Fréttablaðið - 30.08.2022, Side 18

Útgefandi: Torg ehf Veffang: frettabladid.isÁbyrgðarmaður: Jón Þórisson Sölumaður auglýsinga: Jón Ívar Vilhelmsson, jonivar@frettabladid.is, s. 550 5654,
Eignamiðlun er elsta starfandi
fasteignasalan á Íslandi og býr
starfsfólk fyrirtækisins yfir mikilli
reynslu og sérþekkingu á sviði fast-
eignaviðskipta. „Við leggjum mikið
upp úr því að starfsfólk okkar
vinni saman og með því höfum við
náð góðum árangri í sölu fast-
eigna,“ segir Guðlaugur Ingi Guð-
laugsson, löggiltur fasteignasali og
annar eigenda Eignamiðlunar.
„Eignamiðlun er rótgróið fyrir-
tæki þar sem markmiðið hefur
alltaf verið að veita viðskipta-
vinum fyrsta flokks þjónustu. Hér
er lítil starfsmannavelta og eigend-
urnir hafa lagt sig fram við að
skapa gott vinnuumhverfi þar sem
starfsfólk getur þróast og þroskast.
Við höfum siglt í gegnum miklar
breytingar á síðustu áratugum en
alltaf haldið okkar striki. Mark-
mið okkar er að gera enn betur í
framtíðinni og halda áfram að vera
leiðandi í fasteignaviðskiptum á
Íslandi um ókomin ár.“
Ótal nýjar áskoranir
Fyrrnefndar breytingar hafa haft
mikil áhrif á fasteignasölur og þar
með talið starfsfólk þeirra, að sögn
Guðlaugs. „Fasteignamarkaðurinn
er fljótur að taka breytingum með
ótal nýjum áskorunum. Við þær
aðstæður skiptir miklu máli að
hafa reynslumikið starfsfólk sem
hefur farið í gegnum þær breyt-
ingar og tekist á við þær áskoranir.
Þaðan kemur verðmæt reynsla sem
sölumenn okkar miðla áfram til
viðskiptavina okkar.“
Um leið er stærsta eign hverrar
fasteignasölu orðspor hennar
og heiðarlegt starfsfólk, að sögn
Guðlaugs. „Í okkar huga byggjast
fasteignasölur fyrst og fremst upp
með vönduðum vinnubrögðum
og því fólki sem starfar hjá okkur.
Viðskiptavinir okkar geta stólað á
reynslu, heiðarleika og þekkingu á
fasteignamarkaðnum hjá starfs-
fólki okkar.“
Vanda þarf valið
Þegar fasteign er seld skiptir mjög
miklu máli að velja réttu fasteigna-
söluna enda er sparnaður flestra
landsmanna að stórum hluta
bundinn í henni. „Fyrirtæki verða
ekki rótgróin nema þau geri hlut-
ina rétt og vel. Við höfum starfað
í áratugi og stefnum á næstu
áratugi fram undan, ánægðir við-
skiptavinir gera okkur það kleift.
Fasteignasala þarf að vera sýnileg
á markaði, vanda til verka við alla
framsetningu á því sem verið er að
selja og ekki síður mikilvægt er að
veita faglega og yfirvegaða ráðgjöf
til viðskiptavina.“
Rótgróið vörumerki
Guðlaugur segir starfsfólk Eigna-
miðlunar vera að koma út úr
tímabili þar sem velta á fasteigna-
markaðnum hefur verið gríðarlega
mikil en hefur farið minnkandi
sökum skorts á fasteignum til
sölu. „Eignamiðlun er sterkt og
rótgróið vörumerki og það hefur
hjálpað okkur við að fá eignir til
sölu. Margir okkar viðskiptavina
leita til okkar með öll sín fast-
eignaviðskipti og því höfum við
haldið góðum takti það sem af er
ári. Það er mikið fram undan hjá
okkur, nýjar íbúðir að koma í sölu
í Garðabæ, Kópavogi, Hafnarfirði
og Reykjavík. Allt eru þetta íbúðir
á þéttingarsvæðum sem hafa verið
vinsæl í sölu undanfarin ár. Árið
hefur verið og verður krefjandi en
gott heildina yfir.“
Líflegir tímar fram undan
Fasteignamarkaðurinn hefur verið
afar líflegur undanfarin ár og á
Guðlaugur von á því að svo verði
áfram. „Það er þó ljóst að fram-
boð á nýbyggingum mun aukast
á næstu árum og allar líkur eru á
því að markaðurinn nái jafnvægi.
Þó er ólíklegt að þau verkefni
sem eru í vinnslu nái að fullnægja
þeirri þörf sem undirliggjandi er á
höfuðborgarsvæðinu og því ljóst
að einhver hluti þessa kaupenda-
hóps mun enda í nágrannasveitar-
félögum í nálægð við höfuðborgar-
svæðið.“
Hann segir því mjög mikilvægt
á næstu árum að sveitarfélög og
fjármálastofnanir nái að stuðla að
stöðugleika í formi lóðaframboðs
og góðra lánskjara til að koma í
veg fyrir þær sveiflur sem einkennt
hafa fasteignamarkaðinn hér á
landi síðustu ár. „Utan þessara
breytinga má helst nefna upptöku
rafrænna þinglýsinga, sem lengi
hefur verið í bígerð. Búast má við
verulegum breytingum á þjónustu
við viðskiptavini þegar þessar
lausnir verða tilbúnar.“ n
Nánar á eignamidlun.is.
„Í okkar huga byggjast fasteignasölur fyrst og fremst upp með vönduðum vinnubrögðum og því fólki sem starfar hjá okkur,“ segir Guðlaugur Ingi Guðlaugsson (t.h.). FRÉTTABLAÐIÐ/ERNIR
Margir við-
skiptavina
Eignamiðlunar
leita til fast-
eignasölunnar
með öll sín fast-
eignaviðskipti.
Eignamiðlun er sterkt og rótgróið vörumerki.
Markmið okkar er
að gera enn betur í
framtíðinni og halda
áfram að vera leiðandi í
fasteignaviðskiptum á
Íslandi um ókomin ár.
2 kynningarblað 30. ágúst 2022 ÞRIÐJUDAGURFASTEIGNIR