Sjómannablaðið Víkingur - 01.02.2011, Blaðsíða 49

Sjómannablaðið Víkingur – 49
Sumarið er nú loksins komið og því
lítill tími til að sitja við tölvuna. Ég
ætla þó að segja ykkur frá svo spenn-
andi síðum að þið munuð sannarlega
fi nna tíma til að setjast yfi r netinu og
skoða síðurnar. Það er svo að við getum
alltaf fundið smá tíma til afþreyingar
sem ætti að draga okkur frá amstri
dagsins, málningunni, blómabeðunum
eða golfi nu.
Fyrsta síðan sem ég fjalla um er sann-
arlega áhugaverð fyrir alla landsmenn.
Nú hefur Slysavarnafélagið Landsbjörg
komið því sem næst öllum árbókum
félagsins í tölvutækt form öllum til af-
lestrar á vefsíðu sem kallast www.issuu.
com. Þegar þar er komið þarf að setja
inn í leitarorð annað hvort Árbók eða
Landsbjörg. Árbækur Slysavarnafélagsins
hafa verið gefnar út árlega frá árinu 1929
og geyma þær ómældan fróðleik um
íslenska björgunarsögu sem og upplýs-
ingar um sjóslys, flugslys og önnur slys
sem urðu á viðkomandi ári.
Ég rakst á alveg stórkostlega síðu
fyrir skömmu sem er þýsk, tileinkuð
fjarskiptabúnaði. Slóðina www.seefunk-
netz.de eiga margir skipstjórnarmenn
eftir að skoða og rifja upp gömlu fjar-
skiptatækin sem við notuðum hér áður
fyrr á árum. Þótt síðan sé á þýsku þarf
ekki þá kunnáttu til að njóta hennar.
Næst ætla ég með ykkur yfir til Ír-
lands að skoða síðu um írskar útgerðir á
slóðinni www.irishships.com. Þar hefur
maður að nafni Aiden McCabe tekið
saman upplýsingar um gamlar írskar út-
gerðir ásamt mörgum öðrum fróðleik
um írska sjómennsku.
Þá skulum við skoða síðu sem fjallar
um fiskimenn á Írlandi en það er blaðið
Irish Skipper sem er að finna á slóðinni.
www.irishskipper.net. Í því blaði er fjallað
um sjávarútveginn hjá þessum ná-
grönnum okkar og eflaust hafa margir
fiskimennirnir gaman af að sjá muninn
á þeirra veiðum og okkar.
Þegar íslenskir sjómenn eru farnir að
starfa um allan heim og fjarri heimahög-
um um langan tíma getur verið gott að
leita uppi velferðarþjónustu sem sjó-
mönnum stendur til boða um heim all-
an. Mission to Seafarers en slóðin þeirra
er www.missiontoseafarers.org. Þessi
samtök eru sjómönnum afar mikilvæg en
þau eru rekin á kristilegum grunni þar
sem boðið er upp á guðsþjónustur en
fyrst og fremst snýst starf þeirra um að
aðstoða sjómenn með ýmsum hætti óháð
trúarbrögðum. Ég hvet ykkur sjómenn
sem eru siglandi úti í hinum stóra heimi
til að heimsækja sjómannastofur þeirra
en staðsetninguna má finna á síðunni.
Án nokkurs vafa er ein mikilvægasta
netsíða sjómanna sú sem sett var upp til
að berjast gegn sjóránum sem ógna
heimsflotanum svo um munar. Á slóð-
inni www.saveourseafarers.com getum
við kynnt okkur þessa herferð sem
meðal annars gefur sjómönnum færi á
að skrifa til ráðamanna í sínum löndum
áskorun um aðgerðir gegn sjóránum.
Því miður er ekki mögulegt að senda
íslenskum stjórnvöldum bréf en þá er
bara að þrýsta á dönsk stjórnvöld enda
voru þeir síðast ríkjandi hér á landi áður
en við fengum fullveldi. Á síðunni er
teljari sem telur hversu margar heim-
sóknir koma frá hverju landi en einungis
10 slíkar voru komnar á síðuna frá Ís-
landi þegar þetta er skrifað. Ég treysti
því að þessi tala muni hækka umtalsvert
eftir að Víkingurinn er kominn út.
Fyrir sigingafræðingana ætti næsta
síða að vekja áhuga en Nautical Institute
sem er með heimasíðu á slóðinni www.
nautinst.org er stofnun sem hefur það
markmið að vekja athygli á skiptjórnar-
fræðum sem og að bæta kröfur til þeirra.
Stofnunin er alþjóðleg og gefur meðal
annar út fjöldan allan af fagbókum fyrir
skipstjórnarmenn sem og tímaritið Sea-
ways sem kemur út mánaðarlega. Hægt
er að gerast meðlimur ef þið eruð hand-
hafar alþjóðlegs atvinnuskírteinis skip-
stjórnarmanna og þarf afrit af því að
fylgja með umsókn.
Næst munum við fara í ljósmynda-
síðurnar og þá eru það skipin sem sigla
um vötnin miklu sem ég ætla að vísa
ykkur á. Slóðin www.mhsd.org er í eigu
samtaka sem kallast Marine Historical
Society of Detroit. Samtökin eru jafn
gömul íslenska lýðveldinu og hafa það
markmið að halda utan um sögu skipa
á vötnunum miklu.
Næst síðasta síðan tengist að sjálf-
sögðu sumarfríinu og að þessu sinni eru
það siglingar sem við viljum fá ykkur
til að njóta á annan hátt en að vera að
vinna. Á síðunni Ships and Cruises sem
slóðin er www.shipsandcruises.com er að
finna ótal leiðir til að njóta sumarleyfis í
vellystingum um borð í skemmtiferða-
eða fljótaskipi með fullt af þjónustuliði
til að bera í ykkur mat og svaladrykki.
Lokasíðan að þessu sinni hefur reynd-
ar áður verið til umfjöllunar hér en
henni var lokað um tíma en hefur nú
verið sett í gang á ný. Er þetta Togarasíða
Hafliða Óskarssonar frá Húsavík á
slóðinni http://togarar.123.is/. Hafliði
hefur safnað saman gífurlegum fróðleik
um nýsköpunartogarana okkar sem svo
voru kallaðir. Þeim fækkar nú óðum sem
muna eftir þessum skipum og sigldu á
þeim. Hafliði hefur leitað að ljósmynd-
um um allt land frá þessum skipum
hvort heldur sem er af þeim sjálfum eða
lífinu um borð. Ef þú veist eða átt mynd-
ir frá þessum skipum hafðu þá endilega
samband við Hafliða.
eftir Hilmar Snorrason