá þegar var andvirði bílsins
fullgreitt, að sögn Jóhannesar Þórs.
Starfsmenn Eimskips hafa staðfest
að umræddur bíll hafi enn ekki skil­
að sér á hafnarbakkann í Ameríku,
sem bílasalan tilgreindi.
Framkvæmdastjóri Bensinslaus.
is hefur ekki svarað fyrirspurnum
eftir að þessi orðsending barst frá
honum. Hann hefur heldur ekki
svarað ítrekuðum símtölum Frétta­
blaðsins síðustu daga. n
olafur@frettabladid.is
ReykjavíkuRboRg Afkoma Reykja­
víkurborgar á síðasta ári var betri
en reiknað var með. Heildar­
rekstrartekjur A­ og B­hluta námu
202,6 milljörðum, sem er 7,4 millj­
örðum yfir áætlun.
Rekstrarstaða fyrir fjármagnsliði
var jákvæð um 20,8 milljarða, 11,9
milljörðum yfir áætlun.
Auknar rekstrartekjur, breytingar
hjá Félagsbústöðum og í raforku­
samningum Orkuveitunnar, skýra
hina bættu afkomu.
Heildareignir borgarinnar námu
790,6 milljörðum í árslok 2021 og
heildarskuldir og skuldbindingar
námu 407,3 milljörðum. Eigið fé
nam því 282,3 milljörðum og eigin­
fjárhlutfallið var 48,5 prósent um
áramót og hækkaði milli ára.
Tap upp á 3,8 milljarða varð á
rekstri A­hluta í fyrra. Þetta er 8,1
milljarði betri útkoma en áætlanir
gerðu ráð fyrir. Stafar það einkum af
hærri staðgreiðslu útsvars og betri
ávöxtun eigna lífeyrissjóðs starfs­
manna Reykjavíkurborgar. Launa­
kostnaður jókst hins vegar og má
að hluta rekja það til Covid aðgerða
í skólum og velferðarþjónustu og
kjarasamningshækkana.
Covid setti strik í reikninginn í
rekstri borgarinnar 2020 og 2021 en
tekjuöflun virðist vera að rétta hratt
úr kútnum nú þegar faraldurinn er
að mestu að baki. n
Afkoman reyndist
yfir væntingum
Tekjur borgarinnar voru mun hærri
en áætlað var. Fréttablaðið/StEFÁn
Tap upp á 3,8 milljarða
varð á rekstri A-hluta
í fyrra. Þetta er 8,1
milljarði betri útkoma
en áætlanir gerðu ráð
fyrir.
10 Fréttir 23. apríl 2022 LAUGARDAGURFréttablaðið