Læknablaðið - 01.06.2021, Blaðsíða 43
L ÆK N A BL AÐIÐ 2021/107 311
321 Meginþorri
flokkanna telur þurfa meira
fé til heilbrigðismála
Samfylkingin telur að verja eigi að
minnsta kosti 11% af vergri landsfram-
leiðslu til heilbrigðisþjónustunnar hér á
landi. Píratar vilja að það verði að jafnaði
11% og Flokkur fólksins að það verði ekki
minna en þessi 11%. Vinstri græn segja
hins vegar að eðlilegt væri að miða við
meðaltalseyðslu Norðurlandanna.
Hvorki Viðreisn né Framsókn telja
rétt að miða útgjöld til heilbrigðismála
við verga landsframleiðslu heldur þurfi
að horfa á þjónustuþörfina. Viðreisn vill
meira fé í málaflokkinn en Sjálfstæðis-
flokkurinn fullyrðir að þegar útgjöldin
séu leiðrétt með tilliti til aldurssam-
setningar landsmanna, sjáist að Ísland
verji ekki lægra, heldur talsvert hærra,
hlutfalli til heilbrigðismála en hin Norð-
urlöndin að Noregi undanskildum. Mið-
flokkurinn telur að horfa þurfi á þörfina.
Þau leiða flokkana í kosningum 2021
Inga Sæland
formaður
Sigurður Ingi
Jóhannsson
formaður
Sigmundur Davíð
Gunnlaugsson formaður
Halldóra Mogensen
þingflokksformaður
Logi Einarsson
formaður
Bjarni Benediktsson
formaður
Þorgerður Katrín
Gunnarsdóttir formaður
Katrín Jakobsdóttir
formaður
Miðflokkurinn telur að starfsemi sér-
greinalækna sé ein af grunnstoðum
heilbrigðiskerfisins. Sjálfstæðisflokk-
urinn segir mikilvægt að þeim gefist
færi á að stunda sjálfstæða starfsemi og
verða frumkvöðlar en séu ekki dæmdir
til þess að vinna eingöngu innan ríkis-
rekstrarformsins.
Enginn flokkanna leggst gegn samn-
ingum við sérfræðilækna. Píratar stefna
að samningum við alla sérgreinalækna.
Samfylkingin segir að koma verði til
samstarf við sérgreinalækna til að
tryggja góða heilbrigðisþjónustu. Flokk-
ur fólksins telur að mikilvægt sé að nýta
þá sérþekkingu sem íslenskir sérgreina-
læknar búa yfir en um leið gera þær
kröfur að sérgreinalæknar starfi ekki
samhliða fyrir hið opinbera.
Framsókn segir að sú þjónusta sem
nauðsynlegt sé að kaupa og veita sé í
fullu samræmi við áætlanir stjórnvalda.
Vinstri græn tala á svipuðum nótum og
segja mikilvægt að við samningsgerð
sé tryggður jafn aðgangur allra að þjón-
ustu.
Vinstri græn munu að sjálfsögðu halda
áfram á sömu braut í sóttvörnum, segir
í svari stjórnmálaflokksins við spurn-
ingu Læknablaðsins um sóttvarnarstefnu
flokkanna eftir Alþingiskosningarnar í
september. Píratar segja einnig að engar
breytingar myndu verða ef þeir væru
við stjórnvölinn. En Flokkur fólksins
vill meira samráð við löggjafann.
Ljóst er að flokkarnir eru samstiga.
Þeir vilja fylgja ráðum fagfólks en Al-
þingi beri þó ábyrgð á reglum og fram-
kvæmd. Viðreisn segir þetta samspil
hafa reynst vel til þessa í baráttunni við
COVID-19. Sjálfstæðisflokkurinn segir
mikilvægt að ekki sé gengið lengra í að
setja daglegu lífi fólks skorður en brýna
nauðsyn ber til.
Samfylkingin segir að aðkoma Al-
þingis ætti þó að vera meiri þegar kem-
ur að meiriháttar hömlum á daglegu
lífi almennings. Framsóknarflokkurinn
bendir á að tryggja verði eins vel og
unnt er heilsu fólks ásamt samspili
milli heilsu og efnahags þjóðarinnar.
Miðflokkurinn segir mikilvægt að skoða
vel alla kosti þegar kemur að öflun
bóluefna og hafa þar samskipti við sem
flestar þjóðir.
Enginn flokkanna leggst
gegn sjálfstæðum rekstri
sérgreinalækna
Stjórnmálaflokkarnir
samstiga í sóttvörnum
A L Þ I N G I S K O S N I N G A R 2 0 2 1
Átta stjórnmálaflokkar svöruðu 9 spurningum Læknablaðsins sem snúa að stefnumarkandi
ákvörðunum í heilbrigðisþjónustunni. Svörin verða birt í tölublöðunum fram að Alþingiskosningum
25. september næstkomandi. Svör við þremur spurningum eru í þessu tölublaði