Fréttablaðið - 28.05.2022, Side 8

ÖRFÁ SÆTI
LAUS Í ÞESSA
VINSÆLU
FERÐ
ÍTALÍUÆVINTÝRI
SUMARFEGURÐ Í VERONA OG VIÐ GARDAVATN
Komdu með í einstaka, vikulanga ferð til einnar af
elstu borgum Evrópu, Verona verður heimsótt ásamt
þekktustu svæðum við Gardavatn.
Í þessari ferð komum við til með að skoða, smakka, njóta
og upplifa alls hins besta sem Ítölsk menning hefur
upp á að bjóða með Önnu Ólöfu sem heldur vel utan um
hópinn á meðan á ferðinni stendur.
Bjóðum upp á fjölda sérferða og pakkaferða til Ítalíu í
beinu flugi í sumar. Kíktu við á uu.is!
BEINT FLUG FRAM OG TIL BAKA,
INNRITAÐUR FARANGUR
OG HANDFARANGUR,
3* GISTING MEÐ HÁLFU FÆÐI,
VÍNSMÖKKUN,
SKOÐUNARFERÐIR,
ÍSLENSK FARARSTJÓRN,
AKSTUR TIL OG FRÁ FLUGVELLI
INNIFALIÐ Í VERÐI:
12. - 19. JÚNÍ
VERÐ FRÁ 285.900 KR.
Á MANN M.V. 2 FULLORÐNA
Anna Ólöf Sveinbjörnsdóttir
fararstjóri
Vistmenn á Grund upplifa
sumir vanlíðan vegna tölvu-
pósta frá forstjóra heimilisins
sem stundum varða hags-
muni þeirra og aðstandenda.
Sumir póstanna persónulegir
og pólitískir. Hægt er að eyða
póstunum, segir forstjórinn.
bth@frettabladid.is
SAMFÉLAG Gísli Páll Pálsson, for-
stjóri Grundarheimilanna sem
einnig titlar sig sem smala í síma-
skránni, hefur ítrekað valdið
undrun og hneykslun hjá hluta
aðstandenda vistmanna á öldrunar-
heimilum  tölvupóstum. Þetta stað-
hæfir aðstandandi vistmanns. Gísli
ætlar ekki að breyta neinu.
Fréttablaðið hefur afrit af tölvu-
póstum Gísla. Oft er fjallað um
pólitísk mál og deilt á ríkið þannig
að ekki blasir við að eigi erindi við
aðstandendur vistmanna.
Fyrsta apríl í vor skrifaði Gísli um
rekstur hjúkrunarheimila til næstu
þriggja ára. Um skipan nefndar um
húsnæðismál skrifar hann:
„Þetta er í raun óþolandi en þegar
viðsemjandinn er bara einn þá
getur maður því miður ekki annað
en kyngt þessu svona. Það er eitt-
hvað bogið við það, að það þurfi
að ræða sérstaklega í nefnd hvort
og þá hversu mikið eigi að greiða
fyrir notkun á húsnæði hjúkrunar-
heimila landsins, sem við leggjum
ríkinu til við rekstur öldrunarþjón-
ustunnar. Af hverju ræðum við ekki
þá sérstaklega hvort og þá hversu
mikið eigi að greiða fyrir þann mat
sem við veitum okkar heimilis-
mönnum? Eða lyf?“
Annar póstur sem vakið hefur
spurningar er sá sem Gísli skrifaði
að loknum nýliðnum sveitarstjórn-
arkosningum. Þar kemur fram að
D-listinn í Hveragerði hafi tapað
helmingi bæjarfulltrúa og hreinum
meirihluta síðastliðinna 16 ára.
„Fengum tvo af sjö. Eins og síðast-
liðnar fimm kosningabaráttur, frá
árinu 2002, var ég kosningastjóri
þessa flotta fólks nú í vor sem bauð
fram krafta sína til að stýra bænum.
Á sunnudeginum var ég aðeins
beygður.“
Sonur foreldris á Grund segist
ítrekað hafa orðið miður sín vegna
póstanna. Sérstaklega er tíundað sé
hve stjórnvöld standi sig illa. Það veki
áhyggjur um velferð vistmanna.
Sonurinn segir að foreldri hans
borgi tæpa hálfa milljón á mánuði
fyrir herbergi. Örþreytt starfsfólk
starfi langt umfram skyldur.
„Svo skreytir Gísli sjálfur elliheim-
ilin með myndum af safaríferðum
hans sjálfs í Afríku,“ segir sonurinn.
Gísli kannast við að nokkrir hafi
beðið um að vera teknir út af lista
viðtakenda tölvupóstanna. Hann
segir kvartanir þó fremur fátíðar.
„Þetta eru mínar pælingar
almennt og ekki allt í póstunum sem
tengist öldrunarþjónustu. Ef fólki
líka ekki póstarnir á það bara ekki
að lesa þá eða eyða þeim,“ segir Gísli.
Eigi að síður má skilja af orðum
aðstandenda að stundum eigi póst-
arnir erindi við aðstandendur sem
flækir málið nokkuð.
„Ég skil sjónarmið fólksins, en ég
ætla ekki að hætta að skrifa þessa
pistla,“ segir Gísli sem kveður viðtak-
endur vera starfsfólk, aðstandendur
og vini og kunningja
„Ég er fyrst og fremst að reyna að
vera persónulegur forstjóri, segir
Gísli,“ sem veitir þremur Grundar-
heimilum forstöðu. n
Póstar forstjórans valda usla á Grund
Gísli Páll Pálsson mun ekki bregðast við óánægju með pósta. FRÉTTABLAÐIÐ/GVA
Ég er fyrst og fremst að
reyna að vera persónu-
legur forstjóri.
Gísli Páll Pálsson, forstjóri
tveggja Grundarheimila í
Reykjavík og eins í Hveragerði
ser@frettabladid.is
SKIPULAGSMÁL Deiliskipulag fyrir
nýja íbúðabyggð á Heklureitnum
við Laugaveg í Reykjavík hefur verið
samþykkt og er ráðgert að samtals
436 íbúðir verði reistar á svæðinu
ásamt verslun og þjónustu.
Nýja byggðin státar af tveggja til
sjö hæða húsum, með möguleika
á áttundu hæðinni á horni Lauga-
vegar og Nóatúns.
Í tilkynningu frá borginni segir
að byggðin verði mótuð með tilliti
til landslags, sólargangs og veður-
fars, en hæst muni hún rísa til norð-
urs við Laugaveg og lægst til suðurs
við Brautarholt.
Segir þar enn fremur að „bygg-
ingarnar skulu vera stallaðar með
ríku tilliti til sólarátta og byggð
skipulögð þannig að miðlægur inn-
garður sé í góðu skjóli fyrir veðri og
vindum við allar byggingar.“
Heildarf latarmál bygginganna
verður yfir 44 þúsund fermetrar,
þar af ríflega tvö þúsund fermetrar
nýttir undir verslanir og þjónustu.
Í tilkynningunni segir einnig að
staðsetning skipulagssvæðisins við
samgönguás fyrirhugaðrar Borgar-
línu, nálægð við miðborgina og
stór atvinnusvæði ásamt blandaðri
byggð, sé líkleg til að draga úr notk-
un einkabíla og styðja við notkun
almenningssamgangna. n
Á fimmta hundrað íbúðir verða byggðar á Heklureitnum
Svona sjá Yrki arkitektar fyrir sér byggð á Heklureitnum. MYND/YRKI ARKITEKTAR
bth@frettabladid.is
STJÓRNSKIPUN Félag íslenskra
náttúrufræðinga (FÍN) hefur ritað
Mannréttindadómstól Evrópu
(MDE) kæru vegna skipunar Félags-
dóms, sem stéttarfélagið telur að
brjóti í bága við ákvæði mannrétt-
indasáttmála Evrópu.
FÍN telur að það fyrirkomulag í
íslenskum lögum að Hæstiréttur
tilnefni meirihluta dómara Félags-
dóms feli í sér brot á reglu mann-
réttindasáttmálans sem ætlað er
að tryggja sjálfstæðan, óháðan og
óvilhallan dómstól.
Kæran byggist á því að FÍN og
félagsmaður þess hafi í dómsmáli,
sem rekið var fyrir Félagsdómi
nýverið, ekki hlotið réttláta máls-
meðferð fyrir dómstólnum, líkt og
lögfest er með mannréttindasátt-
mála Evrópu.
Dómsmálið sækir FÍN gegn
íslenska ríkinu. Bent er á að sam-
kvæmt lögum séu þrír af f imm
dómurum Félagsdóms skipaðir
samkvæmt tilnefningu Hæstarétt-
ar.
Vísað er til þess í kærunni að
GRECO, alþjóðleg spillingarnefnd,
hafi haft uppi efasemdir um skip-
unarferlið í skýrslu sem gefin var út
í mars árið 2013. n
Náttúrufræðingar kæra
skipun Félagsdóms
thorgrimur@frettabladid.is
KANADA Hæstirétt u r Kanada
dæmdi í gær einróma að ekki megi
halda sakfelldum manni í fangelsi
lengur en í 25 ár án möguleika á
skilorði. Um var að ræða mál Alex-
andre Bissonnette, sem var dæmdur
í ævilangt fangelsi eftir að hann
skaut sex manns til bana í mosku í
Québecborg árið 2017.
„Alvarleiki glæpsins getur ekki
bifað þeirri grundvallarafstöðu
okkar að allar mannverur hafi getu
til að bæta ráð sitt,“ skrifaði Richard
Wagner, forseti Hæstaréttarins, í
dómsorðinu. Saksóknarar höfðu
farið fram á að Bissonnette fengi
ekki möguleika á skilorði fyrr en
eftir 50 ár en Hæstiréttur taldi slíka
refsingu ekki standast stjórnarskrá
landsins. n
Milda dóm yfir
hryðjuverkamanni
Minningarathöfn fyrir fórnalömb
hryðjuverkaárásarinnar 2017.
MYND/EPA
Í sal Mannéttindadómstóls Evrópu í janúar á þessu ári. FRÉTTABLAÐIÐ/EPA
8 Fréttir 28. maí 2022 LAUGARDAGURFRÉTTABLAÐIÐ