Iðjuþjálfinn - 2021, Page 6

1. tölublað 20216
Á döfinni
Alþjóðlegur dagur iðjuþjálfunar er haldinn 27. október ár hvert.
Að þessu sinni var yfirskriftin: „Belong. Be you.“ eða „Vertu með.
Vertu þú.“ eins og það útleggst á íslensku. Iðjuþjálfar á heims vísu
vilja með því vekja athygli á þeim krafti sem býr í fjölbreytileika
og inngildingu (inclusion) þar sem iðjuþjálfar vinna saman
að því að byggja upp samfélag og seiglu. Þetta er sérlega
mikilvægt á tímum ýmis konar hindrana og mótlætis eins og
COVID hefur sýnt okkur. Iðjuþjálfar voru hvattir til að vekja
athygli á faginu og störfum iðjuþjálfa á sínum vinnustöðum í
tilefni alþjóðlega dagsins. Líkt og venja er þá blés fræðslunefnd
IÞÍ til málþings sem var ætlað iðjuþjálfum og öðru áhugasömu
fólki. Dagskráin var sérlega áhugaverð og spannaði fjölbreytt
viðfangsefni iðjuþjálfunar. Málþingið var blanda af stað- og
fjarfundi og yfir hundrað þátttakendur mættir til leiks ýmist á
skjá eða í sal.
Ég vil í lokin þakka ykkur félagsfólki fyrir framlag ykkar til
iðjuþjálfunarfagsins í smáu og stóru og megi veturinn verða
gæfuríkur og gefandi.
Kær kveðja Þóra
Of þung og ranglega stillt skólataska:
• Finnur barnið þitt fyrir verkjum í baki eða öxlum?
• Að bera of þunga tösku eða að nota hana á rangan
hátt getur valdið álagseinkennum eins og bakverk,
höfuðverk og vöðvabólgu.
• Í öxlum og hálsi eru margar æðar og taugar. Of
mikill þrýstingur getur það valdið sársauka og dofa í
hálsi, handleggjum og höndum.
• Að bera skólatöskuna á annarri öxlinni leiðir til þess
að hryggsúlan sveigist. Slíkt getur valdið sársauka
eða óþægindum.
Að stilla skólatöskuna:
• Ávallt skal nota báðar axlarólarnar og
stilla þær þannig að taskan liggi þétt
við bak barnsins, en án þess að valda
óþægindum.
• Notið mittisólina ef hún er fyrir hendi,
þannig dreifist þunginn jafnt á líkamann.
• Neðsti hluti töskunnar á að hvíla við
mjóbakið og ekki ná lengra en 10 cm
niður fyrir mitti.
Að raða í skólatöskuna:
• Setjið þyngstu hlutina sem næst baki barnsins.
• Raðið þannig í töskuna að hlutirnir séu stöðugir
og renni ekki til.
• Farið daglega yfir það sem barnið á að hafa
í skólatöskunni, það á einungis að bera það
nauðsynlegasta.
• Setjið sund- og íþróttaföt ofan í skólatöskuna
í stað þess að hengja íþróttapoka yfir hana.
• Þá daga sem skólataskan er yfirhlaðin getur
barnið til dæmis borið bækur eða íþróttatösku
í fanginu – það minnkar álag á bakið.
• Mikilvægt er að foreldrar aðstoði börn sín við
að raða í skólatöskuna og stilla hana rétt til að
forðast álagseinkenni og verki.
Að velja réttu skólatöskuna:
• Taskan þarf að hafa nægt pláss fyrir
nauðsynleg skólagögn og vera í réttri
stærð miðað við bak barnsins.
• Skólataskan á ekki að vera breiðari en
efra bak barnsins og ekki ná niður fyrir
mjóbak. Þannig hindrar hún ekki eðlilegar
hreyfingar.
• Axlarólar þurfa að vera vel bólstraðar og
með smellu yfir bringuna. Það er kostur að
hafa mittisól.
• Barnið ætti ekki að bera skólatösku sem
vegur meira en 10% af líkamsþyngd þess.
Ef barn er 30 kg á taskan ekki að vera
þyngri en þrjú kg.
Iðjuþjálfafélag Íslands
Borgartúni 6
105 Reykjavík
idjuthjalfafelag@bhm.is
www.ii.is
Þessi bæklingur var styrktur af Lýðheilsusjóði