Skessuhorn - 05.01.2022, Page 17

MIÐVIKUDAGUR 5. JANÚAR 2022 17
Íslandsstofa og markaðsstofur
landshlutanna hafa skrifað und-
ir samninga um samvinnu við er-
lenda markaðssetningu á Íslandi
sem áfangastaðar. Íslandsstofa og
Markaðsstofurnar hafa unnið náið
saman um árabil en nú hefur sam-
starfið verið formgert í samræmi
við skilgreint hlutverk nýrra áfanga-
staðastofa sem markaðsstofurnar
sinna í sínum landshlutum. Samn-
ingurinn er til þriggja ára frá 2021
til og með 2023.
„Markaðssetning á áfanga-
staðnum Íslandi er samvinnuverk-
efni,“ segir Pétur Óskarsson, fram-
kvæmdastjóri Íslandsstofu. „Ísland
hefur undanfarin ár markað sér
stöðu sem þekktur áfangastaður en
það hefur ekki gerst af sjálfu sér og
við erum í stöðugri samkeppni við
aðra áfangastaði. Árið um kring
vinnur fjöldi fólks að því að vekja
athygli á Íslandi til að skapa við-
skiptatækifæri fyrir íslensk fyrirtæki
í ferðaþjónustu og tengdum grein-
um í öllum landshlutum. Við erum
lítil í stóra samhenginu en með því
að leggja saman krafta okkar náum
við slagkrafti og þessir samningar
eru liður í að efla gott samstarf.“
Unnið er eftir stefnumótun
stjórnvalda um að tryggja sjálfbær-
an vöxt ferðaþjónustu um allt land í
krafti gæða og fagmennsku og að Ís-
land verði leiðandi í sjálfbærri þró-
un árið 2030. Meðal verkefna eru
upplýsingamiðlun, samskipti við
fjölmiðla og áhrifavalda, ráðgjöf um
efni á vef og markaðsverkefni, upp-
bygging á sameiginlegum mynda-
banka og fleira.
Slagkrafturinn aukinn
„Markaðsstofur landshlutanna
hafa unnið í þéttu samstarfi við Ís-
landsstofu síðastliðin ár með áherslu
á erlenda markaðssetningu,“ seg-
ir Margrét Björk hjá Markaðsstofu
Vesturlands. „Með því að formgera
samstarfið og setja fjármagn í verk-
efnin verður slagkrafturinn aukinn
til muna. Það er því mikið fagnaðar-
efni að stíga þetta skref og hlökkum
við á Markaðsstofunum til að vinna
áfram saman með Íslandsstofu að
markaðssókn fyrir landið allt,“ segir
Margrét Björk.
Í tengslum við samningana heim-
sóttu fulltrúar Íslandsstofu alla
landshlutana til að hitta hagsmuna-
aðila og kynna sér starfsemi og
stöðu ferðaþjónustunnar. Markaðs-
stofurnar stilltu upp dagskrá og sáu
um leiðsögn um sína landshluta.
Íslandsstofa er samstarfsvett-
vangur atvinnulífs, hagsmunasam-
taka, stofnana og stjórnvalda um
stefnu og aðgerðir til þess að auka
útflutningstekjur og hagvöxt. Með-
al hlutverka Íslandsstofu er að leiða
og hafa yfirsýn yfir ímyndar-, kynn-
ingar- og markaðsstarf fyrir Ís-
land sem áfangastað; sinna grein-
ingarvinnu og miðlun gagna; efla
og viðhalda viðskiptatengslum á
erlendum mörkuðum; og vera gátt
að Íslandi sem áfangastað. Mark-
aðsstofur landshlutanna sinna álíka
hlutverki hver fyrir sinn landshluta.
Þar er skilgreind sérstaða og áhersl-
ur í innviðauppbyggingu og mark-
aðsmálum fyrir hvert svæði og sett
fram í áfangastaðaáætlun. Markaðs-
stofurnar gegna því mikilvæga hlut-
verki við að miðla upplýsingum og
markaðsefni frá sínu svæði til Ís-
landsstofu og veita ráðgjöf ásamt
því að taka þátt í ýmsum markaðs-
verkefnum á grundvelli þessa samn-
ings. mm
Samstarf Íslandsstofu og markaðsstofanna
Þessi mynd var tekin á Hótel Varmalandi í heimsókn Íslandsstofu í sumar þegar farin var vettvangsferð um Vesturland.
Valdi praktíska
íþróttagrein
Eftir frjálsu íþróttirnar tók Krist-
ín sér alfarið pásu frá íþróttum í
fimmtán ár, en á þeim tíma gekk
hún menntaveginn, bjó í Dan-
mörku, kom heim, fór að starfa
sem dýralæknir og stofnaði fjöl-
skyldu. „Strákarnir okkar eru tveir.
Sá yngri fæðist 2018. Í ljós kom að
hann fæddist með stökkbreytt gen,
litningagalla sem hefur í för með sér
fötlun og þroskaskerðingu. Upp-
eldi á barni með fötlun fylgir tals-
vert álag og streita á fjölskylduna
og má segja að til að bæta líðanina
hafi ég farið að leita að íþróttagrein
sem gæti hentað mér til að fá lík-
amlega útrás en bæta um leið and-
legu hliðina. Ég vildi finna mér ein-
hverja keppnisíþrótt sem gæti hent-
að. Þetta var snemma árs 2019, eða
fyrir tæpum þremur árum og ég þá
orðin 35 ára. Ég var náttúrulega
ekki lengur jafn snögg og létt á mér
og því hentuðu frjálsar íþróttir mér
ekki. Skrifaði því á blað nokkrar
íþróttagreinar sem kæmu til greina.
Ég hafði prófað að æfa crossfit,
kynnst lyftingum og fann að ég
hafði styrk umfram meðal konu.
Því valdi ég að byrja að æfa klass-
ískar kraftlyftingar,“ segir Kristín.
Í klassískum kraftlyftingum má
einungis nota stuðningsbúnað, en
ekki annan búnað. Klassískt lyft-
ingafólk nýtir því eigin styrk, eða
„lyftir á kjötinu“ eins og stundum
er sagt. Kristín byrjaði að æfa lyft-
ingar í mars 2019, kom sér upp æf-
ingaaðstöðu heima á Laugalandi,
og fyrsta mótið hennar var svo strax
í apríl sama ár. „Ég fór að æfa með
Kraftlyftingafélagi Akraness enda
var það félag næst mér. Ég stefndi
strax á að taka þátt á byrjendamóti
og hef raunar verið að bæta mig
allar götur síðan. Það er reyndar
vaninn hjá þeim sem eru að byrja í
nýrri íþróttagrein, bætingin er mest
fyrst. Ég æfi og keppi í mínus 84
kílógramma flokki og er nú önnur
á heimslista í þeim þyngdarflokki,“
segir Kristín.
Í þjálfun hjá
þeirri fremstu
Alþjóðleg mót hafa riðlast undan-
farin misseri vegna Covid-19 en á
þessu ári tók Kristín engu að síður
þátt í fjórum stórum mótum; RIG,
Íslandsmeistaramótinu, HM í Sví-
þjóð í október og loks EM í Svíþjóð
í byrjun desember. Hún var stiga-
hæsti keppandi mótanna hér heima.
„Á HM í október var ég aldursfor-
setinn í mínum aldurshópi, en samt
með stysta ferilinn. Þar náði ég
tveimur eða þremur Evrópumet-
um, sem jafnharðan voru svo slegin
af rússneskri lyftingakonu. Engu
að síður hreppti ég bronsverðlaun
á mótinu í hnébeygju og í saman-
lögðu. Það stefndi svo í að ég og
sú rússneska hittumst á EM í des-
ember en sú rússneska meiddist
og tók því ekki þátt og nú stefnir
hún þar að auki á að fara niður um
þyngdarflokk. Efst á heimslistanum
er hins vegar bandaríska lyftinga-
konan Amanda Lawrence. Hún
hefur rosalega yfirburði í þessum
þyngdarflokki, „best over all,“ sú
stigahæsta frá upphafi. Ég er svo
heppin að hafa fengið hana í janú-
ar 2020 sem þjálfarann minn. Hún
sendir mér prógrömm til að fara
eftir, ég sendi henni myndbönd af
lyftingunum mínum til baka og svo
ræðum við saman. Samstarfið við
hana hefur hjálpað mér mikið í æf-
ingum og keppnum.“
Næsta ár verður
spennandi
Það var svo á EM í Svíþjóð í byrj-
un desember sem Kristín kom, sá
og sigraði; náði gulli í öllum sínum
keppnisgreinum, þ.e. hnébeygju,
bekkpressu og réttstöðulyftu; 560
kílóum í samanlögðu. „Þetta var al-
veg draumamót hjá mér og náði þar
öllum mínum markmiðum,“ seg-
ir Kristín stolt. Hún segir að þessi
stífa mótadagskrá á nýliðnu ári og
einkum í haust hafi tekið sinn toll
og því hafi hún afþakkað boð um
þátttöku í RIG nú í endaðan janú-
ar. „Ég stefni núna á Íslandsmótið
í mars og næsta HM sem verð-
ur í júní. EM verður svo í desem-
ber. Undirbúningur fyrir svona stór
mót krefst þess að maður haldi al-
veg svakalegum fókus. Eftir þessa
törn í haust ákvað ég að slaka að-
eins á, en er þó hvergi nærri hætt.
Næsta ár verður spennandi,“ segir
Kristín Þórhallsdóttir Vestlending-
ur ársins að endingu.
mmKristín með Friðþjófsbikarinn sem Íþróttamaður Akraness 2020.
Kristín í 100 m hlaupi á Landsmóti
UMFÍ í Borgarnesi 1997, þá 13
ára gömul. Á mótinu vann hún til
silfurverðlauna í flokki fullorðinna.
Hún á enn þann dag í dag héraðsmet í
langstökki og 100 m hlaupi.
Kristín barnung hlaðin verðlaunapen-
ingum á Héraðsmóti UMSB sem haldið
var í Borgarnesi.