Norræn jól : ársrit Norræna félagsins - 01.12.1952, Síða 24

Norrœn jól
laginu. En á þingum Sameinuðu þjóðanna og í Evrópuráðinu eru allnáin tengsl
á milli hinna norrænu fulltrúa. Og oft er það á þessum alþjóðaþingum, að ekki er
talað um eitt norræna landið sérstaklega, heldur um Norðurlöndin sem heildar-
heiti og samstæðan hóp.
Þó hér að framan sé hvergi nærri gerð tæmandi skil þáttum hinnar norrænu
samvinnu, skal þó síðast en ekki sízt minnzt hér á nýjasta og ef til vill mikils-
verðasta táknið um norræna samvinnu, en það er Norðurlandaráðið. Verður
þessari gagnmerku stofnun, sem nú er væntanlega að setjast á laggirnar, bezt lýst,
með orðalagi 1. gr. starfsreglanna, sem er á þessa leið:
„Norðurlandaráðið er vettvangur ríkisþings Dana, alþingis íslendinga, stór-
þings Norðmanna og ríkisþings Svía og stjórna þessara þjóða til að ráðgast
um þau málefni, er varða samvinnu allra þjóðanna eða einhverra þeirra“.
í ráði þessu eiga sæti 16 fulltrúar fyrir þjóðþing Dana, Norðmanna og Svía
og 5 fulltrúar frá alþingi íslendinga. Auk þess eiga þar sæti forsætisráðherrar og
utanríkisráðherrar þessara þjóða eða aðrir ráðherrar, sem tilnefndir eru í þeirra
stað. Finnland gat því miður ekki tekið þátt í stofnun Norðurlandaráðsins, ekki
sízt vegna legu landsins og afstöðu til alþjóðamála. En reglur ráðsins ákveða hins-
vegar, að þegar stjórn Finnlands óski þess, geti fulltrúar hennar og ríkisþing Finna
tekið þátt í fundum og ályktunum ráðsins.
Ákveðið er, að ráðið komi saman til funda einu sinni á ári, og getur það gert
ályktanir, sem eru tilmæli (meðmæli) til ríkisstjórnanna.
Sá óvéfengjanlegi rökstuðningur er borinn fram til styrktar hugmyndinni um
Norðurlandaráðið, að samstaða norrænu þjóðanna hlyti að leiða til þess, að athugað
yrði gaumgæfilega, á hvern hátt væri unnt og framkvæmanlegt að skipuleggja á
hagkvæman hátt samstarf þeirra á milli. Og það er ekki nokkrum vafa bundið,
að Norðurlandaráðið er eitt stórstígasta og raunhæfasta sporið, sem stigið hefur
verið í þessu skyni. Þess vegna er því innilega fagnað af öllum þeim, er af einlæg-
um hug og áhuga styðja norræna samvinnu. Það hlýtur því að verða mikið gleði-
efni norrænu félögunum. Þau hafa vel og dyggilega unnið að auknu samstarfi.
Þau sjá nú, með hverju árinu sem líður, meiri ávöxt atorku sinnar. Það er þeim
til verðugs heiðurs og góðs og raunhæfu málefni til styrktar.