Fréttablaðið - 30.08.2022, Síða 38

Ég skildi alveg Pavel að
fara en það er erfiðara
að sjá Kristófer í Vals­
treyju að hampa titl­
um.
Það er þétt spilað í
enska boltanum á
næstunni en Heims­
meistaramótið í Katar
hefst í nóvember.
hoddi@frettabladid.is
FÓTBOLTI Það verður líf og fjör í
ensku úrvalsdeildinni í miðri viku
en þétt er spilað næstu vikurnar
vegna Heimsmeistaramótsins sem
fer af stað í Katar í nóvember. Tólf
umferðir verða leiknar á næstu
vikum fram að stórmótinu en þetta
er í fyrsta sinn sem Heimsmeistara­
mótið fer ekki fram á miðju sumri.
Fjórar umferðir eru búnar í
ensku úrvalsdeildinni en Arsen­
al situr á toppi deildarinnar með
fullt hús stiga. Arsenal tekur á móti
Aston Villa á miðvikudag sem er í
krísu undir stjórn Steven Gerrard.
Liverpool vann frækinn 9­0 sigur á
Bourne mouth um helgina en liðið
heldur á miðvikudag til Newcastle
og mætir þar heimamönnum í
snúnu verkefni. Englandsmeist­
arar Manchester City taka á móti
Nottingham Forrest á heimavelli
og búast má við auðveldum heima­
sigri. City hefur þó verið að leka
inn mörkum í síðustu leikjum sem
nýliðarnir frá Nottingham vonast
til að geta nýtt sér.
Tottenham, undir stjórn Antonio
Conte, hefur farið vel af stað en lið
Tottenham er vel mannað og heim­
sækir West Ham á miðvikudag.
Manchester United heimsækir Lei­
cester á fimmtudag en lærisveinar
Erik ten Hag hafa unnið tvo leiki í
röð eftir að hafa byrjað illa. Liðið
hefur fest kaup á Antony frá Ajax
sem kostar félagið 100 milljónir
evra og fer hann í hóp dýrustu leik­
manna í sögu enska fótboltans. n
Gleðin við völd í miðri viku
Staðan: stig
1. Arsenal 12
2. Man. City 10
3. Tottenham 10
4. Brighton 10
5. Leeds 7
6. Chelsea 7
7. Newcastle 6
8. Man. Utd 6
9. Liverpool 5
10. Brentford 5
11. Fulham 5
12. Crystal Palace 4
13. Southampton 4
14. Nottm Forest 4
15. Aston Villa 3
16. West Ham 3
17. Bournemouth 3
18. Everton 2
19. Wolves 2
20. Leicester 1
14 Íþróttir 30. ágúst 2022 ÞRIÐJUDAGURÍÞRÓTTIR FRÉTTABLAÐIÐ 30. ágúst 2022 ÞRIÐJUDAGUR
Eftir átta Íslandsmeistaratitla
hefur Brynjar Þór Björnsson,
ein besta skytta í sögu íslenska
körfuboltans, ákveðið að
leggja skóna á hilluna. Brynjar
lék í átján ár í meistaraflokki,
sextán af þeim voru með KR,
en hann reyndi einnig fyrir
sér í Svíþjóð og á Sauðárkróki.
Hann kveður sviðið stoltur og
horfir nú á ný verkefni í lífinu.
KÖRFUBOLTI „Ég taldi að mínum
tíma væri betur varið í annað, þetta
krefst vinnu til að vera í góðu standi
bæði andlega og líkamlega. Ég vil
gera þetta almennilega, ég er ekki
með sama hungrið til að gefa mig
allan í þetta og þá er alveg eins gott
að eyða tímanum í eitthvað annað,“
segir Brynjar Þór Björnsson sem
greindi frá ákvörðun sinni um liðna
helgi. Brynjar er 34 ára gamall og var
ungur mættur á sjónarsviðið.
KR gengur í gegnum kynslóða­
skipti sem hjálpaði Brynjari að taka
ákvörðun sína, ólíklegt er að þetta
stórveldi í íslenskum körfubolta
berjist um Íslandsmeistaratitil í
vetur. „Það hjálpar til, mjög mikið
í raun. Liðið er ansi ungt, leikmenn
sem áttu að vera þarna 28­29 ára eru
hættir eða farnir annað. Það vantar
þessa kynslóð til að vera í toppbar­
áttu, það er erfitt að vera kominn í
lið sem er að meirihluta ungir leik­
menn sem eiga eftir að þroskast. Það
vantaði leikmenn í kringum mig
sem eru á svipuðum stað í lífinu,“
segir Brynjar um ákvörðun sína.
Forréttindaferill
Brynjar segist upplifa það sem for­
réttindi að hafa unnið alla þessa
titla en einnig að hafa prófað að
fara í atvinnumennsku. „Þetta er
algjör forréttindaferill að upplifa
alla þessa sigurgöngu, vera með í
öllum þessum uppgangi sem var í
KR. Svo eru ævintýri eins og í Sví­
þjóð árið 2011 og svo með Tinda­
stóli árið 2018. Þetta er búið að vera
eintóm skemmtun allur þessi ferill,
árangurinn er frábær. Það er gaman
að hafa upplifað þetta allt saman.
2007­titillinn stendur mikið upp
úr, það er sá fyrsti. Þetta var sá eini
þar sem við áttum ekki að geta
unnið, við vinnum Njarðvík þrátt
fyrir að vera undir nánast alla þá
seríu. Það skapaðist múgæsingur
í líkingu við það sem gerðist hjá
Tindastóli í úrslitakeppninni núna.
Miðjan (stuðningssveit KR) mætti
Einn sá besti kveður sviðið sáttur
Brynjar við einn
af þeim átta Ís-
landsmeistara-
titlum sem
hann landaði á
mögnuðum ferli
sínum.
FRÉTTABLAÐIÐ/
STEFÁN
Erling Haaland fer af stað með látum. FRÉTTABLAÐIÐ/GETTY
þarna á körfuboltaleiki í fyrsta
skipti og það var ógleymanlegt.“
Ótrúleg stemming myndaðist í
kringum KR­liðið á þessum árum
og þær minningar sitja eftir hjá
Brynjari. „Það var ógleymanlegt að
koma í þessa stóru leiki og stúkan
var full þegar þú varst að hita upp.
Það var geggjað að labba inn og
sjá alla vini sína vera mætta og fá
sér að borða löngu fyrir leik. Það
er ógleymanlegt í fjórða leik árið
2007 gegn Njarðvík þegar það lak
niður sviti með öllum veggjum, loft­
ræstingin hafði ekki undan. Það er
frábært að hafa upplifað þetta, allur
Vesturbærinn og allir í raun voru að
fylgjast með. Það eru forréttindi að
hafa upplifað alla þessa úrslitaleiki,
það eru fáir sem fái að upplifa þessi
augnablik.“
Vildi hætta Í KR
Þegar íþróttafólk tekur ákvörðun
um að hætta keppni kemur oft
tómarúm í líf þeirra sem Brynjar er
vel meðvitaður um. „Það tala allir
um það, þú færð ekki þessa keppni
í öðru. Það er erfitt að búa hana til
í þessu daglega lífi, en það er meiri
tími til að huga að einhverju öðru.
Maður getur prófað eitthvað nýtt,
það fer rosalegur tími í þetta. Maður
verður að vera sáttur við að hafa
upplifað þetta frekar en að horfa í
eitthvað annað.“
Eldri KR­ingar hafa á undan­
förnum árum endað feril sinn í Val
og nægir þar að nefna Jón Arnór
Stefánsson og Pavel Ermolinskij.
Brynjar íhugaði ekki að spila þar
undir stjórn Finns Freys Stefáns­
sonar fyrrverandi þjálfara KR. „Ég
hef ekki leitt hugann að því, maður
er fyrst og fremst KR­ingur. Mér
finnst réttast að hætta í KR og vera
sáttur við það. Ég skildi alveg þegar
Pavel fór í Val, hann þurfti áskorun.
Það er sárara að sjá Kristófer Acox
á hátindi ferilsins þarna hinum
megin. Þetta voru sex ár í röð hjá
okkur sem við vinnum, það er meira
en að segja það að halda í hungrið.
Ég skildi alveg Pavel að fara en það
er erfiðara að sjá Kristófer í Vals­
treyju að hampa titlum, hann er enn
ungur og ferskur.“
Hið daglega líf hefur tekið við
hjá Brynjari sem ræðir þó íþróttir
daginn út og inn. „Ég byrjaði að
vinna hjá DHL í janúar og vinn með
miklum íþróttamönnum, fyrr­
verandi körfubolta­ og fótbolta­
mönnum. Það er mikið spjallað um
íþróttir, það er gott að vera kominn
hingað inn,“ segir Brynjar sáttur við
ákvörðun sína. n
Hörður Snævar
Jónsson
hordur
@frettabladid.is