Sjómannablaðið Víkingur - 01.04.2011, Blaðsíða 46

46 – Sjómannablaðið Víkingur
Þá eru úrslit ljós. Að þessu sinni var
metþátttaka í keppninni en alls
sendu 22 sjómannaljósmyndarar mynd-
ir í keppnina, samtals 150 myndir.
Allar myndirnar, að einni undanskil-
inni, komu á rafrænu formi og sýnir
það vel hversu mikil breyting hefur
orðið á myndavélakosti sjómanna.
Fjögurra manna dómnefnd kom
saman til dæminga á myndum 6.
desember í húsnæði Farmanna- og
fiskimannasambandsins á Grensás-
vegi 13.
Dómnefndin var að þessu sinni skip-
uð þeim Árna Bjarnasyni formanni FFSÍ,
Jóni Svavarssyni ljósmyndara, Pálma
Guðmundssyni ritstjóra ljósmyndari.is og
Jóni Hjaltasyni ritstjóra Sjómannablaðs-
ins Víkings. Það var erfitt verk sem dóm-
nefndin stóð frammi fyrir og eftir tveggja
tíma karp komst hópurinn loks að
niðurstöðu.
Hlutskörpust varð mynd Eyþórs
Björgvinssonar, annars vélstjóra á
Sighvati VE, sem hann nefndi Skreið.
Verðlaun fyrir fyrsta sæti er ljósmynda-
námskeið frá ljósmyndari.is.
Í öðru sæti varð mynd Vals Björns
Línberg, háseta á Verði ÞH, sem hann
kallar Bátur í sólsetri. Hlýtur hann að
launum bókaverðlaun.
Í þriðja sæti varð mynd Jóns Kr. Frið-
geirssonar, bryta á varðskipinu Tý, er
hann nefnir Að fæða ungann. Hlýtur
hann einnig bókaverðlaun.
Tólf myndir til viðbótar, auk vinn-
ingsmyndanna, fara síðan áfram í ljós-
myndakeppni sjómanna á Norðurlönd-
um sem fram fer í Helsinki í Finnlandi
10. febrúar á næsta ári.
Þeir ljósmyndarar sem eiga myndir
sem fara áfram í þá keppni , auk vinn-
ingshafanna, eru Ragnar Pálsson,
Jóhann Ragnarsson, Daði Ólafsson,
Guðjón Vilinbergsson, Guðmundur St.
Valdimarsson, Sigurbjörn Ragnarsson
og Þorleifur Örn Björnsson.
Hilmar Snorrason
Ljósmyndakeppni
Víkingsins 2011
1
Höfuðpaurinn og starfsmaður nefndarinnar, Hilmar Snorrason, er lengst til vinstri. Þá dómnefndin: Pálmi
Guðmundsson ritstjóri (ljósmyndari.is), Árni forseti, Jón ritstjóri og Jón Svavarsson ljósmyndari.
1. sæti. Skreið. Ljósmyndari Eyþór Björgvinsson.