Sjómannablaðið Víkingur - 01.04.2012, Qupperneq 46

46 – Sjómannablaðið Víkingur
Nýtt sjóræningjatilfelli
Sjóræningjar hafa títt verið nefndir á þessum síðum í gegnum
síðustu ár en sjóræningjar tengjast einnig ólöglegri útgáfu tón-
listar og myndbanda sem í daglegu tali kallast sjóræningjaút-
gáfur. Það er þó langt frá því að um sómalíska sjóræningja sé að
ræða í slíkum tilfellum. Nýlega var þýskt útgáfufyrirtæki, Naut-
ische Veröffentlichungen, dæmt í Eystri Landsrétti í Danmörku
fyrir að stunda sjórán í skilningi ólöglegrar útgáfu. Fyrirtækið
hafði nefnilega prentað og sett í sölu dönsk sjókort sem Kort og
Matrikelstyrelsen í Danmörku á einkarétt á í samræmi við 200
ára konunglega tilskipun. Var þýska útgáfufyrirtækinu gert að
eyða öllum þeim kortum sem þeir höfðu prentað sem og að
innkalla þau 56 kort sem þeir höfðu þegar selt.
Búnir að fá nóg
Olíufélagið Shell hefur nú tilkynnt að þeir muni hætta að flytja
olíu frá vinnslusvæðum sínum, Bonny og Forcados, undan
ströndum Nígeríu á land þar vegna þjófnaðar. Shell er stærsti
olíuframleiðandi á svæðinu og munu því aðgerðir þeirra hafa
efnahagsleg áhrif í Nígeríu sem og fyrir flutningsaðila fram-
leiðslu þeirra. Það er gífurlegt magn af olíu sem stolið er dag-
lega eða um 180 þúsund tunnur (20 milljón lítrar) og fer þjófn-
aðurinn fram hvort heldur sé frá birgðastöðvum eða olíulögn-
um. Þá er einnig opinbert frá hvaða skipum olíunni er stolið og
komið síðan á ólöglegan markað á Balkanskaga eða í Singapúr.
Þá hefur Shell skjalfest að mörgum sinnum hafi hópar manna
gert göt á olíulagnir, sem flytja olíuna langan veg, og rænt
þannig olíu. Í framhaldi mengast umhverfið og saka þá yfirvöld
fyrirtækið um að viðhald þeirra á lögnum sé ábótavant. Hafa
forráðamenn Shell gefið í skyn að líklegast sé samstarf milli
yfirvalda og þeirra sem stunda rán á olíunni.
Risinn dregur saman seglin
Það voru heldur betur tíðindi þegar forstjóri AP Møller til-
kynnti þann 18 nóvember s.l. að fyrirtækið hyggðist breyta
áherslum í rekstri og draga saman á útgerðarsviði gámaskipa en
leggja meiri áherslu á olíu, borpalla og rekstur hafnaraðstöðu.
Dregið verður úr fjárfestingum í Maersk Line sem er gámaskipa-
hluti samsteypunnar og jafnframt stærsta gámaskipaútgerð
heims sem hefur yfir að ráða 16% af markaðinum. Ástæða þessa
viðsnúnings fyrirtækisins er sú að meiri hagnaðarvon er í olíu-
iðnaðinum auk þess sem þar ríkir meiri stöðugleiki. Þegar þess-
um umskiptum í samsteypunni verður lokið mun Maersk Line
vera álíka að stærð og hinir þrír hlutarnir. Óneitanlega á þetta
eftir að hafa mikil áhrif á samkeppnina í gámaskipaslagnum en
einnig má gera ráð fyrir að spár um að kreppa muni áfram
verða í rekstri gámaskipa allt fram til ársins 2027 hafi hjálpað
þeim að breyta áherslum sínum. Þeir ætla þó ekki að gefa svo
mikið eftir að þeir detti af toppnum.
Reykingaaðvörun
Það hefði einhverjum þótt skrítið að heyra að Danir væru farnir
að vara sitt fólk við reykingum en í ágúst s.l. voru sett ný reyk-
ingalög þar í landi sem heldur betur eiga eftir að láta til sín
taka. Meðal annars sem lögin taka á eru aðvaranir fyrir þá reyk-
lausu. Nú verða dönsk skip að setja upp varúðarskilti fyrir utan
allar reykingakompur eða sali þar sem bent er á að reyk geti
lagt frá þessum rýmum og að sá reykur sé skaðlegur mönnum.
Óánægðir með fjölgun ferða
Íbúar við Svendborgsund í Danmörku er alls ekki ánægðir með
aukna þjónustu og ferðatíðni Ærø ferjunnar sem siglir á milli
Svendborg og Ærøskøbing. Ákveðið hefur verið að tvöfalda
ferðir skipsins frá því sem áður var. Íbúarnir eru ekki sáttir við
þetta því ekki nóg með að meiri skipaumferð sé um sundið
heldur er vatnsmassinn sem skipið ryður frá sér til mikils ama
fyrir ströndina þar sem baðgestir spóka sig. Þá fá skemmtibátar
þeirra líka að kenna á því þegar þeir rífa í landfestar við aukna
hreyfingu sjávar undan bógi ferjunnar eigendum þeirra til ama.
Hvað næst?
Í tilefni af viðtali Ólafs Gríms við Guðmund Heimi,
og fleiri, í síðasta tölublaði hefur Hilmar Snorrason
sent línu:
Mér kom skemmtilega á óvart að sjá mynd af
frænda mínum Jóni Geirssyni og síðan að sjá
að bræður hans voru í þessu spjalli. Við
erum systrasynir og þeir allir bræður
heimagangar á mínu æskuheimili.
Eins og Guðbrandur segir þá var
beygur í Jóni og var það sannarlega satt.
Mamma sagði mér oft frá Jóni og frá
síðustu heimsókn hans til hennar áður en
hann fór í túrinn. Hann hafði verið heima
hjá okkur áður en hann fór í túrinn og var
þá í glasi. Sat hann við eldhúsborð þegar
hann sló með hnefanum í borðið og sagði
við mömmu að hann væri enginn túraskítur og
færi í túrinn.
Nefndur Andrés var bróðir mömmu minnar og
bjuggum við í sama húsi en hann fékk fyrstur fréttirnar
um að Júlí væri saknað þar sem ekki hafði tekist að ná í
foreldra Jóns, sem bjuggu í Borgarnesi, en vitað var um
frændsemina milli þeirra. Móðir mína dreymdi
nóttina áður að mágur hennar, ný látinn, kæmi
til hennar og settist í stólinn sem Jón sat í
og sló með hnefanum í borðið. Mamma
vissi strax og Andrés kom heim með þær
fregnir að Júlí væri saknað að þeir hefðu
farist. Pétur, bróðir Jóns er næst elstur
okkar 28 systkinabarna og ég næst
yngstur. Ég var rétt að verða tveggja ára
þegar Júlí fórst.
Góðu lesendur Víkings, endilega farið
að dæmi Hilmars og hnýtið við greinar í
blaðinu ef ykkur finnst tilefni til. Eins og hér
má glögglega sjá þarf slíkt hvorki að vera langt
né yfirgripsmikið til að gera góða frásögn enn
betri og enn meira lifandi.
Utan úr heimi