Skessuhorn - 02.02.2022, Síða 26

MIÐVIKUDAGUR 2. FEBRÚAR 202226
Í dag 2. febrúar er Alþjóðlegi dagur
votlendis en þann dag árið 1971 var
Ramsarsamningur, samningur um
verndun votlendis, undirritaður.
Endurheimt votlendis er viður­
kennd aðferð hjá Loftslagsráði
sameinuðu þjóðanna (IPCC) í bar­
áttunni við loftslagsbreytingarn­
ar. Alþjóðleg viðmið um losun
hvers hektara sem IPCC hefur gef­
ið út eru 19,5 tonn. Um nokkurra
ára skeið hefur vísindafólk Land­
græðslunnar unnið að rannsókn­
um að meðallosun íslenskra mýra.
Mælt er á fjórum mismunandi stöð­
um á landinu og til þessa hafa mæl­
ingarnar gefið til kynna að með­
altalið sé nokkuð svipað og þegar
kemur að losun íslenskra mýra.
Endurheimt votlendis er ein­
föld og hraðvirk leið í baráttunni
við loftslagsbreytingarnar, og um
leið endurheimt vistkerfa og styð­
ur við náttúrulega fjölbreytileika.
Vert er að taka fram að stöðvun los­
unar koldíoxíðs er að ræða en ekki
bindingu.
Árið 2019 stöðvaði sjóðurinn los­
un 1.404 tonn af koldíoxíð en upp­
reiknað til þriggja ára eru það 4.212
tonn. Árið 2020 stöðvaði sjóður­
inn 2.636 tonn en uppreiknað til
tveggja ára eru það 5.265 tonn.
Samtals til dagsins í dag eru þetta
9.477 tonn sem samsvara losun
4.738 nýrra fólksbíla á sama tíma.
Þess utan lauk sjóðurinn við endur­
heimt í Fífustaðadal í haust, svæði
sem telur um 70 hektara.
Landgræðslan metur og mæl­
ir forsendur allra endurheimtar­
verkefna Votlendissjóðs. Að lok­
inni framkvæmd er verkið mælt
og metið að nýju. Ef verkið hef­
ur heppnast til fulls færir Land­
græðslan það í samantektartölur
landsins um stöðvun losunar frá
framræstu votlendi.
Votlendissjóður býður öllum
landeigendum til samstarfs um
framkvæmd endurheimtar á svæð­
um í þeirra eigu. Undir slíkum
samningi tryggir landeigandinn að
endurheimtin verði unnin af fagað­
ilum og undir eftirliti og mælingum
Landgræðslunnar.
Á átta ára samningstíma greiðir
Votlendissjóðurinn fyrir alla vinnu
við undirbúning og framkvæmd
endurheimtarinnar. Á samnings­
tímanum er ábati aðgerðanna, þ.e.
kolefniseiningarnar eign sjóðsins
og selur sjóðurinn þær til að fjár­
magna aðgerðina. Að samningstím­
anum loknum eru einingarnar eign
landeigandans.
Kynntu þér starfið okkar hjá
Votlendissjóði á www.votlendi.is
og sjáðu sóknarfærin sem liggja allt
í kringum okkur í loftslagsbarátt­
unni.
Einar Bárðarson
Höf. er framkvæmdastjóri
Votlendissjóðs
Vonin í votlendinu
Pennagrein
Þann 14. maí nk. verður kosið til
sveitastjórna í landinu. Í dag eru
nærri 70 sveitarfélög í landinu og
stjórnsýsla sveitarfélaga er mikil­
væg í lýðræðislegri ákvörðun um
grunnþjónustu í því samfélagi sem
stendur öllum íbúum landsins næst
þar sem sveitarfélögin eru grund­
vallareining í stjórnskipan lands­
ins. Það er því gríðarlega mikilvægt
hverju sveitarfélagi að sveitarstjórn­
in endurspegli sem best íbúasam­
setningu þess.
Í núgildandi byggðaáætlun kem­
ur fram mikilvægi þess að auka þátt­
töku kvenna í sveitastjórnum og það
þurfi að hvetja konur til þátttöku í
stjórnum í nærsamfélaginu og í að­
gerðaráætlun með byggðaáætlun
er lögð áhersla á þennan þátt með
því að fara í fræðslu­ og auglýsinga­
herferð með þetta að markmiði.
Eftir síðustu sveitastjórnarkosn­
ingar var ásættanleg niðurstaða því
að 47% sveitastjórnarfólks voru
konur og hefur það aldrei ver­
ið hærra. Það er brýnt að viðhalda
þeirri skiptingu í komandi kosning­
um.
Listar endur-
spegli fjöl-
breytni
Kvenréttindafélag Ís­
lands, Innviðaráðu­
neytið, Fjölmenn­
ingasetrið og Samband íslenskra
sveitarfélaga hafa hrint af stað
framtaki sem kallað er Játak. Já­
tak vekur athygli íbúa sveitarfélaga
og þeim sem fara í forsvari til þess
að huga að fjölbreytni og að standa
vörð um rétt allra kynja og að kom­
andi listar til framboðs í komandi
sveitarfélögum spanni litróf mann­
lífsins í viðkomandi sveitarfélagi.
Einnig þarf að huga að dreifingu
fulltrúa í fjölkjarnasveitarfélögum.
Við erum svo heppin að mannlíf­
ið er fjölbreytt um allt land, til þess
að nýta þann kraft og sköpunar­
gleði sem felst í því þarf það að skila
sér að ákvarðanatöku í stjórnsýslu
sveitarfélagsins. Ef þess er ekki gætt
fer fljótt að gæta togstreitu á milli
mismunandi skoðana og hætt er á
að samkeppnisstaða samfélagsins
verði ekki eins kröftug og þarf. Það
er jú vilji allra sveitarfélaga að fólk
vilji, geti og þrífist í samfélaginu.
Af hverju að taka þátt?
Viltu hafa áhrif á samfélagið þitt?
Hefur þú hugmyndir og sýn sem
varða uppbyggingu og tækifæri
sveitarfélagsins? Að taka þátt í
sveitastjórnum og nefndum eru
vettvangurinn til þess. Það fylgir
því mikil ábyrgð að taka þátt í
stjórnmálum, en það getur líka
verið ótrúlega gaman. Ef þú hef­
ur áhuga þá hvetjum við þig til að
íhuga framboð. Ef þú situr í upp­
stillinganefnd eða munt kjósa í
prófkjöri þá hvetjum við þig til að
huga að fjölbreytni á lista.
Halla Signý Kristjánsdóttir og Lilja
Rannveig Sigurgeirsdóttir
Höf. eru tveir af þremur þing-
mönnum Framsóknar í NV
Fjölbreytni
í sveitarstjórnum
Umhverfisstofnun hefur
unnið tillögu að starfsleyfi
fyrir Veiðifélag Ytri­Rangár.
Um er að ræða landeldi
á laxfiskum að Húsafelli í
Hálsasveit þar sem hámarks
lífmassi á hverjum tíma má
ekki fara yfir 40 tonn. Veiði­
félag Ytri­Rangár hefur ver­
ið með leyfi til framleiðslu á
300.000 seiðum allt að 40g á
sama stað. Þetta kemur fram
á vefsíðu Borgarbyggðar.
Fyrirspurn var send til
Skipulagsstofnunar vegna
matsskyldu framkvæmdar­
innar og birti stofnunin ákvörðun
sína 28. september 2021 um að
hún þyrfti ekki að fara í mat á um­
hverfisáhrifum. Umhverfisstofn­
un veitti umsögn í því ferli og ger­
ir ekki athugasemdir við þá niður­
stöðu.
Að mati Umhverfisstofnun­
ar munu helstu áhrif vera í formi
aukins magns næringarefna bæði
á föstu formi og uppleystu
sem munu verða losuð í
viðtakann. Áætluð losun
næringarefna verður undir
þeim mörkum sem almennt
er miðað við varðandi los­
un í ferskvatn. Fráveitunni
er veitt í settjörn sem gróf­
hreinsar vökvann áður en
honum er veitt í viðtaka.
Hægt er að endurskoða fyr­
irkomulag fráveitu og gera
auknar kröfur bendi mæl­
ingar til að hreinsun fráveitu
sé ábótavant samkvæmt
mælingum. Athugasemdir
við starfsleyfistillöguna skulu vera
skriflegar og sendar Umhverfis­
stofnun. Frestur til að skila inn
athugasemdum er til og með 28.
febrúar 2022. vaks
Tillaga hefur verið unnin að starfsleyfi fyrir Veiðifélag
Ytri-Rangár. Ljósm. mm
Umhverfisstofnun auglýsir tillögu að
starfsleyfi fiskeldis
Pennagrein
Þær ánægjulegu fréttir bárust fyr­
ir stuttu að Sundabraut er á áætlun
og allt stefnir í að hún verði opn­
uð eftir aðeins níu ár. Auk Sunda­
brautar er nú unnið að lagfæringu
og tvöföldun Vesturlandsvegar frá
Reykjavík alla leið upp í Borgarnes.
Þessi langþráða samgöngubót
mun opna á ný tækifæri til vaxt­
ar í sveitarfélaginu hvort sem snýr
að búsetu eða tækifærum tengdum
atvinnulífinu. Með styttingu vegar,
bættum samgöngum og betra um­
ferðaröryggi geta skapast tækifæri
af þeirri stærðargráður sem við
sáum síðast í kringum árið 1980
þegar Borgarfjarðarbrúin var opn­
uð. Tilkoma Hvalfjarðarganganna
breytti miklu fyrir svæðið, tækifæri
aukast með hverri samgöngubót.
Að þessu tilefni er morgunljóst
að í stærsta þéttbýliskjarna sveitar­
félagsins, Borgarnesi, er nauðsyn­
legt að fara í stórátak í skipulögð­
um undirbúningi fyrir þau tíma­
mót sem verða þegar Sundabraut
verður opnuð. Ávinningurinn af
slíku átaki mun skila sér til allra
íbúa sveitarfélagsins óháð búsetu.
Lóðir og skipulag
Eitt af allra brýnustu verkefn­
um sem þarf að ráðast í strax eru
skipulagsmál. Eins og staðan er í
dag er mikil vinna fyrir höndum,
fáar lóðir eru til úthlutunar og ekki
liggur fyrir hvert framtíðarsvæði
íbúðabyggðar eða atvinnustarfsemi
verður. Skipulagsvinna er tíma­
frek og því mjög brýnt að vinna
við framtíðarskipulag sé ekki sett á
bið og ekki dregið úr fjármagni til
verk efna er lúta að þessum málum.
Hér þarf að bretta upp ermarnar.
Skipulagsmál hvers sveitarfélags
endurspegla væntingar og er vitn­
isburður um trú okkar á tækifæri
svæðisins til vaxtar. Þetta er jafn­
framt ein grundvallarforsenda fyr­
ir því að fyrirtæki og íbúar líti já­
kvæðum augum til fjárfestingar í
sveitarfélaginu.
Umboðsmaður fyrir-
tækja- og atvinnuupp-
byggingar
Skipa þarf sérstakan umboðsmann
innan stjórnsýslunnar sem hefur
það hlutverk að taka að sér ver­
kefni sem snúa að atvinnuupp­
byggingu í sveitarfélaginu. Tíma­
bært er að þetta viðfangsefni sé
nú tekið traustum tökum til að
tryggja að öll tengsl, samskipti,
ferlar og aðstoð við fyrirtækja­
eigendur gangi greiðlega fyr­
ir sig. Þá er mikilvægt í tengsl­
um við slíka ákvörðun að hug­
að sé að fasteignagjöld á atvinnu­
starfsemi og nauðsynlegir innviðir
séu samkeppnishæfir og aðlaðandi.
Vinna þarf markvisst að því kynna
fyrirtækjum í léttum iðnaði, fram­
leiðslu, þjónustu o.fl. þá kosti sem
fylgja því að færa starfsemi sína í
Borgarbyggð. Fleiri fyrirtæki skila
ekki einungis beinum og óbeinum
tekjum til sveitarfélagsins, þeim
fylgir starfsfólk sem gæti séð þann
kost vænlegastan að setjast að í
Borgarbyggð.
Skipulagsáætlun höfuðborgar­
innar skapar tækifæri fyrir ná­
grannasveitarfélögin þegar kemur
að því að sækja fyrirtæki sem þurfa
að hörfa vegna skipulagsmála og
kostnaðar við uppbyggingu á höf­
uðborgarsvæðin.
Íbúar og lífsgæði
Fjölgun íbúa er þekktur ávinning­
ur af bættum samgöngum. En af
hverju ætti fólk að velja Borgar­
byggð? Ef fjölskyldur og einstak­
lingar eiga að líta til sveitarfélags­
ins sem búsetukost er mikilvægt að
huga að þeim þáttum sem skipta
máli og lúta að helstu lífsgæðum.
Starfsemi leik­ og grunnskóla er
mjög góð í sveitarfélaginu og kann­
anir síðustu ára hafa sýnt að íbúar
eru ánægðir. Mikilvægt er að nægt
pláss sé til staðar í grunn­ og leik­
skólum í Borgarnesi ásamt því að
aðstaða til fjölbreyttra tómstunda
sé í boði fyrir börn og unglinga.
Til þess að við séum samkeppn­
ishæf við önnur sveitarfélög verður
aðstaða til íþrótta­ og tómstunda
fyrir fólk á öllum aldri að vera góð.
Þar höfum við verk að vinna. Mik­
ilvægt er unnið sé heildstætt að
uppbyggingu á íþróttamannvirkj­
um til lengri tíma. Nýtt íþróttahús
á núverandi stað mun aðeins leysa
hluta af þörfinni. Huga þarf að að­
stöðu til heilsueflingar og tóm­
stunda á víðum grunni.
Umhverfið skiptir jafnframt
miklu máli og því þarf að leggja
metnað í fegrun umhverfis og
endurbótum á götum og gang­
stéttum og lagningu göngu­ og
hjólastíga.
Framtíðin er handan við hornið
Níu ár eru fljót að líða, ef við
ætlum okkur að nýta tækifærin sem
felast í framtíðinni þá þarf að huga
að þeim strax. Við höfum verk að
vinna! Ef við náum því vel og ör­
ugglega er ástæða til þess að horfa
bjartsýn fram á veginn. Framtíðin
er í Borgarbyggð.
Guðveig Lind Eyglóardóttir
Höfundur er oddviti Framsóknar-
flokksins í sveitarstjórn
Borgarbyggðar
Undirbún-
ingur að
blómaskeiði
í Borgar-
byggð
www.skessuhorn.is
Pennagrein