Norræn jól : ársrit Norræna félagsins - 01.12.1952, Síða 38

Norrœn jól
í nóv. 1940 flutti Finnur Jónsson alþingismaður skemmtilegt erindi um dag-
legt líf á Norðurlöndum, eins og hann hafði kynnzt því eftir hernám Danmerkur
og Noregs, en þar og í Svíþjóð hafði hann dvalizt um sumarið, unz hann komst
heim með v.s. Esju frá Petsamo. Við sama tækifæri flutti formaður félagsins,
Stefán Jóh. Stefánsson, snjalla ræðu um samvinnu norrænna þjóða á þrengingar-
tímum.
í marz 1940 var haldið Færeyjakvöld í útvarpi, og töluðu þar nokkrir Færey-
ingar, er hér voru staddir í viðskiptaerindum, auk íslenzkra Færeyjavina.
Hinn 22. júní 1942 las norska skáldið Nordahl Grieg kvæði sín í hátíðasal
Háskólans fyrir þröngskipuðu húsi við mikla hylli áheyranda.
Um sama leyti kom hingað í boði Norræna félagsins norski sagnfræðingurinn
Worm-Miiller prófessor, en hann dvaldist þá í Englandi. Flutti hann þrjá fyrir-
lestra í hátíðasal Háskólans um samskipti Norðmanna og Þjóðverja, en hann var
þeim manna kunnugastur. Var jafnan fullskipað áheyrendum að erindum hans.
I okt. 1942 var fjölmenn samkoma haldin að Hótel Borg, og flutti þar sendi-
herra Dana, F. de. Fontenay erindi um framferði Þjóðverja í Danmörku og við-
brögð Dana í því sambandi.
Margir fleiri gestir, sem hingað komu, sögðu tíðindi af Norðurlöndum á
fundum félagsins.
7. Norræn jól. Árið 1939 kom Nordens Kalander út í síðasta sinn. Árið
eftir fengu félagsmenn í þess stað bókina Svíþjóð á vorum dögum, eftir Guðlaug
Rósinkranz ritara félagsins. En árið 1941 hóf félagið að gefa út sérstakt ársrit, er
hlaut nafnið Norræn jól, undir ritstjórn ritara félagsins. Hefur það síðan komið
út á hverju ári, prýðilegt að frágangi, og flutt fréttir af starfsemi norrænu félag-
anna auk mynda og greina um margvísleg efni.
8. Norræna heimilið. Ritari félagsins hreyfði því á aðalfundi 1942, að
Norræna félaginu væri mikil nauðsyn að koma sér upp félagsheimili á fögrum
stað og heppilegum í grend við Reykjavík, þar sem hægt væri að halda norræn
mót og námskeið, enda ættu sum hin norrænu félögin slíka samastaði. Á þessum
árum var gott til fjáröflunar, og varð því að ráði að hrinda málinu af stað. Árið
1944 var kosin 5 manna byggingarnefnd og 9 manna fulltrúaráð, er skyldi aðstoða
stjórn félagsins í þessu og öðrum málum. Fékk félagið til umráða 7 ha. lands í
Kárastaðanesi, hinn fegursta stað, en Guðjón Samúelsson húsameistari gerði upp-
drátt að húsinu. Til þess að afla fjár til framkvæmda var efnt til happdrættis og
36