Norræn jól : ársrit Norræna félagsins - 01.12.1952, Qupperneq 50

Þar eigum við
heima
Sigurður Þórarinsson
r
IÞÚSUND ÁR HÖFUM VIÐ, sem þetta eyland byggjum, haldið tryggð
og tengslum við Norðurlönd og talið okkar land til þeirra. Við höfum gert
þetta þrátt fyrir þá djúpu Islands ála, sem skilja land okkar frá þessum löndum
og þjóðum þeim, er þau byggja. Svo mjög höfum við sótt til þessara landa, að
við veittum því vart eftirtekt, að milli okkar lands og þeirra liggur land, sem um
langt skeið réð nærri hálfri jarðarkringlunni.
Nú eru tímar margháttaðra og stórfenglegra breytinga. Nú er okkur sagt að
hugsa hnattrænt. Nú segja ýmsir: Gott er vestrið. Betra er þó austrið, segja aðrir,
en þeim fækkar, sem líta til landsuðurs. Vel má vera, að ýmsir spyrji nú: Tilheyr-
um við raunverulega Norðurlöndum? — og spyrji einning: Er æskilegt að halda
tengslum við þessi lönd?
Fyrir mitt Ieyti svara ég báðum spurningunum óhikað játandi.
Víst tilheyrum við Norðurlöndum. Það má satt vera, að Grænland liggi næst
okkur af löndum, en það er ekki kílómetrafjarlægð, sem sker úr um það, hvort
við teljumst til Norðurlanda eða ekki; það eru margháttuð tengsl, sem engar
landfræðilegar hártoganir fá slitið.
Bæði fyrr og síðar hafa heyrzt raddir um það, að það væri okkur gagnlegast
að binda trúss við eitthvert land utan Norðurlanda. Orsök slíks tals hefur venju-
lega verið seiðmagn þess stórveldis, sem sterkast hefur verið í þann svipinn. I
48