Fréttablaðið - 30.08.2022, Síða 43

Það eru í
raun undur
og
stórmerki
að við
skyldum
standa af
okkur
þessa
brotsjói.
En hér
erum við,
sterk sem
aldrei fyrr.
tsh@frettabladid.is
Blúshátíðin Blús milli fjalls og fjöru
verður haldin í ellefta sinn á Pat-
reksfirði 2. og 3. september næst-
komandi. Páll Hauksson, eða Palli
Hauks eins og hann er gjarnan
kallaður, stofnaði hátíðina fyrir tíu
árum síðan.
„Við ætlum að halda upp á afmæl-
ið á nokkuð sérstakan hátt og vera
svolítið grand á því og f lytja inn
ekta, fræga blússöngkonu frá Banda-
ríkjunum sem heitir Karen Lovely.
Hún er búin að gera garðinn frægan
þar og víðar,“ segir hann.
Karen Lovely er fædd árið 1959 og
hóf blúsferil sinn tæplega fimmtug
og sendi frá sér sína fyrstu plötu árið
2008. Með henni á tónleikunum
kemur fram gítarleikarinn Mark
Bowden.
„Hún er öflugur stuðningsmaður
kvenna sem hafa lent í slæmum
hjónaböndum og samböndum.
Hún kom úr einu slíku þegar hún
var fertug og átti svolítið erfitt þar
til vinkona hennar dró hana út á
kóræfingu með sér bara til að gera
eitthvað. Hún mætti nokkrum
sinnum á kóræfingu þangað til hún
var fengin til að prufa að syngja
með hljómsveit og þá var ekki aftur
snúið,“ segir Palli.
Að sögn Palla verður svolítið
kvennaþema á Blús milli fjalls og
fjöru í ár en auk Karen koma fram
þrjár aðrar hljómsveitir.
„Það verður kvennaband sem
heitir Sisters of the Moon, þar er
Brynhildur Oddsdóttir í farar-
broddi. Kristina Bærentsen, sem
er Færeyingur og búsett á Íslandi,
hún er með mjög áhugavert kántrí-
blúsband. Svo verður hljómsveitin
Hvelfing, það eru ungir krakkar
sem eru að ljúka námi í FÍH. Það er
gaman að geta þess að Ríkharður
Ingi úr bandinu er Patreksfirðingur
sem ég er mjög stoltur af að fá að
setja á svið.“
Eru Patreksfirðingar áhugasamir
um blústónlist?
„Ég er mjög mikill áhugamaður
um blús og hef verið það í gegnum
tíðina. Byrjaði á þessu af einhverri
rælni fyrir tíu árum síðan og svo
hefur þetta bara stækkað. Ég hugsa
að þorranum af bæjarbúum þyki
þetta skemmtileg tónlist og hafi lært
að meta hana í gegnum tíðina.“
Myndirðu hvetja fólk til að gera sér
ferð vestur á Patró?
„Já, að sjálfsögðu geri ég það, þetta
er metnaðarfull og mikil dagskrá
hjá okkur. Fólk kemur töluvert að
sunnan vestur á Patró. Það er fullt af
fólki sem kemur ár eftir ár og maður
er farinn að kynnast bara hellingi
af fólki í gegnum þetta. Þetta er
skemmtilegur dagsbíltúr að keyra
vestur á firði í fallegu landslagi.“
Hægt er að lesa meira um dagskrá
Blús milli fjalls og fjöru á Facebook-
síðu hátíðarinnar. Miðasala fer fram
á staðnum og á tix.is. n
Blúsað á Patreksfirði í áratug
Palli Hauks stofnaði hátíðina Blús
milli fjalls og fjöru á Patreksfirði fyrir
rúmum áratug. FRÉTTABLAÐIÐ/EYÞÓR
Brynhildur Guðjónsdóttir
leikhússtjóri fer yfir komandi
leikár hjá Borgarleikhúsinu.
Hún segist standa stóreyg og
spennt gagnvart leikhúsinu.
„Við erum komin til að gleðjast,
njóta, lifa og læra og upplifa saman.
Í Borgarleikhúsinu tökum við með
okkur efni frá fyrra leikári og þar
ber kannski hæst Níu líf, sýningu
ársins á Grímunni 2022, og barna-
sýningu ársins Emil í Kattholti,“
segir Brynhildur Guðjónsdóttir
Borgarleikhússtjóri.
Leikárið 2022-2023 hófst nú á
dögunum með áðurnefndum sýn-
ingum sem Brynhildur gerir ráð
fyrir að muni lifa út leikárið.
„Síðan erum við með 14 nýjar
frumsýningar auk þess sem fylgir
okkur frá fyrra leikári. Þar má nefna
Ég hleyp, með Gísla Erni, frábæru
sýninguna hans Vals Freys Fyrr-
verandi, Njálu á hundavaði eftir
Hund í óskilum sem er að fara vel í
landann og mjög vel í skólahópa, og
svo dásamlegu ungbarnasýninguna
Tjaldið sem er samstarfsverkefni
við Miðnætti.“
List leikarans í fyrirrúmi
Fyrsta frumsýning leikársins verður
svo verkið Á eigin vegum, 17. sept-
ember, einleikur með Sigrúnu Eddu
Björnsdóttur byggður á samnefndri
skáldsögu Kristínar Steinsdóttur.
Leikgerðin er unnin af Maríönnu
Clöru Lúthersdóttur og Sölku Guð-
mundsdóttur en leikstjóri verksins
er Stefán Jónsson.
„List leikarans verður í fyrirrúmi
því þarna er Sigrún Edda Björns-
dóttir, okkar frábæra kanónuleik-
kona, að stíga á svið í einleik í fyrsta
sinn á fjörutíu ára ferli. Leikmyndin
er listaverk út af fyrir sig en Egill
Sæbjörnsson ljær okkur þar snilli
sína. Fyrir aðdáendur Sissu, Krist-
ínar Steins og Stefáns Jónssonar,
sem eru ekki færri, þá verður þetta
algjör konfektmoli á Litla sviðinu,“
segir Brynhildur.
Það er skammt stórra högga á
milli því næsta frumsýning hausts-
ins verður 23. september þegar
gamanleikurinn Bara smá stund
verður frumsýndur á Stóra sviðinu.
„Þetta er sprenghlægilegur gam-
anleikur eftir Florian Zeller sem
skrifaði til að mynda Föðurinn.
Þorsteinn Bachmann leikur hinn
Nýtt leikár stútfullt af myrkri og ljósi
Brynhildur
Guðjónsdóttir
segir það undur
og stórmerki að
Borgarleikhúsið
skuli hafa staðið
af sér brotsjói
Covid-áranna.
FRÉTTABLAÐIÐ/
EYÞÓR
franska Michel sem býr í fallegri
íbúð í París. Hann skortir ekkert en
akkúrat þennan laugardag þegar
hann finnur fágæta djassplötu á
markaði og langar ekkert annað en
að fá bara smá stund til að hlusta á
hana þá þurfa allir í kringum hann,
fjölskylda og bestu vinir, að ljóstra
upp um einhver leyndarmál,“ segir
Brynhildur.
Álfrún Örnólfsdóttir leikstýrir
einvalaliði leikara en auk Þor-
steins fara með hlutverk Bergur Þór
Ingólfsson, Jörundur Ragnarsson,
Sigurður Þór Óskarsson, Sólveig
Arnarsdóttir, Sólveig Guðmunds-
dóttir og Vilhelm Neto.
Allir deyja
Í lok október verður önnur stór
frumsýning þegar verkið Síðustu
dagar Sæunnar eftir Matthías
Tryggva Haraldsson, annað leik-
skáld Borgarleikhússins, verður
frumsýnt á Litla sviðinu. Guðrún
S. Gísladóttir leikur aðalhlutverkið
Sæunni auk þess sem Jóhann Sig-
urðarson og Snorri Engilbertsson
fara með hlutverk.
„Þarna er fjallað um dauðann á
gamansaman hátt. Það deyja allir,
það er óumflýjanlegt, það eitt vitum
við um lífið. Það er stórkostlegt að
fylgjast með leikskáldi þroskast og
þróa sína list. Hér gerir Matthías vel
og hún Sæunn sem Guðrún leikur á
einhvern ótrúlegasta mónólóg sem
ég hef séð síðustu ár í þessu verki,
við verðum ekki svikin,“ segir Bryn-
hildur.
Brött og stóreyg
Í inngangstexta kynningarrits
Borgarleikhússins kemur fram að
leiðarstef komandi leikárs sé að lifa
af. Spurð um hvers vegna það hafi
orðið yfir valinu segir Brynhildur að
þegar verkefnavalsnefnd leikhúss-
ins hafi verið að stilla upp komandi
leikári hafi þau séð að þetta var
það sem sameinaði verkin. Að lifa
af andspænis áföllum og erfiðum
aðstæðum. Nefnir hún þar til að
mynda verkið Góða ferð inn í gömul
sár eftir Evu Rún Snorradóttur,
hitt leikskáld Borgarleikhússins,
sem fjallar um eyðnifaraldurinn í
Reykjavík á síðustu öld.
„Þetta er okkar leiðarstef en til
þess að lifa af þá þurfum við að
hlæja og við bjóðum upp á leikár
sem er stútfullt af myrkri og ljósi og
öllu þar á milli. Til þess að geta farið
á myrkustu staðina þá þurfum við
að fara í mest dillandi hláturinn,“
segir hún.
Er Borgarleikhúsið búið að jafna
sig eftir Covid-árin?
„Borgarleikhúsið stendur ótrú-
lega vel miðað við aðstæður af því
að rekstrarform þessa leikhúss er
sextíu prósenta sjálfsafli. Það eru
í raun undur og stórmerki að við
skyldum standa af okkur þessa
brotsjói. En hér erum við, sterk sem
aldrei fyrr, með fullt hús af ham-
ingju og töfrum. Við erum í start-
holunum og hlökkum til að taka á
móti gestum. Við erum alltaf brött
og stöndum bara stóreyg og spennt
gagnvart leikárinu, því það er nú
einu sinni svo að við sem störfum
við leikhús hættum aldrei að vera
börn þegar það ber á góma.“ n
Nánar á frettabladid.is
Þorvaldur S.
Helgason
tsh
@frettabladid.is
tsh@frettabladid.is
Kristín Svava Tómasdóttir, skáld
og sagnfræðingur, og Ásta Kristín
Benediktsdóttir bókmenntafræð-
ingur efna til kvöldgöngu í dag í
samvinnu við Borgarbókasafn þar
sem skáldsagan Mánasteinn eftir
Sjón verður lesin upp í heild sinni.
Gangan er haldin í tilefni stóraf-
mælis Sjóns en hann varð sextugur
þann 27. ágúst síðastliðinn.
Gangan hefst á Skólavörðuholti
við Hallgrímskirkju klukkan 18 og
staldrað verður við á vel völdum
stöðum þar sem sögupersónan
Máni Steinn kemur við í bókinni.
Að sög n sk ipuleg g jenda er
reiknað með að gangan taki á bil-
inu þrjár til fjórar klukkustundir.
Gestir eru hvattir til að taka með
sér nesti og heitt á brúsa, hlý föt
og jafnvel teppi eða útilegustóla.
Öllum er heimilt að koma og fara
að vild, ganga stuttan spöl eða
langan en reglulegar uppfærslur
um framvindu göngunnar verða
birtar á Facebook-viðburði hennar.
Áhugasömum upplesurum er einn-
ig velkomið að lesa kafla.
Mánasteinn kom út árið 2013 og
segir frá drengnum Mána Steini
sem lifir í kvikmyndum. Sögu-
sviðið er Reykjavík hamfaraárið
1918 þegar eldgosið í Kötlu glumdi í
bakgrunni frostavetursins mikla og
spænska veikin geisaði um heims-
byggðina.
Sjón hlaut Íslensku bókmennta-
verðlaunin í f lokki skáldverka fyrir
Mánastein. n
Lesa upp Mánastein í heild sinni
Sjón hlaut Íslensku bókmenntaverð-
launin fyrir Mánastein árið 2013.
ÞRIÐJUDAGUR 30. ágúst 2022 Menning 19FRÉTTABLAÐIÐ