Norræn jól : ársrit Norræna félagsins - 01.12.1952, Qupperneq 29

Hvað er þá orðið
okkar starf?
Þœttir úr þrjátíu ára sögu
Norrœna félagsins.
Jón Eyþórsson
r
AÞESSU ARI eru 30 ár liðin, síðan fyrst var stofnað Norrænt félag á
íslandi. Endur fyrir löngu hafði mikið verið rætt og ritað um norræna
samvinnu á Norðurlöndum í þrengri merkingu, þ. e. í Danmörku, Noregi og
Svíþjóð. ísland kom þar vart til greina, af því að það var háð Danmörku, og Finn-
land ekki heldur, meðan það varð að lúta Rússum. Fyrir síðustu aldamót tóku
skandinaviskir (þ. e. danskir, norskir og sænskir) stúdentar að efna til stúdenta-
funda sín á meðal, og var þar að vonum talað hátíðlega um bræðralag og órjúf-
andi vináttu frændþjóðanna yfir veizluborðum. En stúdenta-skandinavisminn, sem
þessi hreyfing var kölluð, dofnaði fljótlega, enda hvíldu þá hin yfirvofandi sam-
bandsslit Noregs og Svíþjóðar sem skuggi yfir vinmálum Norðurlanda.
í fyrri heimsstyrjöld héldu Norðurlönd að vísu hlutleysi sínu og frelsi, en
ófriðarbálið logaði á allar hliðar. Þá reyndi á, hverju þau gátu miðlað hvert öðru,
og hvert um sig fann til vanmáttar síns gagnvart ofurefli stríðsaðilanna. Sam-
skipti, velvild og skilningur glæddist vissulega á þeim árum milli hinna þriggja
frændþjóða, sem á liðnum öldum höfðu svo oft sannað í verki hinn forna máls-
hátt, að „frændur eru frændum verstir“.
Að styrjöld lokinni komu því bráðlega fram raddir um það, að norrænum
þjóðum væri hollast að efla vináttu sína og frændsemi í framtíðinni, útkljá ágrein-
ingsmál sín drengilega og friðsamlega, kynnast sem bezt og læra hver af annarri.
27